|
عشـت فـي الدنيـا وهـي دنيـا وروغتهـا عجولـهوخذت منها ما خذا (عامر) و (حاجب بن زراره) |
يا فتى خذ من حكم من كل الاشهاد اشهدوا لـهحكمة العاقل على راس العصـا مثـل الصهـاره |
المنايـا مخلـبٍ فــي كــفّ نـسـرٍ مــن يطـولـهشاح بـه شوحـة حصـاةٍ حوّلـت مـع راس قـاره |
المـنـايـا مـــن بـغــت يـــومٍ تـنـولـه, ابتـنـولـهلـو تشيطـر فـي تفاديهـا مهـي لحـيـة شـطـاره |
لـولا تفريـق المنايـا ضولـةٍ مــا شـفـت ضـولـهتجتـمـع, يــا للعـجـب والـهـول بـــل يـالـلإثـاره |
مـوت دولـه, لـوّ مــا يعـنـي لـنـا مـيـلاد دولــهكان ما شفنا اختلافٍ في حضـاره عـن حضـاره |
لا يـغـرّك يــا فـتـى قـفـر تـطـارد بــه وعـولـهكمّ مـع ساقـة وعـل قفـرٍ مشـت لبـوة مغـاره |
اخطر الاعـداء مـن يضحـك وهـو يسـرج خيولـهواخطر الأصحاب من سرك معـه, وتشـق إزاره |
فتكتك باللي هـو اضعـف منـك مـا فيهـا بطولـهالبطولـه أن يكـن فتكـك بمـن فـاقـك جـسـاره |
قبضـة السلطـان مــن لا يــدّرق عنـهـا تغـولـهومـن يعاندهـا تجيبـه لـوّ فـي بـطـون الجـحـاره |
خـلّ عنـك الجـدّ مـع مـن أمـسٍ آخذتـم زمولـهمازحـه ينسى,فقـد تحـيـي سويـعـة جــدّ ثــاره |
مـن يـحـاول أن يغـيّـر ذو مـيـولٍ عــن ميـولـهمثل مـن يسعـى إلـى تغييـر نجـمٍ عـن مسـاره |
في خروج المرء عن ما حبّ-من قلـب- دخولـهسقطةٌ,والـمـرء لا يـجـدي بـكـارٍ غـيــر كـــاره |
الفشـل وقـت النجـاح إيــاك تستبـعـد حصـولـهالنجـاح اكبـر فشـل إن مـا أخذتـه عـن جــداره |
القـبـول مــن الله ولا يَحـسـد الـمـرء بقـبـولـهغيـر نـاس مـن حسدهـا تلـتـوي بذنـيـب فــاره |
كــم صـديـقٍ بـادّعـاء الـــود صجّـتـنـا طـبـولـهوالحسد كـل الحسـد شفنـا علـى وجهـه أطـاره |
نية الحاسـد لحـاف أجـرب ولـو جتـك مْغسولـهمالـه الا الحـرق لـو بـرد الثـلاث يـطـق طــاره |
كـلّ مـا يخفـيـه ابــن آدم ولــو حــاول يحـولـهتظهـره فلتـة لـسـانٍ مـنـه أو مالعـيـن إشــاره |
يــا مــدوّر مرجـلـة مــن لا مـلـك ذرّة رجـولـهيــا مــدوّر إبــرةٍ فــي قـشــةٍ كـبــر الـزبــاره |
إن موت الشعـب أن ترحـل مـن الفقـرِ عقولـهالفقـر مـا حــلّ فــي شـعـبٍ ولا ورّث دمــاره |
حاكـمٍ مشّـى عليـه اربـع مـيـة كـذبـه رسـولـهانتبـه تـصـدق مـعـه ممـكـن يحسّبـهـا صـقـاره |
كم فضولي في العرب ساق له حتفـه, فضولـهكـم طميميـعٍ خـسـر ديـنـار فــي تـدويـر بــاره |
يوم ولـد الـلاش مـا تطهـر مـن الخيبـه همولـهالـرجــال فعـولـهـا زادت مـلابـسـهـا طــهــاره |
الفحولـه أن يزيـدك قُـلّ مـا فـي إيـدك فحولـهوالحقاره أن يزيـدك كثـر مـا فـي إيـدك حقـاره |
لا تطب بوادي أرضٍ مـا حسبـت حسـاب غولـهيــا كــلاك الـغـول وإلا يـــا تعـشّـتـك الـنـمـاره |
واعرف انْ ما جاء بْسهوله دايم يـروح بسهولـهوالصعب روحتـه صعبـه والفتـى راضـي وكـاره |
ليـس لاللحـيـه وهــي بيـضـا عـلاقـه بالكهـولـهإنما الكهـل الحقيقفـي مـن فقـد معنـى وقـاره |
كـم عـزيـزٍ أورده حــوضٍ مــن الـذلـه خمـولـهوالترف في بيت أصحاب الشرف يعني انهيـاره |
بالأُسُل لا بالكسل مـا طـال مـن شـيءٍ تطولـهتـدرك الأمجـاد قـسـراً غــارةٍ فــي إثــر غــاره |
كـــم مخـالـيـق تهابـلـهـا ولا هـيــب مـهـبـولـهلبّست راس الغبي- من حيث لا يـدري- غضـاره |
لا تثـق فـي واحـدٍ ترشـح مـن الهيْـنَـه سمـولـهالنـذل يبقـى نـذل لــو يرفـعـك فــوق المـنـاره |
كـم دنـيءٍ بالفلـوس اشيـوخ نـجـدٍ وقـفـوا لــهفي رجا ما في يده ما يجلـس إلا فـي الصـداره |
المراجـل سيـل مـن عنـده مـن الدنيـا سيـولـهكـم شريـفٍ مـن فـقـر جيـبـه يخلّـونـه عـيـاره |
مـا ينـال العـزّ مـن نفسـه مـن العـزّه جفـولـهالثنـا يـوخـذ بـأطـراف القـنـا مــا هــو طــراره |
اتّـحـمّـل مـــا يـواجـهـهـا مـنـبّـشـة الـدحـولــهفـي الهبايـا مـا يعطّـل مـن جمـع بـدوٍ عـشـاره |
(المغولـي) بالمسـاواه أعظمـوا أمــره مغـولـه(والفـزاري) بالمحـابـاه احـقـروا أمــره فــزاره |
الزمـن هــذا كـتـاب جــاء فــي آخــر فصـولـهشعـب كامـل قـد تشـوّه هيكلـه نشـوة زقــاره |
الجهاله فـي تجاهـل مـن عليـك اوصـى جهولـهكــل خُـلـق بغـيـر وقـتـه لا أرى فـيــهِ نـعــاره |
ليـث واحـد ممكـن يـدوّخ بلـد عرضـه وطـولـهوالـف قـرد وقـرد مـا فكّـت مـن بعيـرٍ هجـاره |
ليس من شرط الشهامه أن تجـاول كـل جولـهأو بــأن تـنـزل بأعـلـى قـمـة رغـــم الـوعــاره |
فالأسد يبقى الأسـد فـي قـاع كـل ارضٍ نزولـهوالوبـاره دايـمٍ فـي اعلـى الجبـل وهـي الوبـاره |
قل لبعل السوء عمـر الضـرب مـا أثبـت بعولـهرغــم لـيـن الـمـاء قطـراتـه يشـقّـنّ الحـجـاره |
فـي اقتفـاء المجـد تابـع لا تكـن نفسـك ملـولـهيـدرك الصعبـات مـن لا نـام راسـه مـن عـواره |
كم رجل مـن زود حـذره نفسـه اليـوم مختولـهبل ومن نفس الشيَ اللي يحذره واخفق فـراره |
واحــدٍ يــزرع بــلا قـصـدٍ وتثـمـر لــه حـقـولـهوواحــدٍ يــزرع وهــو قـاصـد ولا يجـنـي ثـمـاره |
زارع المعروف يرجي من ورا النـاس محصولـهليـس معروفـه بمعـروفٍ قـدر مـا هــو تـجـاره |
رغم فقري كم ولد نعمـه -غنـي وبخيـر- اعولـهلإن ابـوه معلّمـه كيـف يْحَفِـظ قـرشـه مـهـاره |
يـا فتـى دوك النصايـح أخذهـا مـا ابغـى عمولـهاستفـد منهـا وأفِــد عـلـمٍ أعـرتـه لــك إعــاره |
خـذه واتركنـي لأنّ الليـل قــد أرخــى سـدولـهحـان وقـت مْعَـاوَدَة ميـلاد طفـلـي واحتـضـاره |
|