بالله ياهل البيت لا تشلعونه

26-11-08, 10:03 PM

بسم الله الرحمن الرحيم

الشاعر / محمد بن خلف الخس المطيري

أو البستان كما يسميه بعض الناس

من شعراء الجزيرة العربية و علم من أعلامها ..

له العديد من القصائد المشهورة و منها قصيدة مطلعها

سبحان من سوى الأوادم من الحورأنـا اشهـد أن الله هـو اللـي يسـوي

يقول الشاعر في أحد أشرطته اللتي يتحدث بها عن قصائده و مناسباتها :-

هذي بنتٍ كنت أكشخ عندها وهي تقول أبيك

وأنا والله نافعتني قولت أبيك لو أنني داري أنها تكذب علي ,

وكان عند أهلها صبي يعرف مابيني وبينها من مودة

وفي أحد الأيام يوم رجع الصبي للبيت لين أهلها عندهم مسايير من جماعتهم

يخبرونهم بربيع على (جو الثور) بالصمان ويمدحونه لهم ويبون يشدون

والصبي يوم جاء للبيت لين البنت جالسه مع أمها وخواتها على ضو نار الذبيحة

وكانت هي معها عود بيدها تلاحق النار فيه وبطرفه جمره ,,,

فقال لهال الصبي :

يافلانه لعيون محمد الخس أنك تكوين يدك بالعود

قالت,,,

بس بالعود إلا بالنار كلها ,,,,فغمست يدها فالنار

وفي الصباح نفطت يدها من أثر حرارة النار.

يقول وقابلتها بعد ذلك عند البل وقالت لي....

الذاهبين ـ يعني العرب ـ يبون يشدون ـ !!!

يقول يوم شفتها لين الله مصورها صورة عجب!!!!

فقلت هذه القصيدة :

سبحان من سوى الأوادم من الحورأنـا شهـد ان الله هـو اللـي يـسـوي

زول ٍ خلـق مـن نـور وبخدتـه نــورنـور مـن الخالـق ماهـو نـور ضـوي

أدعـج غنـج خـده بـه الملـح منـثـورتـقـول بــدرٍ بـــان بـفـتـوق نـــوي

وعيـون تذبـح بالهـوى كـل منـعـورسود ومضاليلٍ علـى القلـب سـوي

نيشانهـن رمانـت القـلـب يـاسـروروحرابـهـن مــن دم قلـبـي تـــروي

هو مسـرفٍ فيـه وانـا فيـه مجبـورحبـه مـلا قلـبـي وجـوفـي وجــوي

من زود حبـه كـن كـل البنـي عـورلا غـاب عنـي قـمـت ادوج وأهــوي

أبو جديل اشقر على المتن منشـوريـا هنـي مـن بيـديـه فـيـه أمتـلـوي

ان كـان شـدوا يـم وسمـيـة الـثـورواحسرتـي لا قالـوا البـيـت طــوي

وان مت من مركوز الأنهاد معـذورالـلـي علـيـه هـالـزمـان امـتـكـوي

ولوهو عطاني صاحبي كبر الأظفورقلت الدوا منك ، وعلـى الله بـروّي

يقول ,,,
وفي يوم الشديد مريت من قدام بيت أهلها كني أبا اروح للناس اللي على البير يسقون حلالهم ,,,

يقول,,,

ويوم تعديت البيت وهي تطلع من خلاف البيت وتشر لي على قلبها .

قلت : منهو له ؟

قالت : لك ....

قلت : واللي محجرينه ؟

قالت ::أبوهم بعشرين ضو ...

فخرجت أمها ورأتنا !!!

ثم قالت ::لعل عينك للطرفة ما انت بيم الشديد والقامة !!!

ثم أخذت عصا تريد تضرب البنت ثم استحت ورجعت .

فقلت هذه القصيدة :

بالله يـاهـل الـبـيـت لا تشلـعـونـهخلـوا عيونـي مـن حبيـبـي تــروى

ثــم لا تهـوزونـه تـبــي تضـربـونـهجعـل اليديـن اللـي تطقـه تـكـوى

جسمـه حريـرٍ لـو تبـي تلمسـونـهمثل النفل لـو تلمسـه لمـس ذوى

غـروٍ نياشيـن الـغـلا فــي عيـونـهيضحك ويشر لي على القلب جوى

يـقــول هـــذا لـــك ولا يقـربـونـهوأبو الـذي يزعـل بعشريـن ضـوى

وأنـا مليـك رضــاه مـاجـوز دونــهقلبي معه بيديـه مـن حيـث مـوى

حيث اني افهم ماخفى من ضنـوهوأدري بقلـبـه مــن قـديـمٍ وتــوى

وأخشى عليه من العرب ينظرونهأنـا أشهـد ان اللـي مسويـه سـوى

نبـنـوب مــوزٍ مـايــلاتٍ غـصـونـهعرقـه مـن الجـم الزلالـي تـقـوى

والـخـد بــراقٍ تـكـاشـف مـزونــهمثل المشاعـل مـن مقاديـم نـوى

عـنـق الـغـزال مخلـعـاتٍ متـونـهوالثـوب مـن قفـوه عليـه يتطـوى

في خاطري ما فالبشر مثل لونـهممـا خلـق ربـي مـن آدم وحــوى