الله من قلبٍ مثل جمرة الكير = اللي هواه يشيل عنه الرمادي

الله من قلبٍ مثل جمرة الكير = اللي هواه يشيل عنه الرمادي
لاجيت ابا ادله يازبون المخاسير=وانسى الهموم المرمسة والجدادي
تزارقني لون ركض المعاشير = باللون والا في عددهن جرادي
عوب ملامسهن ملامس زمهرير= وردن وكنن في مكن الفوادي
شلف المقاضب والمواطي جنازير = ياطن على كبدي بليا ركادي
بين الضلوع يقلـدن الطوابير = متعلمات فنون درع البلادي
الي يدير وياخذ الوضع يسير = يثبت اقدامه ويمشي قصادي
يمشي على دقة ضبيح المزامير = مثله يجي طابورهن ثم عادي
والعبد ماينطح وجيه المقادير = يصير تحت حكم المجيد الجوادي
كم خيرٍ فيه الليالي مدابير = هداج يا نادي عليه المنادي
طاول قصاه وسخره غصب تسخير = خلاه يدعى بالكذوب الربادي
عليان ياكلت وجيه المثابير = سبع الرجال منوخه فالسنادي
كم سايحٍ قولة هلافيك تزوير = من ما خلق ربي سواة القرادي
الياسج وجيوبه ملايا دنانير = وسع له المجلس وحط الشدادي
ون طال حسه غطرفن الغنادير = حاتم وصل حامي اعراض التوادي
لو كان مايسوا عشاء العنز شعير = عن واجبه مثل المرة فالحدادي
اليا مسه الواجب الواجب تعلق بصنقير = دور ملاذ ولاذ واصبح يدادي
يبي يصير من الرجال المشاهير = ياذيك لو انك مسكت الحيادي
ماكن صار من اسود الوجه تقصير = ولكن بالدنيا بياض وسوادي
يعطيك عن طيب النشاما تقارير = قرن عليه مسميات الهوادي
قرن عليه ووادعوه الحفافير = وداع حيوان تحول جمادي
في جاه من ينشي صدوق المزابير = اللي يضيق بدرها كل وادي
من شان مايجرح شعور المسافير = عند العباد اللي تعبد العبادي
اللي اليا سولف عطوه الصراصير = يابا زعيم انا لقينا الوكادي
شذابه المقفي حداد المناشير = اللي اليا شدوا طرف علم زادي
خياله السودا غبوق الخطاطير = اللي تفوه كل سودا سوادي
تجاوز الوادي على عضم خنزير = لها على مبعد سموع وقوادي
عروقها من دم كبده مواتير = ماترجع الا من مرده وغادي
تنفض وبرها بين الاجواد ويطير = يوم تلبس له ثياب العيادي
اليا قام ينسج في ضهرها فواتير = هميصعٍ حلقه تماتيك رادي
يبني من الحبه كبر قمة النير = ويصب في بيت الزباد السمادي
واليا نهيته عودت نية الخير = عليك في يوم يبي له جهادي
في حال مثل عنتر الخيل والزير = في حال حاتم في ضمير المهادي
عنتر ذهاب مسودسات المسامير = والزير فالريبال شدالقيادي
وحاتم بصولات الليالي المعاسير = يمناه ما يشكل عليها النفادي
قدام بيته لون منفى الجزازير = نجم تنادى فيه حضر والبوادي
يقول انا مثله بعيد المذاكير = وانا مثل عنتر نهار الطرادي
خلاك تبقى بين عذال ومشير = سكت غادي وان تكلمت غادي
انا سكت ولاش خز القناطير = عمياء تصافح في كفوف الايادي
مثل الربا اللي حرمه كل تفسير = تمشي قطوع وتدرف فالمرادي
ان سيرت وان زاوروها مسايير = قررت عنها يانديم ابتعاي
الله يعز اللي رفع جمة البير = ساوى المساد وسيده يوم سادي
وقصر هذيب مطير ات المعاصير = وعلى ضريح السيف صلى وكادي
وطش الثقايل فالبحر للبوابير = لين البحر من زجر الامواج هادي
وهدت فحول العير جيش المناعير = وذاب الشمطري فوق مثل العرادي
من عقب ماحنا السباع المساعير = نصبح ونمسي في ظهور الجيادي
قمنا نباهي قمة الغرب تطوير = واللي مكذبني يجي لا يحادي
والا يعلق فانظير النواظير = ويقنعه قرط الفلل فالمنادي
اللي من اول بس روس العثامير = اليوم حقل انتاج والا نوادي
اليوم نور بكل فيلق لنا نير = الله يعز املوكنا يابو عادي
من تاه دربه قضبوه المعابير = واليا تعيماء قوتوه الحنادي
للعوج رادع والقوادي مداوير = ياللي تطابح في شرار الزنادي
جنب اصقورٍ برقعوها الصقاقير = خلك لبيب ولا يطول التمادي
لين انها تصعب عليك المعاذير = تنزح وراء وبدقاق خشمك تقادي
ترى الكلام اليا حصل فيه تبذير = حسن الكلام لسيته مايلادي

سبيل الحصني رحمه الله

اخوى ذعذاع الشمال
الله يرحم سبيل بن سند ويبقيك يالغالي
لاهنت على الاضافه الرائعه
تحيتي

الله يرحمة ..
اسمح لي ابدي اعجابي بقلمك وتميزك واسلوبك الراقي وتالقك

كل الشكر ووافر التقدير لأخي الغاالي القدير عبد العزيز العبلان
مشكورين أخواني الفاضلين ابو فيصل ومشعل على المرور الطيب 0