04-06-08, 09:23 PM
|
المشاركة رقم: 1 |
| المعلومات | | الكاتب: | | | اللقب: | شاعر
| | الرتبة: | | | البيانات | | التسجيل: | Apr 2008 | | العضوية: | 992 | | المواضيع: | 35 | | الردود: | 202 | | جميع المشاركات: | 237 [+] | | بمعدل : | 0.04 يوميا | | اخر زياره : | [+] | | معدل التقييم: | | | نقاط التقييم: | 50 |
| الإتصالات | | الحالة: | | | وسائل الإتصال: | |
| المنتدى :
مجلس الشعر الخاص  ياخالد بن عبيد لاتبعد الطير
السلام عليكم ورحمة الله وبركاته
((عليها وقت من الزمن ))
كان في زمان أنقراض الجموس الأحواض وتطور جيوب الأحواض كنا في البر
وعندنا إبل وسير علي الصقار خالد بن عبيد الحربي ومعه طير وافي ومجرب
وحنا في خيمه بعد المغرب وعلينا مطر خفيف وفي داخل الخيمه سراج وقلت
لصاحب الطير دخل الطير داخل الخيمه ورفض
وقلت هذي القصيده0
ياخالد بن عبيـد لاتبعـد الطيـر=قرب لنـا ذبـاح برقـا الجناحـي
الطير يسوى من وراه المخاسيـر=سمي على أسمه يوم سمي فلاحي
عز الله أنه هو سـلاح المداويـر=لمدورين الصيد برض المشاحـي
ظربات كفه تمزع الريش ويطيـر=هيفن على برقا حباريـه ماحـي
ولو كاش حبرون الحبار المخامير=يذبح مخاميـره وطيـر الكفاحـي
يلحق حدوم اليا وقعـن المثابيـر=لا طيروا لبـد الحبـار المطاحـي
حليـاه ياخالـد طويـل الأشابيـر=اللي يفك البـل نهـار الصباحـي
درح الجهام اللي يخوض الطوابير=خوضات هرشن خاض رتع القاحي
هرشن سنام وزار من كثر ميزير=بول هداده صام والبطـن راحـي
وصفت الأشقر مشلهب العناقيـر=يشبه مصلط هاويـات الرماحـي
فعال وفعوله لهـا عنـه تقريـر=عن ناس صادوبه دروج البراحي
ناسن ورا طرد الجوازي مساهير=عانين لرضه بـولات السماحـي
من صخروا بعده على ثاني القير=تايـوت مايطلـع وراه الشباحـي
طي البعيـد وطالعـات المعاسيـر=واسبق من الصلفات هوج الرياحي
يدنن بعيـده بالكيالـو مخاشيـر=مبعد سروحه عن مساه الرواحـي
هذا وأنا يومن لـي فيـه تفكيـر=يومه عيادي راحتـي ونشراحـي
أرضن لجوازيها على الطل تاثيـر=اللي عليها بارق الوسـم لاحـي
اللي عليها من أوله حاصلن خيـر=خضر الملازم والشفا والنطاحـي
ولافيه غير أقطوع رتع المغاتيـر=أذهوب معادن مـروح المراحـي
رتع الجنب ومدرجات المصاغيـر=والفاطر الشيبا طويـل الملاحـي
شيبن أخطاها تغمر البعـد تغميـر=عضمن حملها منثنا ولا ستراحـي
جون هجاله في لبنهـن محاسيـر=نيه أحمول الغرز سرد السياحـي
ماطاله المرعي أذهوبـه مناظيـر=بين النفود وبين جرد الصحاحـي
واثار هربن من علـوه محاديـر=وركضن وراهن مع جناب الفياحي
هذا عيادي برض نبتـن مباشيـر=مدام أشم النود فـوق الشراحـي
وكلن بهواه يسير ويشوفها خيـر=وهذا عيادي راحتـي ورتياحـي
|
| |
العرض العادي
