قصيدة جديدة للشاعر الكبير : شريف بن راكب

الشعراء الكبار يهتم المتذوق للشعر بالبحث عن جديدهم
لكونه يؤدي الاهداف المطلوبه منه حيث يعالج القضايا
ويعيش حال الامة وواقعها وعندما تشرفت بزيارة الشاعر
الكبير : شريف بن راكب اسمعني هذه القصيدة الرائعة
جدا والتي تعالج مشكلة الزحام في صدر المجالس مما
يوقع صاحب الحفل او المناسبة بحرج شديد خصوصا اذا جاء
من يستحق ولم يجد له مكانا متقدما هذه المشكلة
الاجتماعية عالجها ابو محمد بهذه القصيدة حيث يقول :-

ابجتهد والمجتهد يمكن يصيب = واليا حصل زلت خطأ غصب عني
جميع ما اقوله حصيلة تجاريب = ما اقول قالوه الجماعة وظني
منشان ظاهرةٍ على المجتمع عيب = ما ودي أتركها سدى وتغبني
نصيحةٍ لمظايقين المعازيب = فسح المجال لغيرهم والتأني
صدر المنصه لايودي ولايجيب = مايرتفع قدرك ولاهو مدني
انته هو انته لا مهلهل ولاكليب = ما تنقلب باشه اليا صرت جني
الحق لضيوف الشرف والاجانيب =هديةٍ لاصحاب الالباب مني
والكبر ميزه من كبار العذاريب = للي معه مثله قرينه يغني
ليا صفّط المشلح وشخّص على الجيب = وصوّر له المطرود عرش التمني
يشوف كل الناس قدمه دباديب = لو ما يقل فلان ما قل سني
ما في كلامي لاتصنّع ولا ريب = وجهت للمقصود رمح المطني
عسى الزعل له عويتن في قفا ذيب = الخيل في وسط المرابط تعني
والا ترى الطيب معه يمشي الطيب = لو صار في قاعٍ عجاجه مقني
لو مسكن الطيب مثل خيمة شعيب = تعرف ولايعرف قصور الهبني
كلٍ تهمه غيبته عند مايغيب = ويقال للثاني عسى مايثني

شريف بن راكب

	انته هو انتـه لا مهلهـل ولاكليـب=ما تنقلب باشه اليـا صـرت جنـي الحق لضيوف الشـرف والاجانيـب=هديـةٍ لاصحـاب الالبـاب مـنـي صح لسان ابن راكب وعزالله انها مشكله تحرجك مع ضيوفك وهالقصيده وصفه طبيه يجب ان تكون ناجعه مع أولئك الحلوين منصور بيض الله وجهك على هالنقل الجميل تقبل والجميع تحياتي

مجروح الزمن مشكور على الاطلالة الكريمة
وصدقت انها وصفه طبيه من شاعر كبير
دمت بخير وعافية

أبو محمد

بيض الله وجهك

وصح لسان الشاعر شريف بن راكب


وقد تطرق الشاعر إلى ظاهرة فعلاً محرجه للناس
وهذا هو الواجب على الشعراء النصح والإرشاد للمجتمع

ابو محمد

صح لسانك ولسان الشاعر الكبير/ شريف بن راكب

وموضوع ومشكله أصاب وأجاد بحلها وكما هو دائماً صادق ومتفرد بحلوله

مع جزيل الشكر والتقدير

,

أخوى
منصور الوسوس
تسلم يمينك على النقل وصح لسان شاعرنا الكبير شريف بن محمد بن راكب الذى نعتز بشخصه وشعره شاعر أجاد بجميع طروق الشعر وصح لسانه ثم صح لسانه ودائما مايناقش المشاكل الأجتماعيه ويوجد لها الحلول شاعر رزين يسلم وصح لسانه
تقبل مرورى وتحياتي

صح السان الشاعر شريف الفريدي

وتسلم يمينك يامنصور على النقل

الف شكر على جهودك

ناصر بن راكب
غازي بن عجاب
مقبل النمران
علي الجضعان
صحت ابدانكم ودامت ايامكم
شكرا لكم ولكلماتكم الجميلة
دمتم بخير وعافية

صح لسان الشاعر / شريف بن راكب

وسلمت يالوسوس على النقل

صح بدنك اخوي احمد
لاهنت على الاطلاع