انته حساب القلب وانته رصيده

متواضعه بين يديكم
.
.
.

اليوم يوم القلب واليوم عيده = للي نبت بالقلب بين المحاني
جتني مشاعر حب وسط القصيده = فاح العطر بسطورها والمعاني
و إنخاطت جروح الزمان العنيده = من فرحتي قلبي بكاء في ثواني
وش قولتك في نيتينن حميده = وش يثمرن غير الوفا والتفاني
انته حساب القلب وانته رصيده = وانت السند لا خان هذا الزماني
يضخ لك قلبي غلا في وريده = ياللي حنانك ضمني واحتواني

الله عليك ياساره

خليها مستره كلٍ فيه مافيه ياساره

تسلمين على هالأبداع الأ متناهى

تقبلى مرورى

تحياتي للجميع

انته حساب القلب وانته رصيده=وانت السند لا خان هذا الزماني
يضخ لك قلبي غلا فـي وريـده=ياللي حنانك ضمني واحتوانـي

الشاعره المبدعه
ساره الشهري
بداية اهلا وسهلا بهذه الاطلاله الجميله الجديده وهذه المصافحة الرائعه
ستة ابيات ولكنها عن ديوان !!لان العبره بالكيف وليس الكم
وهنا يتجلى الوفاء بكامل صوره
ويذكرني الاول من هاذين البيتين ببيت لي ضمن قصيدة بهذا المجلس يقول

انته رصيد الروح والقلب لك بنك=مؤمّنٍ ضد الظروف العواتي

اشكرك على هذه الرائعه وصح لسانك
حفظكِ الباري
................

اعجبتني هذه القصيده وحركت ذكرى داخلي وشطرمنها جاء على الجرح فأجبرني على

المجاراه

يا صباح الخيروش ذا الجديده = ومن القصيده شطر حرك كياني
ترجع بي الذكرى ليالٍ(ن) عديده = وحاول أسلى بس فكر عصاني
عواصف التفكير جتني شديده = أعصار جونوبالخليج العماني
أنا أشهد أنه راح مني فقيده = ومتى يفيد الشخص كثر الأماني
واللي بقى سود الليالي تزيده = ويزيدجرحي شوف هاك المكاني
وياساره الموضوع ماهوقصيده = شيئاعلى كبدي أحسه كواني
أربع سنين النفس ماهي سعيده =ماذاقت الراحه وطعم الحناني
ومدام دمي جارياً مع وريده = والله مانسى صاحبٍ(ن) مانساني

عــلـي الجـــضــعـــان

الفاضلة / سارة الشهري

صح لسانك وسلم بنانك وعطاؤك المتميز

وش قولتك في نيتينـن حميـده=وش يثمرن غير الوفـا والتفانـي

وكل النوايا تصب في صالحك وصالح موهبتك الرائعة إن شاء الله

نشكر لك هذا الحضور ونتمنى أن لايطول الغياب

مع أطيب الأماني

صح لسانك ياساره


قصيده جميله أبدعتي

الشاعرة ساره الشهري
ستة على ستة وسته عن ستين
ابيات رائعة تنم عن الموهبة والمقدره على السهل الممتنع
ضخيتي من وريد اشعارك ابيات تحسب لك رصيداً

ونأمل المواصلة مع المجالس واطلاعنا على جديد القيم باستمرار

وأستميحك العذر بهذه المشاركة الكيبورديه

لاتحسبن الوقت ياقف جديده=يامسطراً عذب النبأ في بياني
مع صافي النيات تجي الشريده=تجيبها الأيام بجمل مكاني
أحد بدرب الود يكسب فريده=وأحداً مضيع طول عمره يعاني
ياللي تقول القلب هاليوم عيده=الله يحقق لك ثمين الأماني
ويجعلك في دنياك دايم سعيده=على طهارة قلب ماهي دواني

.

صح لسانك ياساره الشهري

وصح لسانك ابوعمر عى لمجاره
وصح لسانك ابو بندرعلى الكيبورديات الرئعه

صح لسانك ابو عمر على المجاراة الرائعة
مبدع دائما
ولو اطلعت على مجاراتك ماتداخلت بالابيات البسيطه اعلاه
لاهنت يالغالي
دائما راعي السبق

المشاركة الأصلية كتبت بواسطة ابوبندر

صح لسانك ابو عمر على المجاراة الرائعة
مبدع دائما
ولو اطلعت على مجاراتك ماتداخلت بالابيات البسيطه اعلاه
لاهنت يالغالي
دائما راعي السبق

ابوبندر بن عمي وتاج راسي يابعد عمري طبعك الوفا والتواضع هذا كرم منك

بالعكس ابياتك مميزه جدا ولها طابع خاص ودائماً انتظر جديدك بفارغ الصبر

لك مني حــــبــــه خـــشــــم