ناصر الفراعنه يرثي ابنه!!

يقول الشاعر ناصر فراعنه ...

{ قد يستغرب الناس كيف يرثي انسان ابنه وقد ولد ميتا ولم يره امامه وليس له ذكريات معه الا انني هنا رأيت ذكريات أغفلها الشعراء وليس هناك من لم تمر عليه وهذه القصيدة رثاء في مولودي وهدية مني إلى أمه ربط الله على قلبها وعوضها فيه وجعله شفيعا لأبويه .. القصيدة مرثية طويلة تعددت اغراضها من رثاء الى تبصر في الزمان الى حكم والفلسفة } ..

[ رثـــــاء ]...

ما أراني فاعلاً في الليل إن أرخـى سدولـه؟=ما أراني فاعلاً والصبح قـد حـان احتضـاره
طفلي اللي مات في اول يوم مـا ذاق الطفولـه=عاجله سهم القدر واختـاره الله فـي جـواره
طفلي اللي مات في غمضة طرف ما حال حوله=يوم عمر الآدمي مـا كـان يومـاً باختيـاره
يا وجودي يوم لفّوا شاحـب الأكفـان حولـه=مـا تقـول إلا شظيّـة لؤلـؤٍ داخـل محـاره
يا وجودي يوم أطالع فيه,في عرضـه وطولـه=تنتحر في العين منـي دمعـةٍ كنْهـا شـراره
نفس عين آبوي عينه بل ونفس الـزول زولـه=وبالأماره, فيه من عمه(شبيـبٍ) كـم أمـاره
جابه الله مثل هتّـان المطـر ساعـة هطولـه=ديمٍ احيـا بهجـة امـه تـارةٍ وآبـوه تـاره
ويوم شاف الشرّ من صوب آهلهْ يشعب ذلولـه=حطّ دون صدورهم صدره من الرحمه ستـاره
ومات توّي مـا بعـد بإيـديّ لبّستـه نعولـه=مات توّي ما بعد ساويـت فـي ثوبـه زراره
كنّ عينه يوم مات تقول:بابا, ويش هـو لـه؟=يوم تبكي وانت تدري مين انا ذلحيـن جـاره!
كلنا راحل وخيـر النـاس مـن زوّد رحولـه=باغتنام الصالحات وكـلّ كسـرٍ لـه جبـاره
طفلي اللي صوّبت كبده قبـل ساعـة وصولـه=بندقٍ من عين حاسد واودعت قلبـي طشـاره
يا وجودي ما لقيت أنسـب لمولـودي مقولـه=من مقولة: يا وجه صبحٍ تحرّر مـن خمـاره
أو ثغـر بـرقٍ تهامـيٍّ تبسّـم فـي ثعـولـه=ضوح مصباحه عليه يـورّد النجـدي بكـاره
يوم اشيله ما تقول اشيـل شـيٍّ مـن نحولـه=آتشمّم ريحته -من فجعـة القلـب- بحـراره
يوم جيت العب معاه وغاب قلبي مـن ذهولـه=يوم ما شفته تبسّم لي وانـا فـي اول زيـاره
قمت أحدث عنه نفسي- والعرب حولي وحوله=-ليت ما هو ميْتٍ؟إلا ميت! ما تبغـى استشـاره
اتْخنقنـي عبرتـي يـوم آتذكّـر مـا تقولـه=عنه أمّه يـوم أنـا فـي ديـرةٍ ماهيـب داره
[آتذكّر يوم هو فـي بطنهـا يحـرّك رجولـه=وانتعيرّ:ليت ما هـو أقشـرٍ؟ لبّـى القشـاره
كم سهرنا معه ليله كاملـه مـن كبـر هولـه=لين صرنا نعَرْف موعد قومته داخـل قـراره
وان تأخّر ما صحى في موعده قمنـا نصولـه=ننغزه يا من يميـن البطـن وإلا مـن يسـاره
ما نبي شيْ بسْ نبي نضحك على ردّة فعولـه=ننغزه ويفز خايـف مـا درى ويـش العبـاره
من يدي غيمة على أيـدي الملائكـة محمولـه=غيمةٍ من نور مـا تشبـه نضارتهـا نضـاره
يا إلاهٍ كل ما في الأرض طـراً سبّحـوا لـه=شفّعـه فينـا غـداً واجعلـه لابوانـه بشـاره
فـي نهـارٍ فيـه أعنـاق الشياطيـن مغلولـه=يتلقّفنـا مثـل مـا يلقـف الحـاوي صـراره

النصف الاخر للقصيده على هذا الرابط لان المشاركه لم تتسع لها علما ان الشاعر قام بتنزيلها مفصوله

http://alfredah.net/vb/showthread.php?p=66125#post66125

حـــزن بـــلـــيــغ


ورثـــاء أبـــلـــغ


لا أســــتـــطــــيـــــع حــــتــــى شــــكــــر نــــاقــــلــــهـــا

بصراحه القصيده الطويله ممله جدا وتفقد الشئ الكثير من جمالها

هذا رائي والناس كلٍ له ذوقه تشكرات اخوي ذيبان

عاطفة ابوية حانية صادقة وتعبير شعري حزين
انها الرحمة التي جعلها الله في قلوب الوالدين
انه الامل الذي لم يتحقق والضيف الذي لم يطل المكوث
انه الهلال الذي توارى خلف السحب وقد فضل جهة الغروب عن الشروق !!!!!
انها ارادة الله قبل كل شيء
عوضهما الله خيرا وجعله شافعاً لهما

ابو راكان
مبدع بالاختيار والنقل
لاهنت لاهنت
...........................

لا حول ولا قوة إلا بالله

حتى العوار يرثونه ؟؟؟؟؟؟؟؟؟؟؟؟؟؟!!!!!!!!!!!!

سمعت بأخبار التعزية للشاعر ويوم بحثت الخبر لقيتهم يعزونه بسقط ، وأستغربت لهالة الموضوع .

ويبدو أن الشاعر شدته هالة الموضوع وكتب مرثية بالفقيد اللي صارت للتعزية فيه هالة !!

عش رجباً ترى عجباً

المشاركة الأصلية كتبت بواسطة مقبل بن نمران

حـــزن بـــلـــيــغ


ورثـــاء أبـــلـــغ


لا أســــتـــطــــيـــــع حــــتــــى شــــكــــر نــــاقــــلــــهـــا

شكرا لمرورك وتعليق اخي مقبل

المشاركة الأصلية كتبت بواسطة علي الجضعان

بصراحه القصيده الطويله ممله جدا وتفقد الشئ الكثير من جمالها

هذا رائي والناس كلٍ له ذوقه تشكرات اخوي ذيبان

انت يا ابو عمر ذواق وشاعر ,,

وتعليقك حلو وفي مكانه ,,,

وانا اشور عليك كل يوم تقراء من القصيده 4 ابيات

مشان لاتمل !!!


مساك الله بالنور والسرور

المشاركة الأصلية كتبت بواسطة خلف الفريد

عاطفة ابوية حانية صادقة وتعبير شعري حزين
انها الرحمة التي جعلها الله في قلوب الوالدين
انه الامل الذي لم يتحقق والضيف الذي لم يطل المكوث
انه الهلال الذي توارى خلف السحب وقد فضل جهة الغروب عن الشروق !!!!!
انها ارادة الله قبل كل شيء
عوضهما الله خيرا وجعله شافعاً لهما

ابو راكان
مبدع بالاختيار والنقل
لاهنت لاهنت
...........................

مبرووووك التوقيع ابو عبد العزيز ,,, روعه !!!

وشكرا للمداخله القيمه ,,,

المشاركة الأصلية كتبت بواسطة عبدالله بن غنام

لا حول ولا قوة إلا بالله

حتى العوار يرثونه ؟؟؟؟؟؟؟؟؟؟؟؟؟؟!!!!!!!!!!!!

سمعت بأخبار التعزية للشاعر ويوم بحثت الخبر لقيتهم يعزونه بسقط ، وأستغربت لهالة الموضوع .

ويبدو أن الشاعر شدته هالة الموضوع وكتب مرثية بالفقيد اللي صارت للتعزية فيه هالة !!

عش رجباً ترى عجباً

هلا بمرورك ابو عزام

وتعليقك صادق

وربما ان الرجل تعود على الاضواء

فاراد استغلالها اعلاميا ,,,

وحنا لنا القصيده ,,,

ولا ادري ما هو رأيك بالقصيده ؟؟؟

صح لسان


الشـــاعر ومشكور

على


النقــــــل