إهداء من عضو المجالس ، خلف الفريد

اهلي واحبابي اعضاء المجالس جميعاً...
باسمكم اقدم هذه الابيات وفاءً وحباً لحبيب المجالس وابنها البار
النقيب/ منصور بن محمد الوسوس ...
بمناسبة زواجه المبارك ان شاء الله ....
وذلك على الرغم من انه لايرغب بالمدح الشخصي كما هي عادته ....
ولكنها خلجات من قلوب محبه ...
*********

	ما اظن شعري دونه الباب.. مصكوك=ولايخونه التعبير .. بايّة وسيله دربي وسيع ..ولا اتوطـّا على الشوك=واليا مشيته .. ماطلبت الدليله مبروك..هي تكفي اليا قلت مبروك ؟=اظنها فـي حـق خالـي ..قليلـه كان انهـم فـي ....29... زفـّوك=على العنود .. وبنت شيخ القبيلـه كم مرةٍ زفـوك ربعـك ...وهنّـوك=على الرجوله..والكرم ...والجميله اعطيتهم من طِيْب الافعال.. واعطوك=حب ومعـزّه واحتـرام ..ونفيلـه وهاذي يميني ..وازرق العود له صوك=والشعر معنى .. والمشاعر تشيله

.............
اللهم بارك لهما وبارك عليهما وجمع بينهما بخير

صح اللسانك يا ابو عبد العزيز يا أخي العزيز

والممدوح ابو محمد يستاهل

لكن اخي ابو عبدالعزيز امدحه الله يوفقه بس لا يقول انك مستغني عن ابن عمك الاخر (الدليله )

دربي وسيع ..ولا اتوطّا على الشـوك
واليـا مشيتـه .. ماطلبـت الدليلـه

تقبل تحيات أخوك

اخوى الكبير أبو عبدالعزيز

بيض الله وجهك وصح لسانك والف مبروك لبو محمد يستأهل المدح


تقبل مرورى





تحياتي للجميع

يستاهل المدح ابو محمد راعي واجبه وعلم طيب وفزعة الله يطول بعمره

ابو عبدالعزيز رجل الوفاء يكتب احرف الوفاء لأهل الوفاء

اخي / الدليله / مداخلتك جداً رائعة ............ وننتظر رد ابو عبدالعزيز تراي اعرفه بدل ماتحط الحق عليه يقلبه عليك تراه محجج الرجال يصلح محامي ههه

تقبلوا جميعاً تحياتي

مبروك يامنصور مبروك مبروك --- الله يوفقكم طريق السعاده


مطلع قصيده وين نقزت وأخذت الشطر الاول


لازم نغير مع العمار والعمال الله يعين المخ مافاضي


عموما قصيدتك أعجبتني كثيراً ويستاهل ابا محمد الله يوفقه

ويسعده ويرزقه الذريه الصالحه وافي ياخلف

ابو عبدالعزيز
الوفاء طبعك وليست غريبة عليك حضورك الدائم
ووفائك لعيال راشد الدائم ومشاركاتك الجميلة التي اصبحت وسام على صدرك نعرفه جميعا ويعرفه ابناء راشد خصوصا اخي خلف انت عنوان الوفاء فشكرا لك نيابة عن اخي منصور ولولا انشغاله لتواجد هنا ليسطر لك كلمات الشكر التي تليق بمقامك
شكرا لك وشكرا لمجالس الفردة التي احتوت مثل ابا عبدالعزيز الشهم
اخوك : سعد الفريدي ........

المشاركة الأصلية كتبت بواسطة الدليله

صح اللسانك يا ابو عبد العزيز يا أخي العزيز

والممدوح ابو محمد يستاهل

لكن اخي ابو عبدالعزيز امدحه الله يوفقه بس لا يقول انك مستغني عن ابن عمك الاخر (الدليله )

دربي وسيع ..ولا اتوطّا على الشـوك
واليـا مشيتـه .. ماطلبـت الدليلـه

تقبل تحيات أخوك

هههههههههههههههههههههه
اخي الغالي الدليله
صح بدنك ولا عدمت هذه الحروف القريبه الى القلب
ومن هو الذي يستغني عن الدليله الى الحب والطيب وعلوم الرجال شرواك ؟؟
اما الدليله هنا فشيء آخر
ويعلم الله وانا اكتب القصيده وعندما انهيت البيت الثاني كان الشطر الاخير :
واليـا مشيتـه .. ماتبعت الدليله !!!
فقلت والله ان يمر الدليله من هنا ويلاحظ الكلمه !!
وحطيت ماطلبت ، ولكني ماسلمت ههههه
اشكرك واعلن اني رهن اشارة الدليله ..........
لاهنت
................

ابو فيصل الغالي
هلا مليون هلا
وصح لسانك يالوافي لاهنت
ولا زلنا بانتظار وردياتك تراك ابطيت !!!!
اشكرك ايها العزيز
..............................

المشاركة الأصلية كتبت بواسطة الفريدي

يستاهل المدح ابو محمد راعي واجبه وعلم طيب وفزعة الله يطول بعمره

ابو عبدالعزيز رجل الوفاء يكتب احرف الوفاء لأهل الوفاء

اخي / الدليله / مداخلتك جداً رائعة ............ وننتظر رد ابو عبدالعزيز تراي اعرفه بدل ماتحط الحق عليه يقلبه عليك تراه محجج الرجال يصلح محامي ههه

تقبلوا جميعاً تحياتي

هلا هلا بمعقد الشوش !!!!!
ههههههههههههههههههههههههه هههههه
ابو مالك
مكتب المحاماه جاهز باقي بس الصبه والديكور خلك والم !!!!!!
اشكرك ويالله يالله تخارجنا من الدليله الله يهداك
ولاهنت على هذه الكلمات النابعه من القلب وكما قلت في المقدمه هذه الابيات القليله
قلتها نيابة عنكم جميعاً لان القلوب هنا تتشارك في كل شيء جميل
لك حبي ومودتي
.................

المشاركة الأصلية كتبت بواسطة علي الجضعان

مبروك يامنصور مبروك مبروك --- الله يوفقكم طريق السعاده


مطلع قصيده وين نقزت وأخذت الشطر الاول


لازم نغير مع العمار والعمال الله يعين المخ مافاضي


عموما قصيدتك أعجبتني كثيراً ويستاهل ابا محمد الله يوفقه

ويسعده ويرزقه الذريه الصالحه وافي ياخلف

ابو عمر
ولو سبقت انا الفايز راع النيه الاوله هههههه
اشكرك ولايهمك وانا اخوك القصيده باسمكم جميعا ..كما وضحت اولا
مرورك اسعدني ولا قلنا الا الواجب تجاه عزيز يستاهل
لاهنت
................