طلب من عزيز؟؟؟؟

الإعزاء

في مجالس العز والشموخ

اعلم مدى تقصيري...وطول غيابي

ولكن ثقوا جميعا انكم بقلبي دائما

وبخصوص هذه القصيده رغم فوات مناسبتها

ولكن السبب الذي دعاني لوضع هذه القصيده بين ايديكم

هو تلبية طلب رجل عزيز على قلبي عاتبني على إنقطاعي

عن المجالس وعندما سمع القصيده زادت شرهته

ورغم انني اخبرته بنشرها قال انت تعرف اني من هوات البر بعد التقاعد

واكثر مااتابع قصايد عيال راشد بالمجالس

لذلك اتشرف بتحقيق رغبة الشايب الغالي

وهاهي القصيده

العمر له منتهى ..والموت له سكره=وعمر البنادم مثل توليعـة الشيحـه
كبدي على فراق شهر الصوم منفطره=اعلن رحيلـه وطفّينـا مصابيحـه
شهر بليلة وداعـه ندفـع الفطـره=ماكنهـا الاّ زكـاة الفطـر تلويحـه
نبكي على مفارقه وايّامـه العطـره=وقتـه تـلاوه وتهليلـه وتسبيحـه
والفايز اللّي ماقـال اببتـدي بكـره=عكف على مصحفه واحيا تراويحـه
صام وتهجّد وصدّق به واخذ عمـره=ولاضيّع اجر الصيام بكثر تجريحـه
واللّي على قولهم عايش على الفطره=لاهي مع الوقت تلعبّه مراجيحـه
عينه من الدمع ماهلّـت ولا قطـره=الله يعوضه ويعفـو عنـه ويبيحـه
لامنّه افطر بصـدره ولّـع الجمـره=وليانفخ سم صدره فاحـت الريحـه
يضيع وقته على التلفـاز والسهـره=عكس نظامه بدل مايعيد تصحيحـه
مابين هات المعسّل واعلن النشـره=و(عيون عليا) لاجت هاجت تباريحه
و(بيني وبينك) ترى لفّاتهـا خطـره=ماعاد هي سالفة ضحكـه وتلميحـه
ماكل من يمتحن عشره على عشـره=ومن سار درب الزلق لايامن الطيحه
ياناس منهو يلوم الرجل لو يشـره=الوضع لازاد ميله صعـب تصليحـه
خافوا من اللّي سناها يحرق البشره=وتذكّروا يوم نفخ الصور..والصيحه

ماكل من يمتحن عشره على عشـره
.......................ومن سار درب الزلق لايامن الطيحه

صــــح لسانك يابو عبد الاله

والدنيا ومشاغلها ماتخلي احد وعذرك معك يالوافي

وانشالله ان تاصلك مع المجالس ماينقطع

وبارك الله بالبناخي اللي اصر عليك تنشر هالقصيده الجزله

حتى لو فاتت مناسبتها...

وبانتظار جديدك المميز دائماً

صح للسانك أخي العزيز وبارك الله فيك


قصده رائعه لاتأتي الامنك

تقبل مروري .... دمت بود

صح لسانك ابوعبدالاله شاعر جزل مايجي منك الا ماكان رائعا اطلت الغيبه وتبقى عزيزا دائما وغنيمتنا هالقصيده الرائعه ولكن لاتطل الغيبه يمكن نتعلم الشعر ونقصدبك لان غياب من يملك قلما واعلاميا مثلك عن المجالس يعتبر كفقدان احد الاعمده والاركان وانت من الاساسيين والمشهود لهم بالبنان شكرا لك على رائعة ماكتبت وتقبل مروري

صح لسانك ياابوعبدالاله

على هذه القصيده


ونحن نفتخر فيك اليا جا طاريك


ونتشرف بمشاركاتك معنا في محالسنا الألكترونية


واتمنى لك التوفيق والسداد

صح لسانك اباعبدالاله
لاعدمناك طلتك الغالية على قلوبنا
ونحن على ثقه ان ابتعادك لمشاغلك
وتواجدك في مجالس ربعك بدون شك
انه مفخرة لنا جميعا .
حياك ربي ودمت لنا مبدعا وصح لسانك اخي الفاضل

ابو عبد الإله

صح لسانك وعلا شأنك قصيده جزله من شاعرٍ جزل

تقبل مرورى

صح لسانك يابو عبد الاله

على القصيده الجزله من شاعر جزل


ولا تحرمنا مرورك ومشاركاتك

صح لسانك ابوعبد الإله


قصيدة جزله من شاعر جزل عودنا على الإبداع في كل مايكتب

صح السانك اخوي ابوعبدالاله