قصايد حصريا لمنتدى الفردة

بسم الله الرحمن الرحيم
أقدم لكم هذه القصيدة موجهة لأبو يوسف غزاي بن زايد بن دهيكل الفريدي
وليست غريبة على عيال راشد نسل الاحرار أن يطلب منهم الفزعة وإجابة النداء

غـزاي جيتـك يـوم كـثـرت همـومـي ضاقت على الـدار واصبحـت محتـار

مالـي جــدا يـاكـود عــض البهـومـي أسهـر طـوال الليـل وأديــر الافـكـار

محتـار مـدري ويـن أوجــه يمـومـي وقمـت اتذكـر ويـن وافيـن الاشـبـار

وما فيه غيـرك مـن يسـد اللزومـي  وأدري واعرف أنك من اللي لهم كار

وتبي العلـوم أعطيـك زبـدة علومـي وأظهر لك الصـورة بمجهـر ومنظـار

مثـلـي بـهـا الدنـيـا يطـيـح ويقـومـي زود علـى حملـه عليـه الـدهـر جــار

مثل الغريب اللي على الدرب يومـي يرفـع يـده يـشـر عـلـى كــل مــرار

عقب طلوع الشمس شاف النجومي محـد وقــف عـنـده ولافـيـه معـبـار

ضاق الفضاء وكثروا علي الخصومي قصرت يميني وأطرف العين مسمار

هــذي يـابـن زايــد زبـــدة عـلـومـي ولاتعرض الشكوى علـى غيـر بيطـار

ولاهـو غـريـب أنــك تـسـد الثلـومـي فـي ساعـة الشـدة يبيـنـون الاخـيـار

وأنـتـه سـلالـة طيـبـيـن السـلـومـي عز الضعيف وخيـر للضيـف و الجـار

أرفع لـك البيضـاء بـروس الرجومـي راع الوفـاء يشكـر ويمـدح بالاشـعـار

ولا ينكـر المعـروف غيـر الرخـومـي اللـي بوقـت الضيـق ماعنهـم أخبـار

وصــلاة ربــي عــد وبــل الغيـومـي علـى النبـي الهاشمـي سيـد الابــرار

وهذه القصيدة الثانية رد ثناء وعرفان

أنـا لـيـا مـنـي رضـيـت وتسمهـلـت أجـاوب القمـري علـى كــل مــوال

هات القلم ياللي على الديـن لازلـت وافتح لي الصفحة بسطر لي أمثـال

من فزعت الطيب رضيـت وتمثلـت ولا هـو جزاهـا لـكـن الـحـق ينـقـال

عـــز الله يــابــن زايــــد تـجـمـلـت نلت الفخـر و العـز يـا طيـب الفـال

جيتك عقب مايبست الدار و امحلت وأخذت عنـدك حـزة العصـر فنجـال

ولبيت لي المطلوب في كل ما قلت أنشـهـد أنــك وافــي مـالـك أمـثـال

وأدري لوني يم أبـو يوسـف أرسلـت عود لـي المرسـال بالخيـر و المـال

لـولا الفريـدي بالمشاكـل تمشكلـت لكن فـزع لـي طيـب الجـد والخـال

كـم واحـد قبلـه نصـيـت و تفشـلـت أثر العفون أهدوم ما وسطها إرجـال

جـربـت نــاس وللحقيـقـة توصـلـت مـا كــل بـيـت للمشاكـيـل مـدهـال

بعض البيوت تشابـه الـوادي الصلـت لافـيــه مـرعــى ولا فـيــه مـقـيـال

و الخاتمـة مهمـا قـصـدت وتمثـلـت موقفك يـا غـزاي تضـرب بـه أمثـال

تقبلوا تحياتي

سيف الدغيشمي

هـذي يابـن زايــد زبــدة علـومـيولاتعرض الشكوى على غير بيطار

ولاهـو غريـب أنـك تسـد الثلومـيفي ساعة الشـدة يبينـون الاخيـار

وأنتـه سـلالـة طيبـيـن السلـومـيعز الضعيف وخير للضيف و الجار

الله يرحم زايد بن دهيكل

عز الله طيب الذكر ,,, وعقب مزيد واخوانه ,,كاسبين النعم

تسلم يا ولد ابوي ياالدغيشمي

الله يعطيك العافية سيف

ويستاهل الممدوح ابو يوسف

ابو يوسف دائم سباق للطيب

وصح لسان الشاعر

سيف يعطيك الف عافيه
على نقلك لهذا القصيده الجميله

اللتي قيلت برجل ونعم

بأبو يوسف يستاهل كل خير


أنتظر جديدك الرائع والجميل


وصح لسان الشاعر

المشاركة الأصلية كتبت بواسطة ذيبان

الله يرحم زايد بن دهيكل

عز الله طيب الذكر ,,, وعقب مزيد واخوانه ,,كاسبين النعم

تسلم يا ولد ابوي ياالدغيشمي

أشكرك يابو راكان على إطراك الجميل ولا عليك زود

أشكرك أخوي نواف على مرورك الجميل

ماجد الدغيشمي أقدم لك أجمل تحية على مرورك الجميل وانتظر جديدك

يستاهل المدح بن دهيكل رحمه الله تعالى

وصح لسان الشاعر

ويعطيك العافيه أخي سيف الدغيشمي

واتمنى كتابة اسم الشاعر اهذه القصايد

--معذرةً على التنسيق--

أخوي ناصر

أشكرك على التنسيق الذي تفاجئت به

والقصيدة بمضمونها وليس بتنسيقها

والله يرحم أبو مزيد عقب من يقال بهم الاشعار

والشاعر هو مطر بن فواز العوفي الحربي

مشكور أخوي على اضافة هذه القصايد

و صح لسان الشاعر والممدوح يستاهل الله يرحمه