قصيدة مهداه الى: خضير بن داموك الفريدي
ترا الشعر والابداع له منهجن محبوك
ونوادر بيوت الشعر تعرف مباديها
اسج الركايب فالمواقيف ماهي بروك
واعرف الرجال بفعلها قبل اسميها
الا ياسمي الفعل من فزعتك سموك
سمي الرجال اللي تجمّل عزاويها
سلامي على راع المواقيف بن داموك
لاقالوا خضير وكل فزعه وراعيها
هذا اللي يجمّل بالفعايل بدون شكوك
ياحي الرجال اللي تنومس بطاريها
مقر النشامى اللي مقرّه ماهو مصكوك
ليا قال كلمة حق بالفعل يحميها
عسى الله يجمّل عزوتن بالوفاء ربوك
من الااد راشد ذخر حرب ودواهيها
انا لانصيتك جيت فالموعود المبروك
ياراعي دواوين الكرم عاش بانيها
ورثت الكرم والمجد من لابتك وابوك
قبيله بحاضرها الفعايل وماضيها
قصار الهقاوي من هقاويك ماطالوك
ياذخر الرجال اللي بعيده هقاويها
على الفعل والميقاف والطيب ماجاروك
طبيعة رجال العز تتعب مجاريها
طبيعة خضير اللي يمينه رصيد بنوك
من اللي تطول بفعل طالت يمانيها
يمينه معودها على ابشر وهاك ودوك
لو إنك تبي تطلب نياقه عطاكيها
الشاعر : علي جازي الشيب
أقسام رئيسية
روابط مهمة
للتواصل معنا
تعرف علينا
مواقع التواصل