سر ياقلم وكتب على بيض الأوراق

سر ياقلم وكتب على بيض الأوراق=سقتك وأنا منساق للي طرالي
القلب من ذكرى طواريه ينساق=ينساق سوق وصار بالقلب صالي
مشعوف ساقنه طواري للأرماق=اللي أسرجنبه مسرجات المحالي
ذاك الونيس اللي عليه البدل تاق=والفرق واضح بين مرن وحالي
من ضد حال بحال شانن الأخلاق=ماكن فيها كان ماكان زالي
لاتاكلن القلب ياخلي الأطراق=خلن لقبي عينتن دوب حالي
ماني براضي مارضي غير مشتاق=وعزي لمن مثلي وعزي لحالي
وين البيوت السود ياخلي الأشناق=اللي على خدك سوات التلالي
أذكرك يومن فيك زينات الأرواق=خلق الطبيعه باردات الظلالي
بيوتن لضيف الله ضلن ومشراق=ومكيفاته من عذوب الشمالي
يوم الزمان الزين جذاب الأشواق=اللي عليه يجوز ثوب الجمالي
أدري تنحى لو تمنوه عشاق=اليوم ماله ياعشيقه مجالي
خيره على ناسه عبر كل الأنفاق=ولا يتعدا للبعيد الموالي
من عند رب الكون قسام الأرزاق=رب الفلق موحي دبيب النمالي
ربن كريم بحاجته غض الأدباق=يرجيه حيه والهشيم النحالي
يسقيه نون بارقه فيه شبراق=ملقح فياضن حيل عقب الحيالي
واليوم حسد ناسه حسد شرح الأوساق=خلى الشجربه ما لطيره ضلالي
ومر المذاق مكفنن حلو الأذواق=ولا قيل يرجع للغروب الخالي
ولا ياجد الدوار للي أنتحى وتاق=اللي ذهوبه ساريات الليالي
يضحن طواري ذاكره مرن أفراق=مثل الحلوم اللي وجدها خيالي
ياحنضليل الذوق يامر الأذواق=مرك غلب حاليك لو فيك حالي
نفضل على حاليه مقصوف الأعناق=عليه فضلته ولاني لحالي
حفيض ميبيع القيم وسط الأسواق=ولا نتحل نجمه مسمى الهلالي
عليه أنا ومثلي حريصن ومشفاق=وعليه وجدي مثل وجد الهلالي
وجد الغريق اللي عليه الفضاء ضاق=يبي الطلوع وراح ياهملالي
وقفا دريك الروح بزهاق ورهاق=بالرابعه وخطن يديه الحبالي
على النقذ وأنا على السرح ملحاق=أطرد شفق شمسن تجر التوالي
متورث الدنيا حلا در الأفواق=تولد معاشير وتصر الهجالي
وتطاردم أعيالها فوق الأطلاق=من يوم خلقت ماصفو بالحوالي
وأفسد على حلوان صفاق طفاق=وأليا متلا حوضه كفاه الكحالي
تحمل يمينه حاد وأذبابن أدقاق=يومنها شابت على كل حالي
هذي هي الدنيا بها حل وخناق=ترثع بخلق الله رثوع الجدالي
دنين كفا الله شرها تكسر الساق=ون سانعت تلحق هزيل الهزالي

اخي الشاعر ابن ردمان

اولا صح لسانك ,,,

ثانيا يقال ان اول من استعمل كلمة سر يا قلم هو نمر بن عدوان !!!

ثالثا ربي يعطيك العافيه

رابعا القصيده جزله ورائعه وانا اعجبت بكل ابياتها وخاصه هذين البيتين

هذي هي الدنيـا بهـا حـل وخنـاق=ترثـع بخلـق الله رثـوع الجدالـي
دنين كفا الله شرهـا تكسـر السـاق=ون سانعت تلحـق هزيـل الهزالـي

صح بدنك

بيض الله وجهك على المرور المشرف

هذي هي الدنيـا بهـا حـل وخنـاق
ترثـع بخلـق الله رثـوع الجدالـي
دنين كفا الله شرهـا تكسـر السـاق
ون سانعت تلحـق هزيـل الهزالـي

صدقت وصح لسانك
عادتك الجزاله يابن ردمان
لاهنت
.................

ابن ردمان

صح لسانك

صح لسانك

عليه أنا ومثلي حريصـن ومشفـاق***وعليه وجـدي مثـل وجـد الهلالـي
وجد الغريق اللي عليه الفضاء ضـاق**يبـي الطـلـوع وراح ياهمـلالـي
وقفا دريك الـروح بزهـاق ورهـاق**بالرابعـه وخطـن يديـه الحبـالـي

وتقبل تحياتي

خلف الفريدي

صح بدنك مشكور على المرور المشرف

لاهنت

ناصر بن راكب


صح بدنك يسعدني مرورك الطيب

الله لايهينك

ابن ردمان
صح لسانك على
القول الجزل ياراعى الجزل
قلت او وفيت او كفيت يابن ردمان
قريت القصيده ورجعت وقريتها مره اخرى
وصدقنى احاول أحفظها كل ذلك من جمالها وروعتها
تسلم يالغالى سجل أعجابي
وتقبل مرورى وتحياتي
تحياتي للجميع
ابو فيصل

غازي بن عجاب أبو زوايد


صح بدنك

مشكور على المرور والكلام الطيب


بيض الله وجهك

لاهنت

ابن ردمان

صح لسانك ودمت على العطاء والمحبة

عبرت عن مكنونات فؤادك . . فحق لنا أن نتابع هنا تميزك

مع الشكر الجزيل للإستمرار والإنتماء

ودمت بخير