أنحت على صم الحجر معجزاته *** وأشرب عليهن معجزات الفناجيل

هات القلم ياسعود والبوك هاته=نبي نسجل من حلاو التماثيل
ياسعود قالوا كل شي بحلاته=هذا مثل ونقولبه مثل ماقيل
الجاش هاض وجهن مرسلاته=وأبدع ينضم نايرات القناديل
بحرن لطم موجه وقاوم جهاته=وكضت معابير البحر عارم السيل
أنحت على صم الحجر معجزاته=وأشرب عليهن معجزات الفناجيل
ويوخذ من الندر دلايل إثباته=ماهي سواليفن بليا محاصيل
لاصار فيه إدراك عن خافياته=ومن يدرك المعناء يجيد التحاليل
ماناخذ إلا ندره وافياته=أحلا القواف الحاليات المعاسيل
أحلاه ذوق أسماع ومعسلاته=وفيهن عن الواقع دليل وتفاصيل
والشعر ماكلن ملك نايفاته=وجدن من الله يوجده رب جبريل
دب الدباء عليه وأذهب طراته=وقل الثمين وشوهوه المهابيل
وبحنضليله ضاع حالي حلاته=ولا تثمر الصبخاء ولو علها السيل
وكلن يبي يختار من طيباته=لاكن ماكل تربتن تنبت الهيل
وياليت بعض الناس يملك أسكاته=ويصير عنده عرف عن باهض الشيل
لاكان الأصقه مايجاوب أصواته=ولا يعود الأوماي في ساري الليل
ولو أدركوا راقيه بمذكراته=مثايلن تضربها الناس تمثيل
مايشره الهاذي على شامخاته=وينزل عن المرقاب راقيه ويميل
مضلوم ضلم ولا يشاف أبتهاته=واللي يشوف الميل مايعدل الميل
حاله مثل سعدون باخر حياته=عقب السيوف الامعات المشاهيل
ولولا قليل الناس خطره وفاته=ويصبح فريس أضباع سود الغراميل
ويامن يشوف اليوم وضعه بذاته=ويشوف عوجن مالها اليوم تعديل
ويرمي على الحاذف شضاياء حصاته=ويحيه من عذب القراح الشهاليل
لمت عليه اليوم لجت أغزاته=ناسن يجرونه على ويل أبا الويل
وياللي جنيتم ندره راقياته=ياهل المعرفه يالرجال الدواليل
واليوم يالشعار من لازماته=ويبي الفزع من عاسفين التماثيل
شيخن كبير أنوصفه في صفاته=ومن قل ناسه يشتكي فترت الحيل
شيخن كبير وكسروه بعباته=اليوم لعبه في يدين الجهاهيل
ولو كان منهم بارزن في براته=مير أدعاهم فيه موذيه بالحيل
ويلقي على الفايت ملامت أفواته=من شان ناسه باليال المساميل
وجده عليهم ماتكف أعباراته=وعلى الجبال الشامخه خيم الليل

كفو يابن ردمان

وصح الله لسانك

قصيدة رائعة في غاية التمكن . . ولا غرابة

أتت على الجرح البليغ للشعر والشعراء الجزلين أمثالك

أغلقت جميع منافذها حتى عن المجاراه

فليس لنا إلا أن نقول كفو ولاهنت

ودمت بخير

ابن ردمان صح السانك


وجـده عليهـم ماتكـف أعباراتـه $$$$وعلى الجبال الشامخـه خيـم الليـل

صح لسانك وعلا شانك

كتبت وأبدعت

بن ردمان
أنت قمه
وزادتك هذه الأبيات قمه على قمه
يا أخي
تضيق الكلمات عن مدح هذه النفحات العطريه

والشعـر ماكلـن مـلـك نايفـاتـه = وجدن من الله يوجـده رب جبريـل
دب الدبـاء عليـه وأذهـب طراتـه = وقـل الثميـن وشوهـوه المهابيـل
وبحنضليلـه ضـاع حالـي حلاتـه = ولا تثمر الصبخاء ولو علها السيـل
وكلـن يبـي يختـار مـن طيباتـه = لاكن ماكـل تربتـن تنبـت الهيـل
وياليت بعض الناس يملـك أسكاتـه = ويصير عنده عرف عن باهض الشيل

ابن ردمان
الله الله ، صح لسانك
أتحفتنا بها الرائعه
تقبل مرورى
تحياتي للجميع

لله درك يابن ردمان
اجدت بالجزل ومثلك من يتعلى لنايفات المعاني

كفو كفو ولا تكفي
بيض الله وجهك على هالمعاني السامية والثمينة
وصح الله السانك وبدنك

الأخ مقبل بن نمران ،، الأخ علي الجضعان ،، عبدالله بن غنام ،،


فهد الهديب ،، غازي بن عجاب أبو زوايد ،، أبو بندر 0



صــــح بـــــدن الــجـــمــــيــــع


مشكورين على المرور المشرف والكلام الطيب




بيض الله وجيهكم



لاعدمناكم