فضيحة بنت الله المستعان

السلام عليكم ورحمة الله وبركاته :-



(( سوف تكون الأسماء هنا مستعارة !! )) .



هي تنام الآن بالمستشفى العام بغرفة 242 .





ما إن خفت موجة البرد قليلاً ....وأصبح الجو يسمح بالخروج والتنزهـ



خرجت العائلات أفواجا للمتنزهات البريه



وبعد مضي ساعة من خروج تلك العائلة واستقرارها بالمتنزهـ العام كبقية العوائل



حتى ........................:



الشقيق الأصغر : يمه يمه أختى عبير اخذوها بسيارة الشرطة !



الأم : ليييييييه ووووين اخوك ناصر عنها يارب خير .



تجمع الملاقيف حول موقع الحدث منهم من شاهد نقل عبير بسيارة الشرطة ومنهم فقط من استمع من الغير .



تكومت الأم على نفسها وقربت منها صغارها وأخذت تمتم بالدعاء الله يستر علينا .




ومر من قربهم أشخاص يتمتمون بكلام عن القصة الطازهـ ...:



واحد : شفت أشلون لا خوف من الله ولا حياء من الناس !



الثاني : الله لا يبلانا يكفيها هالذل اللي عاشته وهالفضيحه !



ثالث : والله عيب وين اهلها عنها ؟



رابع : يقولون الشاب اللي معها ما مسكوهـ ؟



خامس : سود الله وجهها ما قدرت سمعة أهلها !



الام تبكي بصوت متقطع وتمتم بالدعاء يارب استر علينا .



وفجاءة خطيبها أبن عمها عادل يتأمل بعمته مستغرب هالتجمع للناس وحال عمته !!



عادل :عمتي خير انشاء الله فيكم شي ؟



الأم : عبير اخذوها بسيارة الشرطة .



عادل : ليه ؟؟؟؟ ووين عمي وووين ناصر ؟



الأم : عمك ما طلع معنا وناصر مدري عنه يمكن لحقهم بسيارته .



ويمر واااحد من الناس يتمتم يكلم واحد معه : تصدق يقولون شافوهم بفعل فاضح كان ضامها لصدرهـ .



عادل : اشتقول أنت ؟؟؟؟



الناس كلها شافت وصارت سالفة فضيحة هالبنت ما قلت شي من عندي كل اللي بالمنتزه شافوا ويقولون .




يتصل عادل على ناصر .....ومافيه رد .



يتصل عادل على عمه أبو ناصر :



عادل : اسمع يا عمي خلاص بنتك عبير الله يوفقها بغيري ما بينا زواج .



ابو ناصر : عسى خير اشفيك أنت ؟؟؟؟



عادل : اسال ولدك ناصر واسالك بنتك وينها فيه الحين وهذي زوجتك اتصل عليها واسالها .




ويقفل الخط ويترك المنتزهـ .




ابو ناصر : خير يا ام ناصر فيكم شي بالمنتزهـ ؟



ام ناصر : مدري ولا ابي ادري بس الحق بنتك بمركز الشرطة خذوها من المنتزهـ .



ابو ناصر : وووووووينه ناصر عنكم ؟



ام ناصر : مدري .



قفل الخط السالفه فيها فضيحة !!! معقولة ؟



ابو ناصر : اسمع يا عادل خلاص مابينكم اي ارتباط انت وعبير بس أرجوك ابوك لا يدري هو


كبيرنا وما ابي نكدر خاطره بشي ارجوك يا عادل .



عادل : انشاء الله .




وقفل الخط ومليون سؤال وسؤال برأس ابو ناصر !!!




ابو ناصر : الو ناصر وينك اشفيكم وووووين اختك عبير .



ناصر : عبير الحين منومة بالمستشفى متأثره شوي وأنا رايح للوالده بالمنتزه بأخذهم و الووو



قفل الخط !!




إنتشر الخبر حتى بالحي بين الجيران وصارت سالفة و أنتم أعلم بالحال .




إتجهـ ابو ناصر للمستشفى سال عن غرفة بنته ....ودخل عليها شافها نائمه على السرير



جلس بجنبها يسال بنفسه



ليه ياعبير كذا ؟



ما اصدق بنتي اللي انا مربيها تسوي كذا !!



ليه يا عبير ما فكرتي بسمعة أهلك ابوك امك اخوتك ؟



وما بين ليه وليه دموع من دم .



طبع قبلة ساخنة بين عيون بنته وبـــ إيدهـ كتم أنفاسها حتى فارقت الحياة ...عساه يكون مرتاح


الضمير !!



وجلس على كرسي بزاوية الغرفة مهموم ويلعن هالحياة واللي جالس يصير



دخلت زوجته وولدهـ ناصر



سحب ولده عنده والأم راحت مسكت يد بنتها تطمئن عليها



ابو ناصر : وووين كنت عن أختك علمني ؟؟؟؟؟



ناصر : كنت معها .



ابو ناصر : كيف كنت معها و أنت كنت صاحي اختك ياخذونها بسيارة الشرطة وتقول كنت معها ؟



ناصر : كانت سيارة الشرطة قريبها منا وناديتهم وركبنا معهم للمستشفى .



ابو ناصر : ركبتم معهم ؟؟؟ ما فهمت .



ناصر : يا يبه كنا نتمشى انا وعبير بالمنتزه وكانت فيه حفرية صغيرة زلقت رجل عبير فيها


والتوى عندها الكاحل ونقلتها للمستشفى بسيارة الشرطة لأن .....



ابو ناصر : كيييييييييييييييييييييييي يييييييييف وكلام عادل وكلام الناس و آه ياراسي



ام ناصر تراقب زوجها وولدها وتضم بنتها وتصررررخ ذبحت بنتي حسبي الله عليك يا ابوناصر



حسبي الله على الناس !!



هي


الآن


تنام


في


ضمائركم .







دمتم بخير .











انتظروا القصة لم تنتهي





استيقظت عبير من نومها ومن حلم مزعج كاد يقتلها .





هي الآن في قاعة الأختبار



إدعوا لها بالتوفيق .






حديث أنس رضي الله عنه قال: قال رسول الله صلى الله عليه وسلم: "لما عرج بي مررت بقوم


لهم أظفار من نحاس يخمشون بها وجوههم وصدورهم, قلت: من هؤلاء يا جبريل؟ قال:


هؤلاء الذين يأكلون لحوم الناس ويقعون في أعراضهم".









دمتم بخير .

وانا متفاعل مع القصة ، ووقفت شوي عند كلمة :

هي الآن تنام في ضمائركم.

وأخرتها حلم مزعج !!!!!!!!!!!

بس فيها فكرة جيدة ووصلت المعلومة على كل حال

الف شكر مرسمي الصغير على التوجيه الهادف

مرسمي الصغير مشكور على القصة

مرسمي الصغير 00 قصه هادفه 00 اسلوب جميل 00

تحياتي لكــ : الهــــواوي ,,,[/color]

متفاعل مع القصه الى الآخر

حتى والله اني حسيت بطعم المر الي سيجده الوالد

لكن طلع كابوس مرعب

مشكووور على النقل ذو المغزى السامي

تحياتي

القصه حلوه ومسليه وتشدك لمتابعتها شد قويا ,,

واسلوب الروايه فيها قوي ,,,

وفي النهايه كان الهدف الشرعي والحديث النبوي الشريف

كل هذه المشاركه من اولها الى اخرها رائعه

ولو فرضنا جدلا انها فعلا لم تكن حلم ,,,

فهي حقيقه وتحدث بكل وقت ,, وضحايا كثيرين والمظلومين فيها كثيرين ,,,

وانت مرسمي الصغير اصبحت حقيقه في مجالس الفرده

فلم تكن في يوما من الايام حلم او سراب ,,,

بصماتك لزقت بدفاتر وسجلات مجالس الفرده

وقد آن الاوان لكي تغير معرفك وتدخل من اوسع الابواب بمعرف اسمك الحقيقي الفريدي

مع احترامي لمعرفك الذي تعودنا عليه

دمت بعز يا الفريدي

حياك الله يا ,,,

تركي بن فهد الميسوي الفريدي

ليس هذا اسلوبا للتشويق لما ترمي اليه

القصة متشتته لا تحمل عنوانا معينا و أهداف الكاتب فيها غير متسلسلة لتوضيح مايريد توضيحه

قصة رائعة وهادفه وذات معنى قيم وهدف سامي
الف شكر على النقل اخي الصغير فهد
قمة التشويق في القصة وسياقها وترابطها
عابها العودة الى صالة الامتحان وكون الموضوع حلما
افقدها الكثير وان لم نكن هنا في مجال النقد
فالهدف السامي للقصة هو الاهم.
وقد وصل وبا فضل السبل واسرعها

المشاركة الأصلية كتبت بواسطة امل الفريدي

ليس هذا اسلوبا للتشويق لما ترمي اليه

القصة متشتته لا تحمل عنوانا معينا و أهداف الكاتب فيها غير متسلسلة لتوضيح مايريد توضيحه

وانا اوافقك اختي الكريمه امل على ماتفضلت به
لان هذه القصة الخفيفه يتعامل معها قارئها بعاطفته قبل عقله ..
وعدم الترابط والاستعجال في التصرف والنهاية العنيفه افقدها الهدف المنشود
وكذلك عدم جدية القصه افقدها البريق الاولي وشتت فكر المتابع...

ومع هذا وذاك
الفكره وصلت والنقد حصل اعانك الله ايها المرسم الصغير
اشكرك ايها المشرف الصغير والموهبة الكبيره
والى لقاء على المحبه
..........................

جميل جداَ مرسمي الصغير

بورك نقلك الرائع