مقدمة من شركة ( ؟ ؟ ؟ ) للاتصالات
شريحة الحب و الإخلاص
يعني مثل اسم الشريحة يدل على أنها شريحة فيها نوع من الحب والإخلاص والوفاء إلي نادر ما تشوف احد معاه شريحة مثلها ... ويوفي بحبه ومعزته للحبيب إلي يكلمه أو لصديق أو لأهله أو لأي احد يتكلم معاه .. يعني باختصار صاحب الشريحة ينحط على الجرح ويبرى .. للصديق والعزيز والقريب ..
=-=
شريحة الأهـل
يعني زي ما انتم شايفين فيه بعض من الشباب والبنات عندهم ها الشريحة .. يعني لو يتصل احد على صاحب ها الشريحة ولو كان 100 ألف رقم اتصل عليه يعرف انه الاتصال من أهله مليون في المية .. فاعاد تعال شوف الي ما يبغى يرد ولي يبغى يسحب عليهم لأنه عارف انه من أهله أو أقاربه فا الأخ أو الأخت مو ناقصين وجع رأس .. وهات وتعال.. وودينا السوق .. وليش تأخرت.. ويالله ارجع البيت .. تعال البيت أبوك متحلف لك..
والحق ينقال في الأيام هاذي الواحد يشوف اسم المتصل فرضا .. البيت أو الوالد .. يقوم يحط الصامت ويرمي جواله في الدرج
=_=
شريحة خـيانة
يعني الشريحة هاذي الكلام فيها نقطة في بحر .. الخيانة .. اسميها عندي ألم الدنيا إذا كان صاحب/ة الشريحة هذا يكلم حبيب له ولما يقفل الخط على طول مكالمة مع شخص ثاني ونفس الكلام الي ينقال لك ينقال له فا والله شي ما تقدر توصفه هل هو استحقار فيك..؟ هل هو مهزلة فيك .؟؟ ام هل هي مجرد خيانة..؟؟
فمداوة ها الجرح صعب .. ونصيحة مني الشريحة هاذي أضرارها كثير
=_=
شريحة كذب
يعني من اسم الشريحة شريحة الكذب أصحاب الشريحة هاذي تحصل في كلامهم لك أو مجاملتهم لك كذب في كذب كا مثل يقولك أنا فلان بن فلان وهاذي رقم شريحتي وهو لا كذا وكذا كله كذب عشان يوصل لمراده بأي شكل كان .. وخذلك كمان شريحة الكذب هذه زي مثلا صاحب الشريحة كل كلامه كذب في كذب سواء مع صاحبه أو حبيب له أو أهله أو أقاربه
وهذه إلي يصير حاليا ــ (:
شريحة مصلحـــه
بذات هاذي عدد ولا حرج .. يعني أصحاب ها الشريحة يكلمك ويعطيك من الكلام المعسول إلي يووه ما عمرك شفت زي الكلام هذا وبالأخير مصلحة وبعد ما يأخذ المصلحة يعطيك مشغول ويقفل الجوال ولا يرد وهذا واقعنا ما أحد يبغاك إلا عشان مصلحة وبس والقليل إلي تشوفه بصدق معاك من غير أي مصالح ولا ما يحزنون
لاااا أزيدك من الشعر بيت ...وبعد ما يأخذ إلي يبغاه وتكون محتاجه مـــا يعـرفـك ــ طــوط
=-=
شريحة التعارف
يعني أصحاب ها لشرائح معروفين من اسم الشريحة وتقريبا الشريحة هذه إلي يستخدمها أكثرهم الشباب طبعا الواحد يطلع ها الشريحة بس عشان يتعرف على البنات والعكس كمان البنات يتعرفوا على الشباب واسألوا المجربين .. يعني صاحب الشريحة مطمن ايش ما صار في الشريحة ماهمه يعني لا راحت ولا جات ...تيتتي زي ما رحتي زي ما جيتي يعني الآدمي أو الآدمية يبغوا يتعرفوا فا مسك السماعة ولي أمره أو ولي أمرها ما رح يهمه...وهذا إلي نشوفه في أيامنا وخلينا نكون صرحين مع بعض
=-=
شريحة تصريف
يعني اسم الشريحة هاذي تحفة كل صاحب الشريحة هاذي يعرف كيف يصرف نفسه يعني واحد أو واحدة معاهم ها الشريحة وفرضا شافه صاحبه في سوق أو أي مكان .. كيفك إخبارك .. ووالخ .. أعطيني رقمك عشان اتصل عليك ويكون بينا اتصال.( أيه شي أكيد تفضل رقمي)..فا طبعا صاحب الشريحة مطلع ها الشريحة علشان ها الأمور بذات التصريف .. ويعطيه رقم الشريحة ويروح هذا وهذاك وفجئة يتصل ويلاقاه ( الرقم المطلوب غير موجود بالخدمة مؤقتا) أو مقفل أو أنه يرد عليه ولكن بطريقة كذا يعرف كيف يصرف نفسه بأي شكل كان
يعني لا تحاول معاه ح يصرفك يعني ح يصرفك ــ
-==-=--==-
فمــــــــــــــــــاذا تملـــــــك وتفضل أنت من هذه الشرائـــح ..
هياااا اختاااار ما يناسبك
وتقبلووو تحياتي
رد: اختار شريحتك مجانا من هنا !!!!! 
العرض العادي
