قصيدة الشاعر/ شريف بن راكب في حفل الشيخ ناصر بن حديد رئيس بلدة كبد

فرصة ثمينة ولايمكن توفرها = والله ماافرط بساعة من تمانية
سلام ياديرةٍ تنشر بشايرها = اللي يسمونها كبد الحديديه
بسم الحديد اشرقت باجمل مظاهرها = وفازو هل المجد بالثقه الملكية
ومن لايدسم شوارب مايغبرها =ولايدرك الطايلة من نام بالفية
هدية من هل الحفله وشاعرها = عنوانها أزكى الصراحة واطيب النيه
يامرحبا بالرجال اللي نقدرها = جميع من زارنا وإلا نوى الجيه
ترحيبةٍ دايم الدوله تكررها = بوفود الإسلام ترحيب السعوديه
الدوله اللي عسى الله مايغيرها = على الوفا واحترام الدين مبنيه
تقدر الشعب وتهلي بزايرها = وتكوي مريض الفواد وتنجض الكيه
مرحوم ياقايدٍ علاَ منابرها = كتبه على كلمة التوحيد مطويه
على مسار النبي وجه دوايرها = في طاعة الرب ماموره ومنهيه
زاول وحاول على وحدة عشايرها = وابلاغهم بآخر الكتب السماويه
وخلَى القبايل توقف عن تناحرها = وقضى على مصدر الفتنه من البيه
ياصعب طرق مع البيدا يعاصرها = ليا غابت الشمس حط النجم ماريه
سدد وهدد على مدنٍ يحاصرها = لين المكابرخضع له وانتهى غيه
شرًق وغرًب وحدد في معابرها = واعاد دوله لها الماضي اسلاميه
قضى على شرًها وامًن مسافرها = من سيرة الغدر واهل الغدر محميه
اخذت جزل السوالف من مصادرها = من روس قومٍ بهاك الوقت معنيه
ادركت من جملة الوقعات خابرها= ينقص ثلاثين من عمره عن الميه
كن المعارك على شاشة يصورها = ويسمي القوم خياله ورجليه
هذي عناوين عن سيرة محررها = مافيه شيخ كهل ماقالها ليه
واقفت ركابه وسلمها نوادرها = اللي عسى نارهم طول الزمن حيه
من سادها قادها واكمل تطورها = وركز على امن البلد والجيش والهيه
تحظى بترسانهٍ ترهب ذخايرها = ولنا الشرف زود لونملك نواويه
ماقولها قصدي العالم ندمرها =من شان يصحي هذاك وتنتبه ذيه
والشله اللي جليل الملك عاثرها = اللي لها اسماء عديدة منهن الفية
افعالهم كل من بالكون ينكرها = واوكارهم من بلاد العدل منفيه
ياجاهل الدين نفسك لاتفجرها = وش ذنب طفل يوارى القاع بدميه
وياجب على رب كل إسره يحذرها = ويرسم لها السيرة الحسنه من السيه
قلت القصيدة ولي تعريف بآخرها = ازف لأهل الوفا كامل تهانيه
لي ربعة واتفاخر من تفاخرها= اولاد راشد سيوف العز بيديه
الطيبة مابهم من لايعاشرها = والسالفة ماتجي من يمهم نيه
واثني على حرب غايبها وحاضرها = صفحاتهم بالذهب والماس مطليه
يوم إن الأتراك في طيبة عساكرها = دارت رحى المعركة مع حرب حوليه
وخلينا الأتراك ماتنسى خسايرها = اربع قطارات بالعاقول مرميه
نسألك ياغافر الزله وساترها = منك الخطايا بيوم البعث ممحيه
وصلوا على هادي الأمه وآمرها =اللي بعث للبشر رحمة وماويه

صح لسان الشاعر الكبير شريف بن راكب
قصيدة رائعة جدا وهكذا يكون الشعر والا فلا
اعتقد مكانها الشعر الخاص
شكرا لك اخي ناصر دمت مبدعا

صح لسان ابو محمد
ماهو غريب عليه ان ياتي بالجزل الجميل من الشعر
عز الله انه شرف القبيله واهل الحفل لاهان راسه كحيلان

اخي ناصر
اشكرك على نقل هذه الرائعه لاهنت
وكما قال ابو محمد مكانها الصحيح المجلس الخاص
لكن ما الومك الغالي دائماً عليه تنافس ههههههه
اشكرك
.................

أبو محمد



أبوعبد العزيز


لاهنتم على تعطير المشاركة ,,,,


ويابومحمد

خذ راحتك في المكان الذي تراه الأنسب

صح لسان الشاعر

ويعطيكـ العااافيه على النقل


تحياااتي

سـ ع ـودي العز

بسم الله الرحمن الرحيم
السلام عليكم ورحمة الله وبركاته
مشكور ماقصرت على القصيده

صح لسان


الشـــاعر ومشكور

على


النقــــــل

صح لسان الشاعر شريف على هذه القصيدة الرائعة
يستاهل ناصر وتمنياتنا له بالتوفيق

صح لسان الشاعر الكبير شريف بن راكب
قصيدة رائعة جدا وهكذا يكون الشعر والا فلا
يتشرف بها الشعر الخاص
شكرا لك اخي ناصر دمت مبدعا