الحب العذري

يابو عيونٍ تشكي الثقل ...خدري=يغضن حياء ..والقلب منهن صويبي
بدري علينا يامنى الروح ..بدري=الوقت دايم للحبايب ... حبيبي
لاتناظر الساعه ..ولا تخاف غدري=انته دخيل القلب ..والله حسيبي
صوتك يونسني اليا ضاق صدري=وشوفك يعزيني عن ادنى قريبي
اول لقانا !! لكن الحب عذري=على الشرف مبناه ما فيه عيبي
وانا ادري انك خايفٍ حيل ..وادري=اني غريبٍ عنك ...وانته غريبي
الخوف من مخفي نواياه ..ودري=واليا قضا المطلوب .. مشرط طبيبي
وش ينتظرنا باقي الوقت ؟ مدري=لكن الامل بالله ..ماهو يخيبي

*******
ابو عبد العزيز

الله عليك
بدرى ومدرى
وكلها على كلها
مدرى وين وين وين
يالله دور ا بن جضعان
وينك ياعلى ندورك خلف
هجدك وهجدنى بعد الجروح
خضر لاهالحين كنــه مــايــدرى
لاوالله الا يدرى ويدرى ويدرى بعد
تسلم يمينك ابا عبد العزيز وبيض الله
وجهك لكن سؤالى ليه وراك علينا لاتقول
مادرى
تقبل مرورى وتحياتي
تحياتي للجميع

المشاركة الأصلية كتبت بواسطة خلف الفريد

الخوف من مخفي نواياه ..ودري=واليا قضا المطلوب .. مشرط طبيبي
وش ينتظرنا باقي الوقت ؟ مدري=لكن الامل بالله ..ماهو يخيبي

*******
ابو عبد العزيز

صح لسانك ابو عبدالعزيز .... كل ما قلت ماتت نار المحبين نفختها .. يا عظم العرب..

صوتك يونسني اليا ضاق صـدري
وشوفك يعزيني عن ادنـى قريبـي

ابداع متناهي ... وروعة لاتضاهى...
اباعبدالعزيز اشعلت في دواخلنا الكثير
مبدع شعرا كماانت نثرا
صح لسانك,,, وسلم بنانك
لك تحياتي

صح السانك شعر عذري يستحق المجاراه وين ابو فيصل

ماهي عوايده النوع هذا تخصصه نبي من خلجاته


سجل اعجابي وتسلم على هذه المقطوعه الرائعه

دائم الأبداع اباعبدالعزيز

صح لسانك يبو عبدالعزيز
ماتلام لاني اعرف كثيرا من اسباب هذا الصبا الذي يابى ان يريح ضميرك
تابى الا الابداع لاهنت
دمت لنا مبدعا متواجدا ياعندليب المجالس

ابو عبد العزيز

صح لسانك وسلم بنانك

والجمال الساكن بورديتك جعلنا نعيد قراءتها

تغرينا للغزل من جديد .

وإن شاء الله يكون : الوقت دايـم للحبايـب ... حبيبـي

مع إنه في أحيان كثيرة : الوقت دايـم للحبايـب ... عطيبي

وبلا شك لايصح هذا الشطر : بدري علينا يامنى الـروح ..بـدري

إلا بشطر مشابه لــ الوقت دايـم للحبايـب ... حبيبـي... بمعناه

دمت متميزاً بخير

دائما ملفت للأنظار ابوعبدالعزيز

وتتباها بك القوافي عندما تنضمها

أسمحلي أعبر عن إعجابي بالغزلية اللطيفة أن أضعها في

إطار توقيعك كتعبير بسيط عن مايجول في الخاطر

أبوعبد العزيز

صح لسانك
اول لقانا !! لكـن الحـب عـذري **على الشرف مبناه ما فيـه عيبـي
ويعطيك العافية

ههههههههههههههههههههههههه هههههههههه
هلا هلا ابو فيصل لاعدمتك وانت تسلم وبيض الله وجهك
لكن الظاهر ابن جضعان ماهو متحرك
انا خابر ان البيات شتوي ماهو صيفي
واليوم الناس باجازه ووقت افراح والقلوب خضراء وورديه وحمراء يبون الوناسه، تحركوا !!!
اشكرك اخي الحبيب وننتظر جديدك
لاهنت
...............