قصيده جديده للشاعر فهد بن فالح

هذه القصيده قالها الشاعر فهد بن متلع الفريدي في تاريخ 4/4/1428 هـ ردا ً على ابيات الشاعر نافع بن عوده الفريدي
اللتي يقول في مطلعها

لا والله الا برّك الزمل يازيد = والحمل ماينشال فوق القعودي

فعارضها الشاعر فهد بهذه الابيات :

يابو بدر دنياك مابه مقاعيد = من حضر يومه زوروه اللحودي
حصّلت فيها ونعم في كل تاكيد = يابو بدر ذكرك تعدى الحدودي
ولو به حدٍ يفوت من صايد الصِيد = خِلد رسول الله خيار الوجودي
ولا تلام في فقد الرجال الصناديد = سلاحنا في كل درب ٍِ يكودي
وارجي من اللي يبدي الخلق ويعيد = عساه يبعثهم مقام محمودي
صار العوض فيهم كبار الهرابيد = اللي سوالفهم تبط الكبودي
سوالف الدنيا طوال ٍ سراميد = ونزولها مضمون عقب الصعودي
كد باعها تركي برخص وتزاهيد = حرّج عليها ما لقى من يزودي
تطرب هل الموضات واهل التقاليد = اللي على الشاشات مثل القرودي
صارو ضحاياها عيال الاجاويد = شِنّت لهم حرب ٍ لواها معقودي
شِبت لهم نار ٍ حطبها المقاريد = وقاموا عليها يضرمون الوقودي
انظر محاقين الخلاعه ملابيد = يحيا عليها الليل كله قعودي
ومخدرات تسوّد الوجه تسويد = كسبوا بها حرب ٍ بليا جنودي
والمؤمن العاقل بحيره وتنكيد = على انحرافه يبذلون الجهودي
وصلّوا على اللي وحّد الدين توحيد = اللي سكن طيبه وجلّى اليهودي

أخي Eng Abood يعطيك العافيه على نشر الجديد والإختيار الموفق .

وان هذه القصيده طيبة وهى تناسب اهل هذا العصر


وتقبل خالص تحياتي

Eng Abood بيض الله وجهك


وصح السان الشاعر / فهد بن متلع الفريدي

اخوتي ابو رزان وبقايا انسان يعطيكما العافيه واعدكما بتقديم المزيد من القصائد

تقبلو تحياتي

يعطيك ألف عافيه أخــوي ENG ABOOD
علــى هذة القصـــيدة الـــرائعـــة للشــاعــر فــهد آل مـتلع

واتــمنى منـــك نشــــر المــزيــد من قــصــائــده .....
ويـعطيــك العافيــه مـــره أخـــرى

أخــوك : سلمـــان

اختيارااات جميلة
سلمت يدااااك

الاخوه سلمان ومعلا العنيزان شكرا على المرور الرائع وتقبلو تحياتي

صح لسان الشاعر ويستاهل نافع بن عوده هذا الرد والمدح للاحياء والاموات 000 والشكر موصول لك على هذه القصيده

عزيزي ابو راكان يسعدني مرورك الكريم وتقبل تحياتي

صح لسان الشاعر فهد قصيدة روعة