مساجلة بين الشاعرين// خالد بن مدعث وناصر الفراعنه000000000

على لسان ناصر الفراعنه ::
طلب الاخوان قصيدة لي وهي رد على قصيدة الشاعر خالد بن مدعث الدوسري التي اسندها لي
والحقيقة ان ردي قمت بعمل التزام فيه من نوع ما او مثل الحركة لا تتضح إلا في آخر بيت من ردي وسأقوم بشرحها لاحقا
وسأدرج قصيدة الدوسري وردي عليها ومن ثم سأشرح تلك الحركة التي تكلمت عنها آنفاً
. وارجو من الله ان تنال على شيء من استحسانكم وما اتيت بهذه المساجلة إلا تلبية لطلب الاخوان


قصيدة خالد التي ارسلها لي هي :

هيه يا قلب المحبـة مـا بقـى فـي العيـن عبـرةكـل يـوم والعيـون مــن الـغـرام يسـيـل مـاهـا

لين صار الجفـن عنـده مـن غزيـر الدمـع خبـرةوانـت شيـخ حـنـوة الاضــلاع مسـجـون وراهــا

ما تعدى لو طلع راس الجمـل مـع سـم الابـرة"فـي ضلوعـي بكيتـك مـا غيـري بيسمـع بكـاهـا

يا سجين الجوف تدري مالنـا فـي الحـب قـدرةسنـة للنـاس مـدري وش قداهـا مــن خطـاهـا

الهـوى كانـه خطيّـة مـا حـدٍ قـد جـاب عــذره"والـهـوى كـانـه مبـاحـي عـلّـة صـعــب دواهـــا

اصبر ويلقـى طويـل الصبـر فـي الايـام صبـره"كـم صبـور جـاب صبـره حـاجـة عـسـر لقـاهـا

يا فؤادي صرت لك حزمة هشيم وانـت جمـرة"كـل مـا هـب الـهـوى بأطرافـهـا يكـبـر سنـاهـا

والهـوى تاليـه فرقـا والنـوى لـو طـال عـمـره"مـا نسينـا العهـد وجروحـه براهـا او مــا بـراهـا

دام عهـده فـي يمينـي والنجـوم اتجيـب خبـره"نعـتـبـرهـا غـايـبــة عــنــا وحـجّـتـهـا مـعــاهــا

لو درت وش صار فينا ما خذت عن نجد سفره"يــا هبـايـب علميـهـا كــم شـقـيّ فــي رجـاهـا

منبـت الـنـوّار عقـبـه يـذبـح العـسّـاس دهــره"حالـف مـا عـاد ينـبـت فــي ديــار مــا وطـاهـا

المـولّـع عقبـهـا ينـقـل عـلـى الكفـيـن قـبــره"ميّـس مـا عـاد تشتـالـه عظـامـه مــن جفـاهـا

عقبهـا راع المطـايـا مــا دعــى للـعـد نـشـره"والظوامـي صافـي الميـراد مـا يقـطـع ظمـاهـا

جـادل حـده زمانـه عـن روابــي نـجـد مـكـره"والليـالـي مــا تخـلـي مسـتـريـح فـــي ذراهـــا

صـوب دار مالهـا مـن قسـمـة الاجــواد بــذرة"النجايـب سبعـة اشهـر مــا يـجـن ارض نصـاهـا

البحـور تحـول دونـه والفجـوج الجـرد عـسـره"والذيابـة تحتـري مـع سـكـة الطـرقـي عشـاهـا

فرّق الله شمـل مـن فـرق ثنيـن كـان خشـره"فـي غـرام وفـي علـوم يشـهـد الـوالـي عـلاهـا

مــا يـحـق الـواحــد مـالـقـح النـخـلـة بـتـمـرة"مـن سقاهـا واحتماهـا لأثمـرت يقـطـف جنـاهـا

كنت اقول يموت رجـل مـا نفـع نفسـه بعمـره"ثـم قـلـت يـمـوت رجــل حــدّ نفـسـه منتهـاهـا

كنـي الرحـال وسنيـن الليالـي الشهـب بـكـرة"شلـت زادي فـي خبـاهـا والحيـايـا فــي خبـاهـا

يـا عنـود الصيـد لــو آخــذ مــن الايــام عـبـرة"كـان روحـي فـي يمينـك حكـم ربـي مـا رماهـا

جيت لك غيث تهادى وانت يمـي جيـت حسـرة".يوم علّقت السحابة سقـت رجلـك مـن سماهـا

لك شهر من غبت عنا والهوى يا طـول شهـره"ذكـريـهــا يـالـثـريــا وانـشـديـهــا وش بــلاهـــا

العرب قـد قالـوا انـه مـع توالـي العـج مطـرة"واعذابـي كانهـا عـجـت والاخــرى فــي قفـاهـا

والهـوى لا زان قــاده للـولايـف سـلـك مـكـرة"ميـر وحـي مـن عرفتـه والـهـوى يلـعـن ثـواهـا

آتـصـبـر وآتـحــرى رجـعــة الـغـيّـاب بــكــرة"والـزمـان بعـيـد والايــام مــن يـلـحـق مـداهــا

يـا نديبـي هـاك خـط مـن دمـوع العيـن حـبـره"الرسالـة غـيـر (نـاصـر) لا حــدٍ يبـحـث خفـاهـا

صاحـبٍ بيـن النشامـى بالمراجـل بـان ذكــره"السبيـعـي لا تـعـزوى عــزوة الـعـود احتـمـاهـا

يا ابن فارس شف صحيبك عيّب الجبّار كسـره"ان بكى قـال اقطعوهـا وان شكـى منهـا كواهـا

يا ابن فارس كان عندك في عميق الجرح دبرة"لا تخـلـي صاحـبـك ينـقـل جــروح مـــا قـواهــا

حالتـي حالـة فقـيـر يــوم قــام يـسـدّ فـقـره"ما لقـى لـه غيـر عيـن تدفـق مـن الفقـر ماهـا

وهذا هو ردي عليه:

علـم والا حـلـم يــا قـلـبٍ حـشـاه عـويـد سـمـرة.كــنّ مــن بـيـن اضلـعـه جـنّـيّـةٍ تـصـفـق يـداهــا

قلبي اللـي مـن سطـر مابـه تقـل غاشيـه خمـرة".يـوم فيـه قلـوب شــق الـثـوب مــا كــدّر كـراهـا

قم يمانـع فـوق وجْنـاً مـن خيـار الجيـش ضمْـرة"وصــف شـقـرا ربّـهـا دون المليـحـة مـــا نـحـاهـا

بنـت هـرشٍ كـنّ قـرن العامـريّـة وصــف وبْــره"وكــنّّ نيـبـان السـبـاع الضـاريـة تـنـهـش حـفـاهـا

ابـن مدعـث لجـل عيـنـه نـقـرن الحـجّـة بعـمـرة".ابـن مـن همّـل مجاهيمـه عـلـى البـصـرة وجـاهـا

لا تحسّـر دام باقـي فـي صليـب الــراس قُـطْـرة"يـا ابـن مدعـث والضلـوع العـوج داهـا فـي رداهــا

لا وربـي مــا نقلـنـا السـيـف ابــو حـدّيـن بـطْـرة"كــود لعـيـون الصـبـيّ الـدوسـري نطـعـم شبـاهـا

يا ابن مدعث ما نلومك في الهوى لو شفت عُزْرة"الـهــوى قـبـلـك غـدالــه بـأمّــةٍ بِــيْــضٍ لـحـاهــا

ما أطال النوم فـي عمـر الفتـى المكتـوب فتـرة"والسـهـر مــا قـصّـر اعـمـارٍ كـتـب ربــي بـقـاهـا

زمّ نفسـك والهـوى سكرتْـه عـن مليـون سـكـرة"لـو حصـل منهـا سلامـة ويـن تسـلـم مــن نمـاهـا

نـركـض وتـركـض ومــا نجـمـع بأياديـنـا نِخَـسْـره"اللـيـالـي دوْل والـدنـيـا رحـــول الـلــي مـشـاهــا

تالـي الدنـيـا يخـالـد حـفـرةٍ فــي جــوف حـفـرة"نـطـرد الدنـيـا ولا نـفــرق خـطـاهـا مـــن قـداهــا

هيّ وش هي؟ هيّ من هي؟ هي ثمانٍ كان عشرة"الـبـواشــق قـرنـســت وام الـكـبـايـر ذا جــزاهــا

مير اخذ من دنيتك (صاحب) و(بـارودة) و(خفـرة)"زبـــدة الـدنـيـا ثـــلاثٍ عـانـهـا واتــــرك ســواهــا

اتــرك الـلـي يـطـرد الدنـيـا يـبـي عــزٍّ وشـهــرة"كـيـف يبغـاهـا تـعـزّه وهْــي مــا عـــزّت ضـنـاهـا

يا ابن مدعـث لـو عـرا جسمـك بمشلحهـا تغمـره"لا لقـت غيـرك تِحَـذْفـك حـذفـة الجـاهـل حصـاهـا

رايعـت مـن لا بنـى مـن شـامـخ البيتـيـن وكــره"ولعـوزت كــل ابــن حــرٍّ بــأوّل الهـجـرة عطـاهـا

وصفـنـا وصــف ثْـمَـرَه والـزيـن فـــلاّحٍ بـغـمـره"يعتنيهـا وان حـداه الـجـوع مــا اســرع مــا كـلاهـا

يا ابن مدعث لا رعت بيـن الجهـام السـود عفـره"حاجةٍ تقضي عقـب سـن الصبـا وش هـو قضاهـا؟

ابـعـد الله دار مــن يبـعـد ثـنـيـنٍ كـــان قـصــرة"امّــة لا شـافـت الـشـمـل اجـتـمـع جـاهــا بـلاهــا

لا سقـى الله فيضـةٍ فيهـا سميـن الصـيـد قُـعْـرة"كــل دِحْــلٍ واجـهـوا بــه حـيّــةٍ تـلـحـس جـمـاهـا

عـزّتـي لـلـي بـقـى بيـنـه وبـيـن الـمـوت شـعْــرهروحـه اقـرب للمنايـا السـود مـن حـذفـة عصـاهـا

طال وقتك يا ابـن مدعـث بيـن لا تطريـه واطْـره"حيّ ابـو مجنـاك ويـن الله شلـع بـك فـي فضاهـا؟

شدّهـا مـن خدّهـا واقطـر علـى المركـاز صـفْـرة"والحمـى مـا احـدٍ حماهـا كــان ربّــي مــا حمـاهـا

انـت مثـل الـلـي يــدوّر للوسـايـد وســط خُـبْـرة"وخُبْـرة الـروض ايتحـمّـل مــا يجـيـه الـلـي ربـاهـا

نقطـن الـواد المخيـف ونضـرب البـيـد أمّ جُـفْـرة"لعنـبـو بـعـض البـنـي يــا مــا لحقـنـا مــن هـواهـا

مـا لقينـا مـن يقـول: ابطـى بهـاك السيـل كُـبْـره".طـالـت الـمـدّة وخـالـد فــي رجــا دورة رحـاهــا

الوجـيـه البـيـض سـفْـرة والوجـيـه الـسـود ودْرة"وجثّـةٍ مـا سـرّت الصاحـب علـى ويـش انغـذاهـا؟

هيه ياللي فـي فـؤادك مـن عسـام الوقـت نفْـرة"طالت الدعوى ولا ادري وش حجَلهـا مـن قطاهـا؟

آخـر المنصـوب فتـحـة وآخــر المـجـرور كـسْـرة"حطّـهـا نــذرٍ عـلــيّ انّـــي لألـيّــن لـــك قـسـاهـا

واجمع اوّل حرف من كل بيت تلقى بيت شطْـره"عقّـب اللـي مزنتـه مــا يــروي العطـشـان مـاهـا

وارجو التركيز في الحرف الاول من كل بيت


اجمع اوّل حرف من كل بيت تلقى بيت شطْره....عقّب اللي مزنته ما يروي العطشان ماها

أي كل حرف كبير في البداية إذا جمعناه في سطر واحد فانه يأتي هكذا
ع ق ق ب ا ل ل ي م ز ن ت ه م ا ي ر و ي ا ل ع ط ش ا ن م ا ه ا

اي بالضبط وبنفس الترتيب تعطينا الحكمة التي في البيت الاخير هكذا:

عقب اللي مزنته ما يروي العطشان ماها

مساجلة رائعة بين شاعرين كبيرين
فيها من المعاني والحكم وعجائب الالفاظ الشيء الكثير
صح لسان كل منهما
.....
لك الشكر اخي ناصر على الاختيار والنقل
لاهنت...........

سلمت يمينك ياناصر بن راكب



وصح لسان الشعراء

أبو عبد العزيز


ابن ردمان

سعدت بمروركم

صح لسان


الشـــاعر ومشكور

على


النقــــــل