قولت نعم ميراث جده وخاله

خلوني استانس مع البر واجول=يفضي به المشحون عما اباله
سج القدم في مهمن تو مسيول=متعاقبن فيه الزهر من جماله
خال(ن) من الاوناس مابه ولا زول=إلازعاجيل القطا في سهاله
بيمنك نشمين على الطيب مجبول=قولت نعم ميراث جده وخاله
اخير من مجلس مساكين وخبول=هتول الرجال اللي تشيل النقاله
مالي ومال مجالسة كل مهبول=شجعان الالسن جاحدين الجماله
البعد عنهم هو دوا كل معلول=لو كان يشري بعدهم من حلاله
ومن لايجيد القول يبعد عن القول=قبل انتقاد الناس يترك مجاله

(حمود محمد الفريدي)

تسلم على النقل يابوصالح قصيده تستاهل المدح

والأشاده

والشاعر الكبير / حمود بن محمد الفريدي

غني عن التعريف ابوناصر علم من أعلام الشعر

مشعلنا الف شكر على النقل والأضافه

بيض الله وجهك يا ابو عمر/ أشكرك بنيابه عن الشاعر
شكراُ على التواجد العطر

سلم لنا عليه اذا واجهته وقله صح لسانك مدد بلا عدد في ماكتبت وماستكتب
بيض وجهمك يابن مطيع على نقل الجزيل وجزل الاختياﻻ
لك اجمل تحيه

صح لسان الشاعر العلم حمود الفريدي
وسلمت يا مشعل المجالس على النقل
تقبل وافر التقدير

صح لسان ابو ناصر على القصيده الجزله

وبيض الله وجهك ابو صالح على الاضافه لاهنت ياغالي

صح لسان الشاعر المخضرم حمود الفريدي

شكراً لك يابن مطيع على الا ضافه

وحسن الا ختبار