من أجمل القصائد النبطيه المغناه ...

هذه القصيده أعتقد أنها من أجمل قصائد النبط المغناه
لأنها تحتوي على جماليات لا حصر لها
وهي للشاعر والفنان والشيخ أطال الله بعمره
حجاب بن نحيت

عودي علي بسرعة تسبـق البـرق = عودي ترى الفرقـى تهـدد حياتـي
يا منيتي من بيض من سمـر زرق = يارغبـتـي ياغايـتـي ياغنـاتـي
امشي من الطايف على وجهة الشرق = أرجو التوجّـه باسـرع الطائراتـي
هذا محل الضحك والمـزح والقـرق = وهـذا محـطّ المعطفـه والعباتـي
تطرق ضلوعي من سبب بعدكم طرق = القلـب يضربهـن وهـن مقفلاتـي
وانوح نوح مطوّقـات مـن الـورق = لا شفـت بعـض ثيابـك معلقاتـي
موتي حدث لا هوب ذبحٍ ولا حـرق = شهيـد حـب أمواجـك المرسلاتـي

الأخ العزيز فهد الهديب
صحيح من قال العذارا بهن فرق $$ الأسم واحد مار متخالفاتي
تسلم على النقل الرائع والموفق لهذه الرائعه من روائع الشاعر الشيخ الفنان كما ذكرت

والذى عشقت كلماته منذ نعومة أظافرى والى الأن ولكن ياعزيز فهد وهذا سؤال شخصى هل تحفض له الكثير لأنه كما أعتقد ان هذى سجلتها من ذاكرتك إن الإجاب بنعم أرجوك لاتبخل على أحبائك بمثل هذه الروائع والتى حسب ما أعتقد إنها تلامس وجدان كل واحد يقرأها

تقبل مرورى




تحياتي للجميــــــــــــــــــــ ــــــــــع

أبوفيصل

ابو مشاري
وين وين الله يهديك ..رجعتنا سنين للوراء وحركت المواجع !!!!!!!!!!!!
الله الله على ذيك الايام
شف ابو فيصل حركت شجونه الله المستعان
لا وهو من اللي قلوبهم خضر بالحيل ههههه
صح لسان ابو عبد الله كان شعره مميزاً ولا زال لم تنسيه السنين او تذهب معناه .....
اشكرك على اعادتنا للوراء قليلاً لنرى الايام النضره .........
لاهنت
.....................

مروركم عسل على شوي قيمر بصراوي
أبو عبدالعزيز دائماً بالمقدمه
أبو زوايد أنت تحفه
أما من ناحية الحفظ ... يعرفني أبو عبدالعزيز ..... ما عندك أحد

لكن هذه القصائد للشايب الشاب الأمير الشيخ / حجاب
لا تخفى على أحد وقد وجدتها بأحد المنتديات

وهذه من تحفه النادره

لي قصةٍ عنها اكثر النـاس يـدرون = مـع عالـمٍ لا قابلونـي تكهربـت
ناسٍ اليا مروا مع السـوق يمشـون = اضيع ما اعرف الثلاثاء من السبـت
اللي نسيتـوا مالكـم حـق تنسـون = يعنـي نسيتونـي لأنـي تغيـبـت
اغيب وكل النـاس مثلـي يغيبـون = كم بالقرى ناسٍ لهم نـاس بالخبـت
صديت واهل الحب عاده يصـدون = لـو الغـلا بقلوبهـم نابـتٍ نبـت
يخشون نـاسٍ يرقصـون ويدقـون = هذا جرى يمكن وهذا جـرى ثبـت
وانا ولو صديت ما زلـت مرهـون = وش عاد لو في بعض الاوقات جنبت
أعيش في جوٍ (ن) من البعد محزون = من يوم عن ديرة حبيبـي تغرّبْـت
اللـي تلومونـي كفـى لا تلومـون = ولا تضيق خطركم لو اني تعذبـت
يمكن بهالتعذيب راضـي وممنـون = والا على طول الزمن قـد تدربـت
وانا ادري ان الناس مثلـي يحبـون = لكن مـا تعبـوا مثـل مـا تتعبـت
اظن ما محدٍ حـب مثلـي بهالكـون = ولو قص واحد قصتي كـان كذبـت
شيٍ يخلـي كامـل العقـل مجنـون = ما كنت اصدق بالهوى لين جربـت
هذا الخبر والحال من دون فـي دون = وانا خلاص مـن النهايـه تقربـت

تسلم وتسلم بحقك شوى بعد

لكن تصدق

أعيش فى جو ( ن ) من البعد محزون

تكلم عن واقع بعض الناس ،،، بس خلف لايعلق على الموضوع تراه جاهز

مشكور وبيض الله وجهك تقبل مرورى

تحياتي للجميع

سلمت يا ابن هديب على اجمل ماسمعنى لحجاب ان نحيت


اخوك الـــرهـيب

سلمت يا ابن هديب على اجمل ماسمعنى لحجاب ان نحيت

صح لسان


الشـــاعر ومشكور

على


النقــــــل