ولا تبرر للفشـل .... اي تبريـر

السلام عليكم ورحمة الله وبركاته
خلال تصفحي بعض مواقع الشعر لفتت نظري هذه القصيدة والتي
اعتبرها من افضل ما قرأت احببت ان انقلها لكم اعجاباً بها وبشاعرها
الذي لم اعرفه ولعل من يستطيع ان يتحفنا بأسمه
لكم جميعا هذه الابيات الجميلة

الوقـت والله مايحشـم المناعيـر =لاهو على كيفك ..ولاهـو بـودّك
تصيربه .. اشياء مـاودك تصيـر =والنفس عن شي ٍ يفيدك ... تلـدّك
اصبر على دنياك ... لو مابها خير= لاتشتكي حتى لو الوقـت ضـدّك
وان حدتك سود اليالي على الغيـر =لاتطلـب الا واحـد ٍ مـايـردّك
عليك .. باللـي عالـم ٍ بالمقاديـر= اليا تعبـت وبيّـح الوقـت سـدّك
وان جات للواجب وجا منك تقصير= مالك نعم ... لو سالم الزير جـدّك
بعض المواقف ..ماوراها معاذيـر= اما بخـدّ العـذر ... والا بخـدّك
ومن قدّرك ... لابد تعطيه تقديـر= ولا تعدّه شي .... مـن لا يعـدّك
ولا تبرر للفشـل .... اي تبريـر= افهم .. وميّز بين ضحكك وجـدّك
للكل ند .... ولا يجي ندّك صغير =اعرف ترى مقياس حجمك بنـدّك

وان حدتك سود اليالي على الغيـر =لاتطلـب الا واحـد ٍ مـايـردّك

ابيات في قمت الجزاله،،،

//

يعطيك العافيه اخي منصور ع النقل،،،

//

تقبل تحياتي...

حياك ربي ياذيبان اسعدني تواجدك لاهنت

فيصل بن هديب
شكرا لك والجزل يستاهلك شرواك

ابا محمد

أخوى العزيز تسلم يمينك على النقل الموفق

تغيب وتجيب الجزل لاهنت لاهنت يالذيب

تقبل مرورى وتحياتي

حياك ربي يبو فيصل انور المتصفح بتواجدك الراقي
لاهنت ولاعليك زود اسعدني تشريفك
وتقبل اجمل تحية من محب

ابومحمد

قصيدة في قمة التوهج والجزاله

لاهنت على هذا الإختبار

..

أخوي منصور :

الله يعطيك العافية على روعة الانتقاء والنقل ..

تقبل شكري وتقديري....

عليك .. باللي عالـم ٍ بالمقاديـر ** إليا تعبت وبيّـح الوقـت سـدّك

.

الله يعطيك العافية أخي منصور على النقل الأكثر من رائع

تقبل مروري