حاجة ابن جضعان !!!!!!!!!!!!!!!!!!!!!!!!

في مرور اخي ابو عمر على قصيدتي التي هنأت بها القسومي
ذكّرني بانه سبق ان طلب مني حاجه ..........
وهذا جوابي :

	الحاجه اللي لابن جضعان=اقسمت بالله لاحضرها لو هي تذكّر ورى اليابان=والاّ يم الصين ..مصدرها ولو هي بباريس ياكحيلان=ما اقول ..ياقلع وادرها ولو واقفٍ دونها بوشان=والا من الروس ..كادرها ما يلين عزمي وانا خليفان=ولا اقول ..ما اقدر ادوّرها عندي رصيد ٍمن التيجان=اللي على الراس ..نادرها اركب بوارج ابن عبلان=اللي رست عند شاعرها وتحت رقابة ابن نومان=ارفـّع قوقل ..واحدّرها وطير السعد عند ابن ردمان=وعجرىً ورى السيت.. خابرها وان قلت مقبل ابن نمران=ياسرع ما الذيب ..دبّرها وان قلت اعنّز على عنيزان=اقرب الاصحاب..واخطرها ومنصور.. خالي اعز انسان=اليا نخيته ..يبادرها يجي على الاخضر (الونّان)=واللي بادراجك ..يصادرها

............
وكما ترونها احبابي فكاهية واعتذر لمن لم يرد اسمه بالقصيده
فجميع عيال راشد غالين وتيجان لراسي
فقط اردنا ابهاجكم ووناستكم..........
لاهنتم
,,,,,,,,,,,,
اخوكم الشايب

صح لسانك يا غالي
لكن مادري ويش ها الحاجة
واكيد انها خاصة لكن عساها خير
ذكرت الربع كلهم يا غالي
عساها خير يابن جضعان

مهما اقول فانت الابداع

[color=8B0000]الاخ الكبير بقدره وعقله أتمنى ان يكون ردي بمستوى قصيدتك وان تنال أعجابك


والطيب والفزعه ماهو غريب عليك هذا طبعك راضعه مع حليب أمك الله يطول عمرها

ويرحم ابوك اللي رباك على الطيب والعلم الغانم[/color]

سلام ياخليفان من قلب ولسان = عظم العرب لاقيل ردوا خبرها
طلبتك الفزعه ولاقلت غلطان = عن كل عاذل عزوتي ماختصرها
والحاجه اللي ماتقدر بالأثمان = له عملةٍ بالمارك ماأحدٍ قدرها
والحر لامنه شهر بالسماء بان = حول على الصيده وأدمى ظهرها
ومن ياصل اليابان في عقل الألمان = يجلي ظلام الليل طلعة قمرها
والبنز في عصر(ن) تحداه نيسان = والعولمة ياناس ماحد(ن) قدرها
عقد عقول الناس شيب بالأذهان = ناس رفعها فوق وأخرى دمرها
لولا الرسالة ياأبو ماجد لها شأن = ألغت إشكال النفس وأنهت كدرها
وأعرف من أهرج الى صرت زعلان = والرجل يعرف هرجته لآنشرها
ومن يجزي الإحسان يجزى بالإحسان = يوم الحساب الشخص يجني ثمرها
وبالقائمة نلحق مع الربع ذيبان = أحمد لاطالت علينا قصرها
واللي يغني دان دانا على دان = يبطي عظم ماأحدن عرف وش خبرها

أخوك / علي الجضعان

سلمت وعدو عينك يدور حاجته مع الناس

ولو واقـفٍ دونهـا بوشـان = والا مـن الـروس ..كادرهـا

صح لسانك ابو عبدالعزيز ولكن بوشان هذا اللي تقول عنه اتوقع انه قدم استقالته
بناء على طلبه يعني يمكن تلاقي موضوعه عند غيره

ومن الشاعر خلف الى هيلاري كلينتون مع التحيه

ما يلين عزمي وانـا خليفـان=
ولا اقول ..ما اقـدر ادوّرهـا =
عندي رصيـد ٍمـن التيجـان=
اللي على الـراس ..نادرهـا =
اركب بـوارج ابـن عبـلان=
اللي رسـت عنـد شاعرهـا =

كفو يا ابو عبد العزيز

.
صــــح لســـــانك
.
يابو عبدالعزيز ** وكفو للعلم الغانم
.
.
.
***************
وأبن جضعان -- يرتاح لصارت حاجته تزهل بها ابن الفريد
وأقول :

يقدر لها شامخ النيبــان --- اللي تهابه كواسرهـا
سبعٍ تزهل لبن جضعان --- ماينثني لين يحضرهـا

صح لسانك

ابو عبد العزيز

وكفو كفو

المشاركة الأصلية كتبت بواسطة ضيف الله بن علي

سلمت وعدو عينك يدور حاجته مع الناس

::::::::::::::::::::



!!!!!!!!!!!!!!!!!!!!!!!!!!!!!!!!!!!!!!!!!!!!!! ???

المشاركة الأصلية كتبت بواسطة علي الجضعان

::::::::::::::::::::



!!!!!!!!!!!!!!!!!!!!!!!!!!!!!!!!!!!!!!!!!!!!!! ???

اسعد الله صباحك ابو عمر

قصدي قاعدة عامة وهي "دورة الحاجة عند الناس دائما غير ناجحة " ولا أقصد شيئا غير ذلك.

وهذه القاعدة ليس بالضرورة تنطبق على من خصص من العام وارجو أن لا يفهم غير ذلك.

وخلف وافي للجميع . وليس من حقنا ان نعرف ماهي الحاجة او هل قضاها ام لا هذا خاص

بينكم والقاري يهمة ما تخلل القصيدة من الوفا والعزم والطرافة وللجميع صافي الود.