ياحي عذب القيـل ياحـي ياحـي
المهنـة اللـي قـل مـن يمتهنهـا
اقفال ما يدخل على اسرارها عـي
اللـي يخبـز السالفـة ويعجنهـا
جواهـرٍ قلبتهـا بـيـن أيــادي
وعجبت فاللي مع بعضهـا قرنهـا
واللـي تبناهـا وموضوعهـا نـي
واللي على افضل ما يناسب وزنها
جتني وانا غربي دراويش وهبـي
في ديرة جعـل الغشيـن ايغشنهـا
مثل الهنوف اللي عليها اجمل الزي
اللي مشاحن جيلهـا مـا شحنهـا
حيث ان الاولى هي والفايزة هـي
ولا قد وخذ عند المراهـن رهنهـا
وعنها نشدني واحـد مـن بنيخـي
قلت انشدوا عنها مديـر امخزنهـا
لابن زويبن فوقهـا طابـع حـي
ويكفي كتابة رمزها عـن علنهـا
ولا ادري تسمى هند والا اسمها مي
والا تسمى باسمها اللـي ضمنهـا
عند المواجه يـوم حلـت حوالـي
حبيـت منهـا مابـدا مـن لدنهـا
ويوم المليحة حركت لي طـواري
من حسن جوهرها وطيب امعدنهـا
نويت اجاريها لـو اقـدام رجلـي
حفيا وهي يتعب مجـارى ضعنهـا
ولديت اشوف اللي بقى في مخابـي
واللي بوسمه صاحبي مـا سجنهـا
وإلا سميـي لاوٍ أرسانهـا لــي
لين اذعنت له طايعة مـا شطنهـا
طرايف من مآردٍ عـذب ورهـي
ما هو همـاج كـل كبـدٍ وسنهـا
المآرد اللي يكتفـى منـه بشـوي
مثل الدوا لا جـاء فتـوقٍ وشنهـا
لا صار عذبٍ ماه ورهي ورخـي
بصر العدود مهلكـة مـن قطنهـا
ابومحمد تسلم يمينك عز الله ماقصرت وبيض الله وجهك وعدت وأوفيت ذيبان تسلم وتسلم ورايتك بيضاء
تقبل تحيات اخوك
تحياتي للجميع
إن كان تنشد عن علومي وأنا صبي 
العرض العادي
