يا صاحبي في عيونك سجلّ إعجابـي ...

السلام عليكم ...

أعجبتني هذه القصيده ,,,

فكم سيسعدني نثر حروفها في صفحة هذا المنتدى الكريم وسوف نفي بإسم شاعرها عند معرفته ,,,



_______________________________________________

هبت هبوب القريحـه وانفتـح بابـي =يا ليتني ما عرفت الشعـر وطروقـه
شيبّي الشعر ميـر القـاف ماشابـي =دايم يجـدد صبـاه ويحيـي عروقـه
يشيل من لحيتـي ويحـط فـأشنابـي =وأشيل مـا حطّهـا وأحطّهـا فوقـه
عديّت بالصـوت والمرقـاب مرقابـي =وكل ٍ حسب منطقه يبـدي بمنطوقـه
يا صاحبي في عيونك سجلّ إعجابـي =وبلغّ لي صبيّ عينك يفطـن لموقـه
وأسلم وسلّم عليها واحسب حسابـي =وأحفظ عهود الغرام الصـح وحقوقـه
وشلون خليّتني عايش على اعصابـي =ومكانتي في عيون الحـب مرموقـه
قابلتنـي بالجفـا وافـتـرّ دولابــي =والهجر خيلّ سمـاه ولاحـت بروقـه
عز الله انك معـي صـادق وكذابـي =دايـم هقاويـك مطـروده وملحوقـه
أحسنت فـالظن مير الظن ما صابـي =وانا جروحي لهـا عاميـن مفتوقـه
كم ليلـة ٍ مرّنـي طاريـك واومابـي =يسوقني مع هجوع الخلـق وأسوقـه
مع نجمة الصبح كم غنيّت ممـاّ بـي =( يا نجمة الصبح كبدي منك مرهوقه )
هذا حصيلي من أول وآخـر أحبابـي =ورده وذبلانه .. وشمعه ومحروقـه ؟

ويسعدني تسجيل اعجابي بذائقتك الشعرية

لاهنت ناصر

صح لسانك ولسان شاعرها


وبيض الله وجهك على الاختيار الرائع


تقبل مروري ...... دمت بود

ابيات غاية في الروعة والجمال
عاداتك حسن الاختيار
شكرا لك اخي ناصر على هذه القصيدة الرائعة
وصح لسان الشاعر

ابوبندر


رياضالود


منصور الوسوس


يسعدنا تواجدكم الكريم

ودمتم بود

صح لسان


الشـــاعر ومشكور

على


النقــــــل