الشاعر رشيد الفريدي في رثاء بالملك فهد رحمه الله

رثاء بالملك فهد رحمه الله

الحزن سكرة موت.. والموت سكراتيـشـرق بـهـا المخـلـوق بـآخـر حيـاتـه

روحـه تـروح ويلحـق بركـب الأمـواتحكـم العظيـم اللـي تعـالـت صفـاتـه

دنـيـا الفـنـاء فيـهـا تــزول الـمـلـذاتبـيـن الشـقـاء والـمـوت ودّه وهـاتــه

دنيـاً لهـا فـي سكـة الـمـوت ميـقـاتمـن عـاش فيهـا حـق يكتـب وصـاتـه

فيها عزا.. وحزن.. وفجيعـه ولوعـاتوفيـهـا ضعـيـف الـديـن يفـقـد ثـبـاتـه

لا عـدت يـا يـوم علـى المملكـة فـاتزعـيـم الأمــة فـيــه ذاعـــوا وفـاتــه

صــرّح بــه الـديـوان تأكـيـد وإثـبــاتبــيــان هـــــز قـلـوبـنــا مـفــرداتــه

تنـاقـلـت بـثــه جـمـيــع الـمـحـطـاتوكــل تـأثــر فـــي فجـيـعـة مـمـاتـه

حضرت وفـود.. ونكسـت فيـه رايـاتولـيـل التـعـازي فـيـه خـيّـم سكـاتـه

فاضت عيون وضجت قلوب وأصـواتفــراق ابــو فـيـصـل يـبـكّـي عـداتــه

للـعـود قـفّـوا فـيـه والـنـاس زافــاتشـالــوا عـظـيـم ولـحـفـوه بـعـبـاتـه

هلت علـى قبـره مـن الدمـع عبـراتوكــل دعــا لــه يــوم صـلـى صـلاتـه

بقلوبنـا.. يبقـى الفهـد حـي مـا مــاتعاش بقلوب النـاس مـن طيـب ذاتـه

سجّـل لــه التـاريـخ مـجـد وبـطـولاتوأذهـل مـلـوك الأرض فــي منجـزاتـه

طــوّر بــلاده فــي جمـيـع المـجـالاتوالشعـب حـقـق لــه جمـيـع امنيـاتـه

قـاد السفينـة فـي عميـق المحيطـاتولـيـا عـطـا مـثـل البـحـر مكـرمـاتـه

وأن هبّـت ريـاح الظـروف الصعيبـاتيـحـطّـم الصـعـبـه صـلابــة حـصـاتـه

عزومه أصلـب مـن جبـال السـراواتيسـقـي خصـومـه للقـهـر والشمـاتـه

وان كانهـا صــارت معـانـد وفـزعـاتيبـشـر دخيـلـه لا زبــن فـــي نـجـاتـه

يــا الله يــا خــلاق سـبـع الـسـمـواتتغـفـر ذنـوبـه يـــوم هـــذي سـمـاتـه

وتعيـن ابـو متـعـب بحـمـل المهـمـاتهــو ريــف شعـبـه بالحـيـاه وغـنـاتـه

شـال الأمانـة مــن يشـيـل الثقـيـلاتونـال لـولاء شعبـه مـن أربــع جهـاتـه

مقـدم هـل العـوجـا ولا بــه مــراواتاخــوان نـــوره عـــز مـنـهـم ولاتـــه

وسلطان.. سلطان الوفاء والجزيـلاتالـخـيـر فـالــه دوم والـشــر فــاتــه

عضيـد أبـو متـعـب عـهـوده وثيـقـاتهــو سـيـف عـبـدالله وقـايـد حمـاتـه

ليـث علـى خصمـه تضيـق الوسيعـاتلـيـا انتـخـى كحـيـلان باكـبـر خـواتــه

وحنـا لهـم مثـل الــدروع الحصيـنـاتوالمـوت لأجــل الــدار هــذي حـلاتـه

كذلك

ياقلب لـو دمّـك مـن الوقـت محـروقلاتقـول انـا مالـي علـى الصبـر طاقـه

لـو شـب فـي صـدري براكيـن وبـروقولـو كـان طعـم الصـبـر مــرٍ مـذاقـه

بدرا..زعـل مـن لـه مشاريـه وحـقـوقمـــن نـايــد الأجـنــاب ولاّ الـرفـاقــه

وإن جاك ابو وجهين فـي علـم ماثـوقمــن شــان حـاقـد لاتبـيـع الـصـداقـه

بعض العرب عايش على الشم والذوقوإن شـح كـف الـوقـت مـاسـد فـاقـه

الآدمــي مظـهـر ومـخـبـر ومـنـطـوقوعــن غـيـب مكنـونـه يـدلّـك نطـاقـه

والطيب له منهج ولـه سـاس وعـروقوالـعــود الازرق مـيـزتــه بـاحـتـراقـه

ولاّ الـردي كنّـه علـى الوجـه مصفـوقيـبــور بالمـيـقـاف ..خـطــو الـعـلاقـه

راس الردى فـي حبـل الأيـام مشنـوقولا لـلـردي مـــع ذود الأجـــواد نـاقــه

وترى الكمأ يلقـاه مـن شـاف رقـروقوالحـسـد داب لــه مـلامـس رقـاقــه

ولاهو صحيـح إن كـل مطـرود ملحـوقولاكــل منـهـو صـــد قـطّــاع سـاقــه

كـم واحـدٍ قلـبـه مــن الـهـم مفـتـوقوسـره عــن الحـسـاد محـكـم وثـاقـه

والنـاس فــي تفكيـرهـا بينـهـا فــروقويبـقـى التشـابـه بـالإسـم والبـطـاقـه

[/frame][/

بارك الله فيك اخي مجرد انسان

وصح لسان الشاعر ابو عبد الاله المبدع

مجردأنسان بيض الله وجهك

وصح لسان ابو عبدالااله