وقفة وفاء .. زيد بن متعب بن حماد

ليس هناك مقدمة بحجم الأوفياء . .

إهــداء لأخي الشيخ / زيد بن متعب بن حماد

سقت الركايب على دربك ومداتك=يامعطي إحساس وقفاتك معانيها
يامعلم الوقت لامنه سكن ذاتك=يسكن على الطيب لو شحت موانيها
شيخٍ تدرس على التاريخ وقفاتك=شبيه من سيرته تفرض مباديها
ابوك متعب على دربه طموحاتك=مجدٍ تسلسل من أولها لتاليها
من يعشق الطيب يتعب من مسافاتك=ولا كل وقفة وفاء منك يجاريها
لأنك كذا رأس طيب بكل حزاتك=والأوله من مقامك وأنت راعيها
تشابه فعولك الجزله بعاداتك=وأعلى المكارم ياوجه الطيب حاويها
دامك على المرجله تبذل جزيلاتك=ورجلك يابو متعب المعروف مشقيها
تبقى منارٍ لربعك في مداراتك=ولاهي غريبه على مثلك مساعيها
زيد المكارم تحيربه عباراتك=يهيم بالطيبه لاحل طاريها
إذا نخيته تقل حلمه بمرضاتك=يبذلك الجهد مايدور حسانيها
إلا من اللي يغفر بلطف سياتك=سبحانه الواحد المعبود محصيها
ويازيد ياعاشق القمه براياتك=جتك الهديه على طيبك مسريها
إبداع مرسوم لك في بعض ميزاتك=خلى القصيده تبختر في قوافيها

مقبل بن علي بن نمران
3 / 7 / 1429 هـ

الاخ/ مقبل النمران

صح لسانك ويعطيك العافية على هالقصيدة الرائعه في معانيها وفي صاحبها وفي مقصودها

رحم الله الامير/ متعب بن زيد الحماد

ويستاهل المدح الشيخ / زيد بن متعب الحماد

دمت بخير

مقبل بن نمران صباح الخير
وكلمت عقيد القصيد لم تأت من فراغ
كلمات غايه بالروعه وبمعانيها برجل يستحق
المدح والثناء ألا وهو الشيخ زيد بن متعب بن حماد
الذى تعجز الكلمات أن توفيه حقه أطال الله عمره على طاعته
وأبقاه ذخراً للجماعه حيث هذا الرجل تتلمذ على يد الشيخ متـــــعب
بن حماد رجل المواقف والكرم والرجوله والحموه رحمه الله رحمة واسعه
ولا أنسى شيوخنا الحماد عموماُ . فخرنا وذخرنا بالمواقف الصعبه نعم بهم نفتخر

تقبل مرورى وتحياتي
تحياتي للجميع

صح السانك اخوي ابو ياسر

أعتقد أن القصيدة هذي تشيخت على القصائد بالمجلس هذا وبجدارة.

من كل ناحية جيتها ،، شيخة .

صح لسانك مليون أبو ياسر

ويستاهل والله أبو متعب ، وكل من يعرفه يدري أنك ما بالغت بما قلت فيه .

الله يديمكم بالوجود ويديم المحبة

المشاركة الأصلية كتبت بواسطة عبدالله بن غنام

أعتقد أن القصيدة هذي تشيخت على القصائد بالمجلس هذا وبجدارة.

من كل ناحية جيتها ،، شيخة .

صح لسانك مليون أبو ياسر

ويستاهل والله أبو متعب ، وكل من يعرفه يدري أنك ما بالغت بما قلت فيه .

الله يديمكم بالوجود ويديم المحبة

صح لسانك ابو ياسر كما تفضل ابو عزام لم تبالغ فهو جدير بتلك المدح ويستاهل ابو يارا

وقصيدة رائعة فخمة كما هي عادتك الفخامة دائما

خلق الله شهوده بأرضه
وكل يشهد بما واجه ويذكر من علوم الطيب مايشوفه
نعم يستاهل المدح الطيب ابومتعب
وصل وحبابه وطيب وكرم وعلم وحلم
ذلك الشيخ الشامخ بكل معاني الكلمة
شيخ من ظهر شيخ علم فرحم الله الشيخ متعب بن حماد
ذلك الرجل الذي علم الكثير معاني الرحمة والعطف والكرم والملقب بأبي اليتامى
لكثرة وصله للايتام ورافته بهم فرحمه الله رحمة واسعه
قصيدة جزلة وشيخة قصيد كما أسماها أبو عزام صح الله لسانك عليها

المشاركة الأصلية كتبت بواسطة ابوبندر

خلق الله شهوده بأرضه
وكل يشهد بما واجه ويذكر من علوم الطيب مايشوفه
نعم يستاهل المدح الطيب ابومتعب
وصل وحبابه وطيب وكرم وعلم وحلم
ذلك الشيخ الشامخ بكل معاني الكلمة
شيخ من ظهر شيخ علم فرحم الله الشيخ متعب بن حماد
ذلك الرجل الذي علم الكثير معاني الرحمة والعطف والكرم والملقب بأبي اليتامى
لكثرة وصله للايتام ورافته بهم فرحمه الله رحمة واسعه
قصيدة جزلة وشيخة قصيد كما أسماها أبو عزام صح الله لسانك عليها

ليس لدي ما اقوله الشباب كفو ووفو
ونعم بالمادح والممدوح

يستاهل زيد المتعب وما قصرت يبو ياسر صح لسانك على هذه القصيدة الرائعة

يستاهل ابويارا وصح لسانك ابوياسر والقصيده في غير ابو يارا عقيم