الحمدلله رب العاالمين والصلاة والسلام على اشرف الانبياء والمرسلين اما بعد
اشتهرت قصيده للشاعر / ناصر الفراعنه السبيعي على نطاق واسع وكثرة الاحاديث فيها
وأضع اليوم بين ايديكم ماتوصلت اليه من اسباب وتفاصيل القصيده
واذا كان هناك صواب فتوفيق من الله وأن حصل خطأ فمن نفسي والشيطان
والتمس العذر منكم ان ورد بعض الاخطاء الاملائيه او غيرها
نبذه عن القصيده ومداخلات الشعراء :
قال الشاعر الكويتي / أحمد الخياط قصيدهـ ( أزهم نوت يالفراعنه ) ,,,,, أسندها للشاعر / ناصر الفراعنه وقال الفراعنه قصيدته المشهوره ( نـوت ) ,,,, ثم قال الشاعر / فهد فريك اليامي قصيده مجاراة للناصر الفراعنه ( النجمة السداسية والزئبق الازرق )
نبذة عن الشاعر :
ناصر الفراعنه السبيعي ,,, و حصل على القاب كثيره منها
شاعر سبق عصره -شاعر الثقلين- شاعر الجزيره - شاعر العرب - شاعر الملاحمّ
-ملك الشعر - شاعر الارض - مارد الشعر - شاعر الأقصى - سلطان القصيد
ولاأعلم بصحة شرحه هل هو صادق او مجرد خزعبلات لاكن سأورد الشرح كما جاء وابين بعض الملاحظات اللي التمس فيها خطأ للمنصور بالله او بالقصيده
فإلــى القصائد :
القصيده الاولى للشاعر الكويتي / أحمد الخياط وأسندها لناصر الفراعنه
أزهم نوت يالفراعنه
تغطلس حاكم القطبين بين المارد وعفريت=حكم له شيخ له في كل قطب صروح مبنيه
غزاهم في ظلامٍ والسبب من ولعةٍ في ليت=ركب من فوق سبعينٍ على الالفين مع ميه
ثمان سنين ياناصر تجرع سم مع حلتيت=طحن له حبةٍ زرقا بجوف الداب والحيه
تغشّاه العرق بارد ولاهو حي لاهو ميت=وقف له من تميم الفين جنيٍ وجنيه
قراله نوتةٍ من نوت وقالت نوت ليت وليت=ليامنك كشفت ارقامها تقطع بجنبيه
وانا من قبلها في زاد مسلم قالط وسميت=وقبل الزاد فنجالٍ قدوعه حالي شويه
الا يانوت شفت الموت فوق الضلع باني بيت=وحدر الضلع ياناصر ثمان الاف عفريه
يسرحها يضويها مع الوادي ليا مريت=رفع رايه على جبال اليمن ماهي يمانيه
وانا لولا جذبني نور في نورٍ ترى ما اضويت=على وادي سماه بليل من غيمه صحاويه
اناظر في قدم رجلي على هوني ولازليت=ولاحت لي بيارق سود شرقٍ مع شماليه
سمعت الصوت يزهمني وانا في يمته ناديت=ورد الصوت من غربٍ وناداني جنوبيه
لقيت العبد الادريسي ينادي ياهلا حييت=على ضلعٍ تراجف فيه ديّه عقبها ديّه
تلقيته بوجهٍ منه مرتاحٍ ولا صديت=ولكن كل مخلوقٍ ابه حسنه وابه سيه
دخلت لمجلسٍ عامر وحاكم راعيٍ به هيت=عليه الشامه السودا براس المتن ماريه
انا سويت وش سويت لو سويت ماسويت=وجتني نوت بكتابٍ عرفت العلم تاليّه
على ناصر ولد فارس تراك اخطيت ثم اخطيت=الك نيه وله نيه وانا يانوت لي نيه
تهلي بك ثلاث الاف لامن رحت ولامن جيت=على جبال الجزيره للصدى روحاتٍ وجيه
ولكن ناصر لحاله يسريها وانا سريّت=ثلاث الاف عفريتٍ على وضحا عمانيه
اسل السيف الاجرد واحسب اللي فيه كم ادميت=قلوبٍ سود في بشرة حماره بنت شاميه
ملوك الجن بالمغرب معك وترد لي لاامسيت=تفرعّن حاكم الوادي بقاصيه ودانيه
تكفيت العنا ما بك قصورٍ في عناك اكفيت=تعلمت الصبر من وقت قاسي ماش حنيّه
تفرعن ناصر بشعره كسب له سمعةٍ مع صيت=اقوله والكلام لنوت ياخيٍ مدح خيّه
وواريته ثرى من قبلها تكبيره وصليت=بقى قبره اثر من فوق ضلع ونوت تحتيه
شهدتي له وانا شاهد ولوني بامدحه ما اوفيت=ابوفارس لحق عهد الزناتي والهلاليه
تزوبع زوبعه والروس الاربع قرنها خرتيت=جنوبيه شماليه وشرقيه وغربيه
على ميمون ماطافت علوم وفاالامور اخفيت=جرى دمه بعرق وكبده من الغل مرويّه
ابوديباجه ان حاشك بسوط مشّوكٍ غنيت=صدى صوته وصلني لو يجره فالسعوديه
شطائيلٍ مع شيخٍ كبيرن لا وصلك اغفيت=ولامن مات شيخه ماكفاه الفين مرثيه
تناسينا ولا ننسى على برقان كان الفيت=تبي تضحك على العالم مع هاذي وهاذيه
ملوك الجن جنّت من عقل صاحي ولا جنيّت=وتبقى الحبه الزرقا عن الحساد مخفيّه
نهايتها ياناصر اسلم وسلّم ليا رديت=عرفت العلم من نوت الرزينه والهواويه
قصيدة ( نوت ) لـشاعر الثقلين 
العرض الشجري
