ديوان لافي الغيداني

ديوان لافي حمود

يامكثـريـن الـهـرج لااسـمـع ولااجـيـبتريحـوا مـن فضلـكـم واسمـحـوا لــي

تـريـحــوا لاتـلـحـقــون الـمـشـاهـيـبعلـى الـردى مـانـي شـفـوق عجـولـي

بالعقـل والصبـر ادب النـفـس تـاديـبوالا لـهــا مــــده تــصــول وتـجـولــي

خـلـج تــرازم فــي سـيـاج المحـاديـبمافيـهـن الـلــي بالـعـقـال معـقـولـي

اشـد وطـيـة زور مــن شـمـخ النـيـباليـا ضـاع مفعـو ل الحيـل والحلـولـي

انــا لاقـلـت ارتـــب الـقــول تـرتـيـبحـتـى يـجـي كــي عـلـى فــك قـولـي

اليـا ارسلـت لافكـار القريحـه مناديـبترايـعـن مــن عـقـب مـاهـن جفـولـي

لـكـن مـالـي مــن وراهــا مكـاسـيـبلـو كـان عشـاق القشـر صفـقـوا لــي

مامسـتـفـيـد الا الــعــدو والاجـانـيــبولانــي مطـيـع مقرقعـيـن الطـبـولـي

خليـتـهـا تـعـطـي فـجــوج مـجـاديــبجـربـا تـجـود فــي رسـنـهـا مهـبـولـي

والله لااجـنـب دام لــي درب تجـنـيـبمـن شرهـة حشـام الرفاقـه خجـولـي

لـــو انـهــا بـيــن الـنـحـر والـتـلابـيـبمـن الحيـا وجـهـي مـهـوب مغسـولـي

طـبـع لـنــا نـشــب عـلـيـه ونـشـيـبوطـبـيــعــةٍ لـعــلــهــا مــاتــزولـــي

عـلـى الجمـاعـه للجمـاعـه مـواجـيـبالا جـهـلـوا قـــدر الـرفـيـق الهـتـولـي

مانـي علـى ربعـي قـريـب محاضـيـبادنـــاة مايخلـيـنـي اســـرج خـيـولــي

ان جات من طيب شقاها على الطيبلـو انـهـا اعــوج مــن رقـبـة الذلـولـي

وان جات من مسكين منطق واساليبحطيـتـهـا بـيــن الــثــرى والـنـعـولـي

لاحـركـت شـعـره ولاطلـعـت شـيــبولاضيـقـت صــدري ولاطــق جـولــي

وان كان في صبري على ميلهم عيـبالعـيـب تفتـيـش الـصــرر والحـثـولـي

لاقمـت تذكـر فــي رفيـقـك عـذاريـبوتـبـيــن عـيـوبــه لــذولــي وذولــــي

صبـرك علـى ربعـك عــلاج وتطابـيـبيـقـصـر حـبــال السـالـفـه لاتـطـولـي

حتـى مايلقـا فــي طرفـهـا مقاضـيـبكـــراه خـيــر وللـمـشـاكـل مـيـولــي

والـيـا بلـيـت بتـايـه شـــره وصـعـيـبيقـول انــا الـعـراف وانــت الجهـولـي

قـــل الله الله يـاحـصـان الاطـالـيــبيالفـاهـم العـالـم عـطـيـب الفـعـولـي

هـذا الكـلام اللـي مافـي صحتـه ريـبلانـيــب لاحـولــك ولانـتــاب حــولــي

حصـان وبـن حصـان طيـب مجـاذيـبوبالمعـرفـه رجـــل مـحـلـي ودولـــي

خلـه يـروح يخـطـي الــدرب ويصـيـبيـقـول مابالـنـاس عـرضـي وطـولــي

والـفـرق مـاهـو باللـحـى والاشـانـيـبالفـرق بـيـن الـنـاس فــرق العقـولـي

كـم واحـد تحسـن بـه الـظـن ويخـيـبالـســن يـضـحـك والـفــواد معـلـولـي

واللـي غـدت بــه كلـمـة مالـهـا غـيـبماهو من اطيـب ربعـي اللـي غـود لـي

يالله عساهـا صيحـة فــي قـفـا ذيــبوقـلـع الـنـيـا بـيـنـي وبـيـنـه يـحـولـي

الرجل مايغصب على الطيـب تغصيـباليـا صـار مـاهـو دل ضـمـن الدلـولـي

ومن عادة اللـي طيبـه يحضـر ويغيـبلاطـالــت الـرفـقـة زهـــوق مـلـولـي

والـيـا بلـنـك غـبــر الايـــام بصـحـيـبفـي مستـوى طيبـه صـعـود ونـزولـي

اعـرف تـرى الدنـيـا دروس وتجـاريـبوالـكـامــل الله والـنـقــا لـلـرسـولـي

لاتصـيـر مـشـذاب يـقـص العـراقـيـبخــلــه وراع الاولـــــه وش يـقــولــي

اخـذت حكـمـه مــن كــلام اللواعـيـبللطـيـب نــاس ولـلـعـذارى فـحـولـي

تنفعني المـره علـى بيـت أهـل نـوفلو كان مالـي عنـد أهـل نـوف حاجـه

الـجــادل الـلــي لافـنــي حبـهـالـوفلـوف الهشيـم اللـي تلـوفـه عجـاجـه

ماارتـاح ليـن اشوفهـا بالنظـر شـوفواخـذ عـلـى بـيـت الحبـيـب إدراجــه

اروح قلبي من صخر ماأعرف الخوفويبـدي علـيّ الخـوف حـيـن إنتـواجـه

لا شفتهـا جانـي عـن الهـرج صـادوفمغيـر أهـز الـراس مثـل "الخـواجـه"

وقال في الشيخ عليان الطهيمي الفريدي :

يـاراكــب الـلــي لـيـانـاظـرت تـمـثـالـهتـقـول صـقـر ٍ مـوقـع لــه عـلـى قـمـه

مـتـنـطـح ٍ لـلـبــراد بــــراس مـنـزالــهتشـتـت الـريـح شـمـل الـريـش وتلـمـه

فاكسار .. في قيمتـه زود ٍ علـى امثالـهلله دره لاشـــــال الــعـــزم بـمـهــمــه

مايصير له وسـق عـرق الرمـل محبالـهعــدو عـــرق الـنـفـود وهـمــه وغـمــه

صـــدره لـيـامــن ســواقــه تـسـاوالــهيشـرب قراطيـع صلـف الـريـح وتـزمـه

راعـيــه حـــرك وهـــو مـتـريـح ٍ بـالــهمـتـروح ٍ مــن بـنـي عـمـه لابــن عـمـه

يسوقـه الشـوق مـن رجلـه الـى عقالـهلـشـوف جمـعـا رجــال ٍ مابـهـم خـمــه

من ديرة اهل النقا .. والطيب .. والطالهوالمذهـب الزيـن .. والتوحيـد .. والعمـه

شيبانـهـا رمــز وقــت ٍ فــات وابطـالـهوشبابـهـا للـعـلا فـــي روسـهــم هـمــه

عـلـى طرفـهـا خــزاز يـمـيـل اضـلالــهقبـل يحـط الظـلام الشمـس فـي كـمـه

لــو مابـهـا غـيــر هاكالـضـلـع وجـبـالـهنحـبـهـا كـلـنــا حــــب الــولــد لامــــه

( دخنـه ) لعـل السحـاب يصـب همـالـهعلـى ارضهـا ليـن يطلـع كــل ماتضـمـه

منهـا مشـى الجيـب لعـل السعـد فـالـهمـتـيـمـم ٍ يــمـــة ٍ مـاغـيـرهــا يــمـــه

منصـاه رجــل ٍ تـهـرج الـنـاس بافعـالـهتـبـذل يميـنـه .. وكـثـر الـبـذل مـاهـمـه

مـن روس قـوم ٍ تهـوم الطيـب وتنـالـهماينـكـر امجـادهـا رجـــل مـعــه ذمـــه

حــرب الحـرايـب كـعـام الـلـي يـورالـهبنفـسـه انــه مصمـصـم راس ومطـمـه

اهـل المحـازم .. بيـوم ٍ تـعـرف رجـالـهومنصا الـوازم .. وسقـم العايـل وسمـه

قلـتـه .. وللمـجـد بــس لربـعـي لحـالـهكــل ٍ حبـالـه مـوردتــه عـلــى الـجـمـه

مـابـه قبيـلـه مـاهـي بالطـيـب مختـالـهغصـب ٍ علـى كـل متبـجـح .. ودرعـمـه

وقصـدي .. ومنصـاي ابـو فـواز وعيالـهوبيـت ٍ بوسـطـه قبـايـل حــرب ملتـمـه

يضـك بالنـاس مــن جـالـه الــى جـالـهيـطـري عـلـي لياشـفـتـه وادي الـرمــه

تنطحـك ريحـة شـذى هيلـه .. وفنجـالـهوالـعـود الازرق مـنـه ينطـحـك وتشـمـه

نــارد صنـايـاه .. ونـصـدر عـلـى دلالـــهولاهـوب جـوع وعطـش يـوم انعنـا يمـه

كــل ٍ غـنـي .. مـيـر يــوم انــا انتعنـالـهدافـــع حـمـيـاً تـفــوح بـكــل جمـجـمـه

يستاهـل الـمـال رجــل ٍ هــذي اعمـالـهنفسـه بمـايـزود نفـسـه طـيـب مهتـمـه

يـفـداه مغـلـول يمـنـاً لــو كـثــر مـالــهعـن شنحـة الطيـب وجهـه بــارد ٍ دمــه

اللـي علـى قــول زيــد صحيـبـه ريـالـهوان طاب طيبه من الزوجه الـى العمـه

يالله عسى اللي شال اطيب منه يشتالهيـدلــي مخالـيـبـه زويــــان .. ويـخـمــه

رجــل ٍ يـدنــق عـــن العـلـيـا ولا يـالــهللطيـب .. والـدرب قدمـه فـاتـح ٍ فـمـه

ودك مـــن بـعـيـد وقــريــب تـحـمـالـهبمخـمـس ٍ مــن شحـمـة الاذن لـلـرمـه

وعن هالكلام .. وقصير الهـرج واطوالـهياكـثـر بـكـم الـزمـان .. وياكـثـر صـمـه

يقـولـه الـلــي تـهـمـه صـحــة اقـوالــهويسعـى يـوصـل هــدف معـنـاه ويتـمـه

وصـلـو عـلـى المصطـفـى نبيـنـا وآلـــهمحـمـد الـلـي بـعــث بـرسـالـة الامـــه

هذه القصيده وهي بعد فوز الطهيمي واعلان النتائج

الحـقـيـقـه يــابــو فــــواز وبــكــل افـتـخــاركـــل فـرحــه عــارمــه لـلـســدود مـبـوحــه

الــف مـبــروك النتـيـجـه وحـســن الاخـتـيـاروجايـزة وضـح ٍ مـن الغـيـض جــات مشـوحـه

جــات عـقـب الـعـام تـبـغـى تـــرد الاعـتـبـارمـاحـلا الفـاحـج عـلـى فـخــذ كـــل مـدوحــه

وسم .. وشعار اهل الارماح .. والشلف القصاروالضـروب الـلـي بــروس الخـصـوم مجـوحـه

مثـل مالجيـش الامريكـي بطـش فـي قندهـارابطـشـت بــارض المـزايـن تـقــل متـسـوحـه

كـنـهـا تـبــا تـحــب الـسـمــا كــبــر ووقــــارمـــن ثـقـتـهـا بـزيـنـهـا بالـجـمـيـع مـطـوحــه

مثـل فاكسـارات موكـب حـدا طـوال العـمـاريــوم جــت للـعـرض امــام الامـيـر مـروحــه

استـحـقـت جايـزتـهـا جــهــار مــــن الـنـهــاروتـوجـت .. وكـبـود حـســاد اهـلـهـا مـفـوحـه

واحــد ٍ قــال انـهـا مغيـضـه الـعـام اسـتـخـاروالله ان الــعـــام هـــــذا لـقـبـهــا مـنــوحــه

راكب اللي سرعته تقل شقٍ من سمـاادعـجٍ كنـه يبـا يقـول شـي ومستـحـي

جيب لاند كروز وجهه تقل وجه اطخمامن غلا سعره بعيدٍ علـى بعـض اللحـي

كـن جلـده لامشـا جـلّـد هـمـال دهـمـاسيلها جريه لحـا طـرف الـوادي لحـي

وان مشا على هوينه .. تقل مشية عمايتقـدا يـوم يمشـي علـى حـروة وحـي

منوة اللي شابـعٍ جـوع .. رويـانٍ ظمـاجائعٍ ظامي على شـوف غـروٍ منتحـي

كل مايزمي خيالـه علـى بالـي .. زمـاهـم قلبـي .. والمشاريـه تنحانـي نحـي

يامروجت الحكي مـاش سـن بـلا جمـاالنوايا كنهـا الشمـس والـدرب ابرحـي

مالعدوانـي دخـل فـي فراقـه .. وانمـاعيدوا يـوم ان بعـده فحـا قلبـي فحـي

مارميـتـم إذ رميـتـم لـكـن الله رمـــادارت الدنيـا علينـا مـثـل دور الـرحـي

واوجودي كـل مااذكـرك ياعـذب اللمـاوجد من ذنبه محا كل اهل بيتـه محـي

ياوجـود القلـب ياشوفـتـه عـقـب البـطـاوجد من عذب ولدها بسجن ( ابو غريب )

حطـه الله تحـت رحمـة سكـارا والقـطـاالجنود اللي على صدورهم رمز الصليـب

لهم حوله قطقطه مثل قطقطت القطـااللغـه ماتنفهـم .. والعمـل جـرم ٍ رهيـب

اربعـه .. كـل ٍ برجلـه علـى راسـه وطــاوطيـة الحريـب لاطــاح بيـديـه الحـريـب

واظهرته الصحف عاري على راسه غطـاواعترافاته فضيحه .. وعيب وشق جيـب

كـان وضعـه صـح بعيونهـا واصبـح خـطـاوقامت تهـل العبايـر .. وتلحقهـا النحيـب

يـاوجـودي وجـدهـا مـاهـو بـوجـد عبـطـااتظاهـر بالسلامـه وانـا جرحـي عطـيـب

صاحبـي حبـه تغلغـل بالاعـمـاق وسـطـاسطوة العبرود مـن كـف رمـاي ٍ يصيـب

بس مشكلتـه خـذا كـل شـي .. ولا عطـاغيـر جـرح ٍ مـايـداوا .. وذكــراً ماتغـيـب

والله ان غيرك بطاهـم معـاد اسمـه بطـايالحبيـب اللـي لاقبلـك ولابـعـدك حبـيـب

لعل السحاب اللـي مـن البعـد دوبـه واقعلى حد الارض من السما تسبـر اعناقـه

علـى ديـرة دونـه جـنـوبٍ عـنـه ينـسـاقتـقـفــاه وتـلـمـلـم شـتـاتــه وتـسـتـاقـه

ذعـاذيـع ريـــحٍ ماتـشـيـل وتـحــط رواقيصحبهـا شويـة عنـف وانسامـهـا رقـاقـه

لـو تمـر بيـت الـبـدو متـرامـي الاشـنـاقتـهـزه شــوي شــوي ماتـرمـي رواقـــه

تسوق السحـاب بدبـرة المانـع .. الـرزاقإلــهٍ عبـيـده تـطـلـب رضـــاه وعـتـاقـه

ولامنـه تـسـاوى فــوق دارٍ غـلاهـا فــاقحـدود الغـلا .. تسـتـأذن الـريـح لفـراقـه

يقـر ويسـر البـال .. والعيـن .. والخفـاقويلـجّّ رعـده .. ويرفـرف البـرق بأشناقـه

من بعيد برقـه يسهـر المسنـي المشتـاقهكاالليـل يقضـي كـل ليلـه علـى سـاقـه

كاانـه يـقـول ليانتـفـض بـرقـه الشـعـاقعلـى الهـون تكفـا ماعلـى قلبـي لحـاقـه

وصلهـا وباشرهـا عـلـى غيـبـة الاشـفـاقجـلال مطـره مايعطـي الوقـت لدقـاقـه

تضيـق بسخـاه الاوديـه والفضـا مـاضـاقبغيـمـه .. وهتـانـه .. ورعــده .. وبـراقـه

يمد الجذع بالوصل .. والغصن .. والاوراقبعد مااشتكى من هجـره الغصـن لوراقـه

شهر .. ويتجاور فيه راعي غنـم .. ونيـاقبربلـه .. وحوذانـه ضحـى تشـبـع النـاقـه

تكحـل بنبـت فيـاضـه العـطـره الاحــداقمن يشوف نبته يشكـر الله علـى ارزاقـه

شـذا نـبـت ريضـانـه ماينـبـاع بـالاسـواقمايجمـع شذاهـا مـع بعـض غـيـر خـلاقـه

تـجـلا بتـنـويـع الـزهــر قـــدرة الـخــلاقتـلاويـن نبـتـه تـأســر قـلــوب عـشـاقـه

ربيعـه .. وغدرانـه .. متـى مانهمـر دفـاقلـــدارٍ لـهــا كـــل الاحـاسـيـس تـواقــه

سلامـي عليهـا مـن اولـي لاخـر الارمـاقولهـا صـادق الاشـواق بـاقـه .. ورا بـاقـه

غلاهـا وسـره دافنـه فـي ثـرى الاعـمـاقوأكيـد الغـلا ماجـا مـن البـاب .. للطاقـه

دام مـا بخلـت بــي الدنـيـا البخيـلـهفـدوة للـربـع.. مــن كـمـي لكـمـي

و دامنـي فـردِِ مـن أفــراد القبيـلـهحرب ربعي..عزوتي..لحمي..ودمـي

مـا تخيّـر فـي فصيلـه عـن فصيلـهكـل حربـيِّ علـى الأرض ابـن عمـي

مـن لابـةِ لفعولـهـا تـطـرب الخـيـلويصعـد بهـا يـم السـمـاء ويتسـامـا

مجدِ سنامـه عانـق الجـدي وسهيـليــوم الحمـيّـا..و الحمى..والمحـامـا

حرب ليا جا للحرب سبر..ومراسيلشـريــدة الـعــدوان رمْـل..ويـتـامـا

سوالـفِ مــا هــي مـجـرد أقـاويـلولا هـي كوميديـا فيلـم..وإلا درامــا

غصبِ على اللي يعرف الحق ويميلعـن مجدنـا مـا هـو عمى..ويتعـامـا

ولا أهضم حقـوق القبايـل ولا أعيـليامـا مـن فـعـول القبـايـل.. ويـامـا

فـي كـل دار وكــل ديــره رياجـيـلما يهضـم النشمـي حقـوق النشامـا

لاوالله الا راح مـن حـرب رجــالرجـال يحسـب بالقبيـلـه فقـيـده

ماينتـعـوض بالعسيـلـي بـالابـدالالله يغـفـرلـه ويـرفــع رصـيــده

اطلـب عسـاه بجنـة الخلـد نـزالآمـيـن قولـوهـا عسـاهـا تـفـيـده

عسى له بطوبى منازل ومدهـالحتـى تعـوضـه بالحـيـاة الزهـيـده

دنيـاً عليهـا كـل مـن حـل رحــالفيهـا البقـاء لله محـصـي عبـيـده

لكن عزاي انه ورث مجد وافعالوشعـر ٍ يخلـده الحفـيـد لحفـيـده

ومواقف ٍ تعرف على مر الاجيالوغير الوفاء فيه الخصال الحميده

انـا منـه جانـي معاريـف ٍ إجـزالبحـر المكـارم مكرمـاتـه فـريـده

اللي يعرفه زين ياقف لـه إجـلالويسجم على فقد القصيد وعميده

فقدان رجل ٍ له مواريث وأعمـالمن روس قوم ٍ بالمواقف عنيـده

إلهم عزاي .. وخاتمة كل الاقوالالله يغـفـر لــه ويـرفـع رصـيـده

ويـن انـت ياللـي كـل ماتـمـر ذكــراكتوقـد فتيـل الشـوق وتـذوب الاضــلاع

تعال..وجـلـس صبـلـي مــن شـفـايـكهيـل الـكـلام الـلـي تصـبـه بالاسـمـاع

مدري متى اشبع من سوالفك..وارواكاثـر الحـكـي بعـضـه خـزامـى ونعـنـاع

عـن كـل مـن حولـي تاخذنـي لدنـيـاكواندم على وقـتٍ قبـل لاعرفـك ضـاع

تزهـر حياتـي فـي حـضـورك ولامــاكمثل المطر..تزهر مـن حضـوره القـاع

قلت ابي اجرب قلبي احـاول.. انسـاكورتعـت قبـل القـلـب يــدري ويـرتـاع

سـاق الهـوا مركـب غرامـي لمرسـاكمـاعـاد ينـفـع بــه مجـاديـف وشــراع

عطني حضورك..وإقطع دروب فرقاكلايهـب للفرقـا عـلـى القـلـب ذعــذاع

مايستحـق يعيـش بــه كــود شــرواكقلـبٍ يضمـك حــب ويضـمـك اوجــاع

الظّلْمْ كيف اقْبله.. والصّبْر كيف احْـرزهْعـزالله انّـي مـن الاثنيـن.. قلبـي جريـح

والله ..مـايـجـرح الـرّجّــال و(يْـنـفـرزهْ)الأ..لاقـال الصّحيح..وقيـل ماهـو صحيـح

كلمـه بسيطه..ولكـن حـجْـم مااتـفـرزهيْخلّـي الكـون فيـك يضيـق لوهـو فسيـح

الرّجْـل قبـل تْحـكـمْ علـيـه فـجْـأه..رزهيبـيـن لــكْ راهــيٍ بالعـقـل والأ شحـيـح

والطّيب..واجد مجال الطّيب مير ابـرزهاظهار فعل الجميل..وتـرك فعـل القبيـح

حطّ اصبع الطّيب بعيون الرّدى.. واغْرزهوش قيمتك بالحياه ان ماكسبت المديـح

حاولت اجمّـع بهـا فُـلّ الشّعـر.. وكْـرزهقصيدتي..وارضي الطّيب واغيض البجيح

مــن عـآدتـي أجتـهـد بالقـاف..وآطـرّزهباجمـل عبـارات.. والاّ آريّحـهْ واستـريـح

ان مانظمْتهْ نظُـمْ سبْحـهْ خْرزهْ..أخْـرزهْلـو قالـو انّـه مليح..آقـول مـاهـو ملـيـح

لعيون ساره كتبت احلـى المواويـلوغنيتـهـا فدوة(ن)لـعـيـون ســـاره

عيـونـهـا كـنـهـا مـهــدودة الـحـيـلماينـاسـب لوصـفـهـا الا هالـعـبـاره

نعسانة(ن)دوبهـا مـاهـوب بالحـيـلتسرق من النوم لكن فـي شطـاره

اي والله اني حسدت الكحل والميللمـصـافـح اهـدابـهــا تــاره..وتــاره

تبعث مـن عيونهـا لقلبـي مراسيـلليـن انهـا احتـلـت القـلـب بـجـداره

غـدى لهـا قلبـي اوطـان ومداهـيـلالـحـالـهـا مـالـهــا ضــره..وجــاره

الله عطاهـا الجمـال بـدون تجميـلمـن كـل زيـن الله اعطاهـا اخيـاره

نهـارهـا اجـمـل نـهـار وليلـهـا لـيـلليـاتـفـرق ســـواده عـــن نــهــاره

ماتحصـي اوصافهـا كـثـر الاقـاويـللكـن قــل الـحـر تكفـيـه الاشــاره

فـي داخلـي للغـلا حـفـل وقنـاديـلوناس(ن)تعانق بعضهـا فـي حـراره

ألــذ مابالـهـوى عـنـاد المـواصـيـلوالركـض بـيـن الحلاوه..والـمـراره

كل التعب..لو منـه ماجـا محاصيـللخـاطـر عيونـهـا مـاهــو خـســاره

بين الشاعر لافي حمود و الشاعـر / مطلق خالد الحويقل العتيبي
يقول مطلق الحويقل

يالله يـامـنـزل تـبــارك .. ويـاسـيـنياعـالـم ٍ غـيــب الـزمــان وعـلانــه

ياوافـي المـدات .. ياقـاضـي الـديـنانــت المعـيـن .. ونرتجـيـك الاعـانـه

بأسمك يجي للقاف قيمـه .. وتثميـنوتـوجـه ذكــرك بـقـدر .. وحـصـانـه

ياخـلـق الادم وزوجــه مــن الطـيـنومحـمـلـه يـــوم اكـتـمـل بـلامـانــه

ابداء بذكرك لجـل تخـزى الشياطيـنوزيـن المثـل يسهـل علـي إدرجـانـه

ياراكـب اللـي جاهـز ٍ عقـب تمـريـنالاقطـم الـلـي فــارق ٍ فــي خـوانـه

اللـي عليـه مـن الخواجـه مضامـيـنوالضامن اللـي مـاش غيـره ضمانـه

سبحان من يحمد على الزين والشينالخـالـق الـــرازق رفـيــع المـكـانـه

والا الشبـح حـايـز عـجـاب الملايـيـنيامـاحـلا عـبـر الـطـريـق اسبـحـانـه

كـنــه بـمـشـواره تـقـلـه جـنـاحـيـنوالبـعـد يسـهـل لامـشــاه اطـويـانـه

مايشـتـريـه الا الــرجــال الـثـريـيـناهـل الرصـيـد الـلـي رفيـعـن بيـانـه

آخر مديل الفين .. في عـام الالفيـنمـن مصنـع ٍ شغلـه نضـيـف وتكـانـه

ياسايـقـه باعطـيـك مـنـي عـنـاويـنعنـوان مــن جعـلـه يـطـول زمـانـه

عنوان لافـي ريـف مـن جـوه عانيـنعلـى الرحـب يلقـون قــدر ورزانــه

ابــاك توصـلـي ســلام ٍ بـعـد حـيــنسـلام مـن صــاف الـفـواد ولسـانـه

بعد البطا اللي صار له حـول عاميـنوالوصـل إلـه عنـدي حـبـال ٍ متـانـه

منصـا سـلامـي للـرجـال الميامـيـنلافــي وبــوه وكـــل حـــي ٍ وزانـــه

سلام اخـص ابـه الموالـي والاقصيـنوكل ايمنن بالطيـب مسـرج حصانـه

يـعــم جـيـرانـه .. وكـــل الغـيـاديـنواللـي لهـم بالطيـب ماقـف وخـانـه

مـن دافـع الاخـلاص والحـب والديـنوسلم الرجال اهل العقـل والفطانـه

ابعـث لهـم مـن باقـة الـورد نوعيـنوخيـر الكـلام الـلـي يـقـدم اسمـانـه

يهـدى لمنـهـم بالمواجـيـب ساعـيـنوالبيـت مـن سـاسـه يـزيـن ابنيـانـه

مـــادام حـنــا بالـحـيـاة مـتـخـاويـنأخـــوان بالـمـلـه وشـيــل الامـانــه

والمعرفـه تربـط قـلـوب العزيـزيـنالـلـي مـسـار الـعـز لـزمـو عـنـانـه

ياجب علـى الوافيـن وصـل الوفييـنوالـوصـل يملـيـه الـعـقـل والـديـانـه

ودنيـاك يالافـي بهـا العـسـر واللـيـنلـــو نــاحــرت ياعـجـلـهـا قـلـبـانـه

مادامـت لخيـر البـشـر والسلاطـيـنومن عاش فيها شـاف منهـا الخيانـه

والرابحـيـن الصالـحـيـن الرشـيـديـناهــل العـقـول الـواعـيـه والـذهـانـه

اللـي علـى سـنـة محـمـد حريصـيـنوابليـس ماطـاعـوه فــي مهرجـانـه

علـى مسـار الحـق دايــم سريعـيـنسـعـي ٍ رفـيـع ولاسـعـوا بالطمـانـه

شـرواك ياذخـر الـرجـال الطليعـيـنالـلـي ســلاح الـجـود حــدو سـنـانـه

يابن حمود ايامـك اللـي مضـت ويـنيامـن معـي عـال ٍ مكانـه .. وشـانـه

حنا على شـوف المشاكيـل شفقيـنوالا الـــردي يـلـقـى حـلـيـه قـرانــه

نشفق على الطيـب وندعيـه عجليـنودايـم علـى الطيـب تـجـوز الميـانـه

والا الردي جعلـه وراء دولـة الصيـنحيث ان ماله في سمـا الكـون زانـه

وقـبـل تحـيـات الـقـلـوب الـمـوديـنمــن دافــع مــود ٍ لسـانـه حـصـانـه

وصلـو عـلـى خـاتـم جمـيـع النبيـيـنالـلـي عـطــاه الله كـتـابـه واعـانــه

الـلـي ومـرنـا ننـهـج المنـهـج الـزيـنورسـم طريـق الحـق واوضـح بيـانـه

......... ((( الرد على الاخ / مطلق ))) .........

بـديـت بـأسـم مـكــون الـكــون تـكـويـنالـمـنـفــرد والـمـتـحــد فـــــي كـيــانــه

رب الحـجـر .. رب الشـجـر .. والثقالـيـنمــرســل مـحـمــد وامـــــر ٍ بـاتـبـعـانـه

الـلــي عـبـيـده لـــه صــيــام ٍ مـصـلـيـنيــرجــون رحــمــة ربــهـــم وامـتـنـانــه

وعطفه .. ولطفه .. لاغدى الخلق نصفيـنويشـهـد عـلــى الانـســان حـتــى بـنـانـه

يانـاصـر الـرسـول فــي بــدر .. وحـنـيـنيـاجـاعــل لــســان الـبـشــر تـرجـمـانـه

انــت المـعـيـن ولاحـــد ٍ غـيــرك مـعـيـنومــن بـعـد ذكــرك كــل شـــي ٍ بـاوانــه

يـاراكـب الـلـي مــن حـفـيـزه اقـزوزيــنتــو .. ودبـــل زيـــرو .. وون.. اصـدرانــه

صـــدّر خــــلال انـتـخـابـات الزعـيـمـيـنقـــدام بـــوش الابـــن يـكـسـب رهـانــه

قـبـل اسـتـلام البـيـت الابـيـض بشهـريـنو مجـلـس شيـوخـه .. وانظـمـة برلمـانـه

جي .. إم .. أس .. حروف وارموز .. تبيينللـمـصـنـع الــلــي صـمـمــه والـصـيـانـه

احـــدث مـوديــل بتكنلـوجـيـا الصـوالـيـنوالله عـطــا الـلــي يصـنـعـونـه اتـقـانــه

ليـاسـرى مـاضــن مـــن الـلـيـل ثلـثـيـنوولـــع مصـابـيـحـه .. وولــــع اسـكـانــه

كــــن اجمـاحـيـاتـه شــمــوع المـحـبـيـنفــي عـيـد مـيــلاد .. اوقـــده شمـعـدانـه

وكـــن اشتـغـالـه هـرجــة ٍ بـيــن ثنـتـيـنيخـفـنـهـا بــيــن الـخـجــل .. والـلـعـانــه

ويشـبـه ليـاقـام يتمـشـى عـلــى هـويــنمــشــي الـفـتــاه الـمـتـرفـه بمـشـيـانـه

وليـاعـطـا مـردومــة ٍ كـنـهــا ( قــيــن )قــام يغـنـج .. ويـهــوس كـــن اغنـجـانـه

شريـفـة ٍ فــي حـفـل نـــاس ٍ شريـفـيـنتـرقــص عـلــى يالـلـيـل ادآنـــه يــادآنــه

تـهــز .. وتـهــز الـخـصـر .. والـذراعـيــنومـــن راسـهــا مـاطـاحـت الاسـتـكـانـه

وليامـشـى مــن نـجــد بـيــن الصـلاتـيـنمـايـصـبـح الا فــــي حـــــدود الـكـنـانــه

يـصـرخ بعـنـف .. ليـاخـذ شــوي بـنـزيـنمــثــل صــريــخ صـغــيــر ٍ بـالـحـضـانـه

يـاسـايـقــه بالله هـالـحــيــن هـالـحــيــنقــم دق سلـفـه .. واربــط حــزام امـانـه

حــنــا عــلــى رد الـجـمـايـل مـضــريــنحـاضــر بـحـاضـر .. والـتـهـاون جـبـانــه

دسـلـه .. وزدلــه بأشتـغـال الصلنـصـيـنولايـــحـــرك الا بـــآخـــر ازعـيـتـمــانــه

خـل الحصـى عـلـى حـصـاه .. وحصاتـيـنيـفــر مـــن حـــدره فـريــر (السـمـانـه)

حــده عـلـى قـصـيـاه .. ياسـايـقـه لـيــنتـعـزف قــزوزه مـثـل عـــزف الكـمـانـه

ويـخـلـي الـعــادم بــطــون الشـكـامـيـنغـلـيـون (حـشــاش ٍ) بـراســه شـطـانـه

كـنــه بتـفـكـيـره .. يــحــرر فلـسـطـيـنومـسـتـيـسـر ٍ شـــــارون بـالـخـيـزرانـه

نصـه ديــار طـيـور شـلـوى .. الدماسـيـنوقـل ويـن مطـلـق .. ثــم لياقـيـل عـانـه

تلـقـاه فــي بـيـت ٍ يــذري عـــن الـبـيـنسـلــم عـلـيـه ومـــن لـقـيــت بـمـكـانـه

ســــلام مــمــزوج ٍ بـعـطــر الـريـاحـيـنوالا زبــــاد ٍ تــــو جــــا مــــن عـمــانــه

ألــذ .. واحـــلا مـــن حـلـيـب الـمـلاويـنلــيــاروحــن مــــــن وادي ٍ ديــدحــانــه

مـثــل الــزلــول الـفـاخــره بـالـدواويــنويــلاعــب الـغـربــي زهــــر قـحـويـانــه

مـقــدار ربـــع ٍ لــوهــم بـعـيــد غـالـيــنعـلــى خــفــوق ٍ قــدرهــم ماأسـتـهـانـه

عيـال عــود ٍ غــاب راســه عـلـى الـزيـنمـمـنـوح مـــن ربـــه صـــلاح الـبـطـانـه

مطلـق .. وغـازي .. والنـعـم بالشقيقـيـنوأخـوانــهــم .. والله عـلــيــه وامـــانـــه

مـاهــو مكفـيـهـم لانــعــم .. ولانـعـمـيـنهـيـف السـمـيـن الـلــي كـثـيـر ٍ أدهـانــه

واهــل هـــلا يامـرحـبـا فـيــك .. وهـلـيـنوكـــل ٍ حـجـاجــه يـعـجـبـك بضـحـكـانـه

واهــــل دلال قــنــاد غــــال المـثـامـيـنوافـضــل نـمـونـه هـيـلـه .. وزعـفـرانــه

كـنــه للضـرمـانـه صــعــوط المـجـانـيـنلـيـاذاقــه الـنـعـسـان طــــار إنـعـسـانـه

واقــول .. يامـطـلـق فـــدوك الكثـيـريـنأهـديـتـنــي دره .. وبـــاقـــه .. ودانــــــه

الـبـاقـه الــلــي مــــن ورود البـسـاتـيـنمــن كـــل شـــي ٍ زيـــن فـيـهـا إذنـانــه

منباعهـا مــن جــوف قـلـب .. وشرايـيـنوجـــم ٍ تــصــدر بــالــروى عيـطـشـانـه

فيهـا عتـب .. لكـن علـى الـراس والعيـنانـــــا مـــــدان ومـعــتــرف بـــالادانـــه

إن كــانــا بـالـوصــل مــعــك مـتـرديــنمـنـك السـمـوحـه راس مـــال الـخـزانـه

امــــا تــجــي .. والا نـجـيــك متعـنـيـيـنوكــل ٍ عـلـى اصحـابـه وسـيــع ٍ بـطـانـه

وصـــلاة ربـــي عـــد وبــــل الــوداديــنعــلـــى رســـــول ٍ عــزنـــا بـاتـبـعـانــه

في رثاء العسيلي

ايـه امسـح النمـره .. وكـل التفاصـيـلاسم .. ورقم .. شيخ المزايـا العظيمـه

لياصـار ماصوتـه يجـاوب عـلـى التـيـلمـاعــاد لـلـجـوال .. والـرقــم قـيـمـه

راح .. وعلـيـه قـلـوب ربـعـه معـالـيـلوصــدور رحـبـات المجـالـس محيـمـه

علـى أحـر مـن الجمـر .. مثـل ماقيـلكـنـت انتـظـر لحـظـة لـقـاه الكريـمـه

مـيـر الـقـدر مـابـه ليـاحـل .. تـأجـيـلويرضـايـه المـؤمـن بـصـبـر وعـزيـمـه

دنـيــاً لـهــا عـلــى الاوادم مـصـاويــلوصكـاتـهـا فـــي روسـنــا مستـديـمـه

أمراض .. وموت .. وشح زاد ومحاصيلوكـــوارث.. ووارث .. ودنـيــاً ذمـيـمـه

مافـي مـجـي الـمـوت شـكـه وتـأويـلمـثـل الغـريـم الـلــي يـــدور غـريـمـه

مرحـوم يـامـن لــه مـعـزه .. وتبجـيـلعنـدي .. وعنـد اهـل العقـول الفهيـمـه

اقـفــن عـلـيـه مـذوقــات الـغـرابـيـلوبـانـت عليـنـا مــن الخـرايـم خريـمـه

فـيــه إهـزمـنـا .. وتـركـنــا مـغـالـيـلراس ٍ علـيـنـا مـــن فـراقــه هـزيـمـه

راس ٍ كـفـو لـدمـوع روس الريـاجـيـلالـلـي يقـفـون الهضـيـمـه .. هضـيـمـه

من القصيم .. الـى الريـاض المراسيـلوصلت .. وحزن رياض نجد .. وقصيمـه

إكــد رحـيـل مـدلـل الـضـيـف تـدلـيـلوكـل ٍ وصـل مـن ضيقـة الـبـال تيـمـه

هكـا المسـاء وش يمسـحـن المنـاديـلكن السحـاب الـروس .. والدمـع ديمـه

عـلـيـه مـخــزون المـحـاجـر همـالـيـلمن شـدة الصدمـه .. وطـول الحريمـه

احـد ٍ لــو انــه مــات مـوتـه تساهـيـلحسـرة خبـر مـوتـه عـلـى ام اليتيـمـه

واحـد ٍ خبـر موتـه خـسـاره .. وتنكـيـلوفــي غيبـتـه عـلــى القبـيـلـه ثلـيـمـه

كــان الغنيـمـه فـقـد بـعـض الازاويــلهــذا السـلامـه مـنـه مـاهــي غنـيـمـه

مفني عمار .. البن .. والهيل .. والحيـلوعـــدو هـــراج الـقـفـاء .. والنمـيـمـه

رمـز الـكـرم .. حـلـو النـبـا والتعالـيـلليـاطـاب مـجـلاس النـديـم .. ونديـمـه

ماظـن فــي مثـلـه تـعـوض المقابـيـلوجهة نظـر .. حسـب اعتقـادي سليمـه

عشـقـة بعيـديـن النـظـر والمـواصـيـلان مانجبـت مثـل العسيلـي .. عقيـمـه

ولا قـول خَلْيَـت مـن وجـود الحلاحـيـللـكـن قلـيـل الـلــي صـفـاتـه عـديـمـه

عـلـى بعضـهـم فــي بعضـهـم تنافـيـلشــي ٍ مايجـهـل فـيـه غـيــر البهـيـمـه

مرحـوم يامنـصـا الـرجـال المشاكـيـلونـطـاح قـــالات الـرجــال الجسـيـمـه

جاه .. ووجـاه .. وحبـك جـزل التماثيـلمستوطـنـات ٍ راس مـحـرج خصـيـمـه

ولاهـو عـلـى وجـهـه ولا جـاهـه بخـيـللـلـي بــه المـعـروف مـاهــو ظلـيـمـه

يـقـوم بالـقـالات .. ويـحـط .. ويشـيـلومرجـع لمـن يبغـون الاريـاء الحكيـمـه

عـلـى المـشـاكـل مـايـجـر الـمـواويـليـحـسـب لعـاقـبـة الامـــور الوخـيـمـه

مايستـجـره صــوت دبـكـه .. وتطبـيـلوعنـده لمـن خالـف وصالـف قسيـمـه

لاحتـاجـت الـقـالات شــرب الفناجـيـلطــق البـهـام لـكــل راعـــي همـيـمـه

بأسلـوبـه يـعـد هـــل الـعــوج تـعـديـلوعلاقـتـه مــع كــل طـيــب حمـيـمـه

ماطيـشـنـه مـثــل بـعــض المهـابـيـلنـــدر قـوافـيـه الـجــدد .. والـقـديـمـه

تواضـع وضحكـة حجـاج وهــلا .. هـيـلوبشـاشـة ٍ بـالـوجـه تـســوى ولـيـمـه

أمـدح .. ومدحـي فيـه ماهـوب تضليـلاشـهـود ربــي بــارض ربـــي مقـيـمـه

والمـدح باأهـل الـمـدح مـابـه مداخـيـلوالا بـغـيــر اهــلــه قــولــه جـريـمــه

يالله عسـى قبـر ابيـض الوجـه لسـيـلويخـضـر جنـابـه كــل مـاتـهـل غـيـمـه

ويــبـــد الله ظـلـمــتــه بـالـقـنـاديــلآمـيـن يامـحـحـي الـعـظـام الرمـيـمـه

يامفضـل محمـد علـى الرسـل تفضيـلكـــرم سـمـيــه بـالـجـنـان النـعـيـمـه

عــزي لـمـن جـــدواه عـضــة إبـهـامـهمــالــه .. ولابـيـديــه حـيـلــه وتـدبـيــر

رجــاي بالـلـي مــن نـواشــي غـمـامـهيسقـي ثـراه .. ويكسـي ارضــه نـواويـر

هـو العظيـم .. ورب عــرش العظـامـهسبحـانـه .. الـخـالـق بـديــع التـصـاويـر

يــــارب قــــوم والــــدي بـالـسـلامــهواشفـه .. ومتعنـي بشوفـه علـى خـيـر

سبـعـه وعشـريـن .. اول ايــام عـامــهوردن .. وصـادنــه سـهــوم الـمـقـاديـر

وعـلــيّ جـيــش الـحــزن ورّد حـيـامـهواجتاحـنـي مـثــل اجـتـيـاح الاعـاصـيـر

قامـت ضحـا .. بـيـن الضـلـوع القيـامـهرجاء .. وياس .. وحزن طاغي .. وتفكير

للقلـب مـن ( قـوع ) العـروق انصرامـهيـــوم الا طــبــاء يـكـتـبـون الـتـقـاريـر

يـــزود نـبـظـه .. ويتـلـخـبـط نـظـامــهواحـس فــي كتـمـه .. وافــك الازاريــر

يامـن لــك مــن الطـيـب ذروة سنـامـهوتقصيرك( بعكسـه).. ماهـوب أيتقصيـر

ويامـن رسـمـت أرقــى وارق ابتسـامـهعلـى وجـه شايـب .. وشبـاب ..وصغيـر

البـيـت عقـبـك صـــار نـــوره ظـلامــهامـس بوجـودك غيـر .. والـيـوم ذا غـيـر

فـي كــل ركــن ٍ مــن ركـونـه عـلامـهللـحـزن .. يامـوفـي حـقـوق المسايـيـر

يـاوالــدي مـســك الــكــلام وخـتـامــهأزمـه .. وصـارت لكثـر النـاس تفسـيـر

في أحدى المناسبات ألقى أحد الحضور قصيدة ٍ ولم يذكر لمن هذه القصيدة ..
وقد كان الشاعر / حبيب العازمي حاضراً ذلك الحفل ونوه أمام الحضور
بأن هذه القصيدة للشاعر / لافي حمود الغيداني وليست لذلك الشخص ..


علم الشاعر : لافي بموقف الشاعر : حبيب

وارسل الابيات التالية للشاعر حبيب شكرا له وتقدير لموقفه

من حقوق الشعر ياحبيب .. على الشاعر حبيّبالوقوف بوجه لـص الشعـر .. ويضـاح الحقيقـه

مثل ماسويت ياطيب .. سمعت وقلت ..طيـبمـانـي حبـيـب اذا مابوقفـتـي نـشـفـت ريـقــه

لاتغـيـب ضـامـره لايـحـسـب الـحــق متـغـيّـبخـل ليـن يخلـص واعلنهـا علـى روس الخليقـه

والله ليبطـي وهـو مـن طـاري الشعـر متهيّـبعقب قلت الكلمه اللي منك تحسب عن وثيقـه

تقـل مستـاون لخـده .. مـن بعيـد ومـن قريّـبفـي يمينـك .. وانـت مانشتـه بيمنـاك الطليـقـه

يقـطـع الله كــل رجــل ٍ مايتـعـايـب مايـعـيّـبمايتعايـب مايعيـب الرجـل حتـى مــن شقيـقـه

موقفـك يالشاعـر اللـي عمـر بيـتـك مايشـيّـبدايم وبيتـك شبـاب الـروح .. وافكـارك عميقـه

لـو نبـا ننشـي نظـام .. ومحكمـه ضـد التسيّـبتظمـن حمايـة قصايـدنـا الجـديـده .. والعتيـقـه

لـمـكـانـة شـاعـريـتـك العـظـيـمـه يـاحـبـيّــبصرت فيها مـن قضـاة الحـق وانصـار الحقيقـه

وصلت الابيات لحبيب العازمي واليكم رده..

الله اكبـر كـل مايذهـب خـيـال الفـكـر وأيّــبدق هاجـوس القريحـه واستلمنـي فـي دقيـقـه

اتطيـب مـن شـذى ورد القوافـي .. ويتطـيّـبقــاف شـعـر ٍ لاهـزيـل ولابـخـيـل ولاسـريـقـه

مثل قاف الشاعر اللي ماستشفـه مـن كتيّـبمـــن تـراثــه مـاتـأثـر بالـحـداثـه والمسـيـقـه

لافـي اللـي مايخيـب الـظـن فـيـه.. ولايخـيّـبمـن لفـاه ومـن صـاه ومـن نخـاه بكـل ضيقـه

وان شكرني قلت يابـن حمـود ياريـف الركيّـبوش مجال الشكر في فزعة رفيق ٍ مع رفيقه

وان كشفت الشك والا الريب في وجه المريّبليـه اخلـي لـه مجـال يشجـعـه بـكـره رفيـقـه

والمزيف ينكشف مهمـا انستـر والحـض كيّـبوالـلـئـم ليـاتـمـرد يـكـرهـه حـتــى صـديـقــه

واختـلاف الوقـت وارد والثـعـل وابـنـه تـذيّـبوالعـرب ماتكـره الا الذيـب والمـرقـب يويـقـه

واحمـد الله كـل مايذهـب خيـال الفكـر وأيّـبجـاب لـي علـم ٍ موكـد واستلمتـه فـي دقيقـه

كلمـة سـلام.. وصبـاح الخيـر كثرهـاترى لهـا وقعهـا فـي نفـس مجنونـك

ودي تروووح وتجـي .. حتـى تكررهـاماامل منهـا ولامـن مشاهـد اعيونـك

عيونـك اللـي قلـوب النـاس تأسرهـامـن شافهـا تفتنـه ويصـيـر مفتـونـك

موتي وانـا حـي يستوطـن محاجرهـامابيـنـي وبيـنـه الا غمـضـة جـفـونـك

جابتك لي صدفة ٍ مدري وش آخرهـاوانـا تركـت الجميـع وقلـت ممنونـك

سلمـتـك الـــروح تنـهـاهـا وتـامـرهـاياللي أخوانك علـى زينـك يحسدونـك

لك صورة ٍ برهنـت عظمـة مصورهـاعجـزت اوصفـك واتخيلـك وشلـونـك

لـــك هـيـبـة ٍ ماتخلـيـنـي انـاظـرهـاارفع لك الشوف مير يطيح من دونك

ابطيت وانـا المشاعـر عنـك ساترهـاوانتـه تبختـر وتاخذنـي عـلـى هـونـك

واليوم جتك المشاعر هـي وشاعرهـامتقاسمين الوجل .. وشلون يرضونك

كلي امـل ماتجـي مكسـور خاطرهـاوانـا اوعـدك ماتخونـك فيـه اضنونـك

والا اعتذر وارفض الاشـواق وانكرهـاوارتـح .. وخلـه يـزود هبـال مجنونـك

وهذه أحدى روائع الشاعر الفذ لافي الغيداني

العيـن عـن حـلـو الـكـرى موقـهـا تــابمـاتـذوق حـلــو الـنــوم مـــع ذايقـيـنـه

اسبـاب لانـه مـاش شــي ٍ بــلا أسـبـابهـكـا الـغــزال الـلــي ذبـحـنـي بـزيـنـه

مـــر يتـخـطـا .. ويتلـفـلـف بـالاســلابوطـيّـر عــن القـلـب المـشـقـا يقـيـنـه

من نظرتـه وقـع علـى القلـب مضـراباشـــد وقـــع مـــن الـرمــاح السنـيـنـه

يسرق نظر عينه حـذر .. مـدري عجـابوانـــا مــنــه قـلـبــي تـقـطــع وتـيـنــه

عــرّض ومــن تعريضـتـه خـافـقـي ذابوقـمـت اتبـعـه مـغـيـر عـيـنـي بعـيـنـه

واقفى عجـل مـن نظرتـي فيـه مرتـابويـحـط ضــول الـنــاس بـيـنـي وبـيـنـه

وصديـت عنـه وخاطـري منـه مـاطـابكنـي مـانـي يـمـه .. وانــا اقــول ويـنـه

اخـاف يفطـن لـي .. وننشـب بالانشـابالــســوق زحــمــه .. ولاوادم ذهـيــنــه

واخذت عنه شوي مقفـي .. والاعصـابمــتــوتــره .. مــافــكــرت بـتـهـويـنــه

ولـديــت .. ولـيـنـه يـسـعـر يـالاطـيـابعـنـد الـهـنـود الـلــي لغـتـهـم رطـيـنـه

وارسلـت يـمـه نـظـرة احـبـاب لحـبـابالنـظـره الـلـي ماتـركـت لـــي غبـيـنـه

وأقـبـل يـبــا يحـطـنـي عـنــه مـجـنـابوشكيـت فـي ممـشـاه .. عـلـى هويـنـه

ناظـرت فيـه .. وضحـك الـنـاب للـنـابومـن ضحكـتـه حـلـت عـلـي السكيـنـه

وموه على اهل السوق .. واشر بالاهداباشــــارة ٍ تـبـغــى قــلــوب ٍ فـطـيـنــه

منهـا عرفـت انـه يـبـا يـعـود لــو غــابوان الامــر مـاعــاد هـــو فـــي يـديـنـه

وعقب غلاق اسبـوع .. مـر ومعـه جـابصـغــيّــر ٍ مـتــجــود ٍ فـــــي يـمـيـنــه

صـغـيّــر ٍ بـالـزيــن لـلـعـقــل نــهـــابيـقـول اخــوي .. ومـقـصـده فاهمـيـنـه

قصـده .. يقـول انكـان عنـدك أستيعـابعـلـى مــن هـــذا ؟؟ مـلامــح وعـيـنـه

واخــذت انــا ويــاه .. مــزح وتـعـجـابعقـلـه رزيــن .. وكــل كـلـمـه رزيـنــه

فــي مـوقـع ٍ عـنـه المخـالـيـق غـيــابالا مــلائــكــة الــعــمــل حـاضـريــنــه

بـيـنـي وبـيـنـه مـاوقــف غــيــر الادابآداب ســـلــــم ٍ كــلــنـــا وارثــيـــنـــه

منـه حـتـرام شـعـور عربـيـن الانـسـابومنـه حتـرام الـرجـل نفـسـه .. وديـنـه

وبغـى الوكـاد .. وقلـت هايـم ومنصـابحــبــك .. ذبـحـنــي لـعـنـبـو والـديـنــه

قـال استميحـك عـذر .. واقــول لـعـابوش هـالـغـرام الـلــي غـدابــك بحـيـنـه

وحلفت لـه .. واقسمـت فـي رب الاربابمنـقـذ مــن الطـوفـان راع السفـيـنـه

انــي مـعــك صـــادق ولانـــي بـكــذابوالــكـــاذب الله لايــطـــول سـنـيــنــه

قال انت صادق .. ميـر سابقـك خطـابواهـلـي فــي تــال الـشـهـر موعـديـنـه

كــم لــه وهــو مـغـيـر ذهـــاب إيـــابلاهـــــم بـراضـيـنــه .. ولا رافـضـيـنــه

وان كانـهـا تـمـت عـلـى يـديـن كـتــابوتـــم الــقــران .. وروحــــو كاتـبـيـنـه

انـا تـراي ابــي اعتـبـرك مــن الاقــرابوعـلـى النـقـا .. تـبـقـا صلـتـنـا متـيـنـه

وودع وصــارت كلمـتـه تـقـل مشـهـاباركـت علـى كـبـدي (عـراقـي مزيـنـه )

وبقيـت فـي وضـع ٍ تحيـر ابـه الاطـبـابايـسـت مـنـه وحـالــة الـيــاس شـيـنـه

واخـذت وقـت احسـب ايـامـه حـسـابوقلـبـي عـلـى شـوفــه تـزايــد حنـيـنـه

احيان .. اقول انشد عنه بعض الاصحابويـجـيـك بالـعـلـم الـمـوكـد ( جـهـيـنـه)

واحيان اقول اصبـر علـى جـور الاتعـابورزق الفتـى وأجلـه كتـب فــي جبيـنـه

وسكـت .. مـاودي علـيـه افـتـح ابــوابللهرج مـــن نـــاس ٍ مـاهــم راحمـيـنـه

وصبـرت .. ميـر الصبـر طــول ولاثــابومــن طــال صـبـره يالله انــك تعـيـنـه

ويوم ان راسي من طويل الصبـر شـابقــررت عـنـه انـشـد حـــدا مجـاوريـنـه

ونشـدت عـنـه وقــال راحـوبـه أجـنـابومـن قريتـه شــدّ .. وسـكـن بالمديـنـه

قلـت ايـه .. مـادام اهلـه عنـدنـا يـجـابامــــا بـعـيــد الـفـطــر .. والا حـتـيـنـه

قـال اهلـه معـه رحلـو .. قلـت يـاشـابيـعــنــي لازايـــركـــم .. ولازايــريــنــه

قـال ايـه .. ميـر انسـه والايــام هــرابتـطــول .. وتـنـسـي ضـنـيـن ٍ ضـنـيـنـه

قبلـي .. وقبلـك خلـت اصحابنـا حــزابوكـم فرقـت بـيـن الخـديـن .. وخديـنـه

ماعـاد فـي شوفـه طـلايـب .. وطــلابتــــرى مــاعـــاد الا يـــــدرج جـنـيـنــه

وش تطلـبـه .. وحبـالـه بـكـف قـضـاباحـذر .. لاينـصـب لــك زمـانـك كميـنـه

قلـت الـرجـال مفتـلـة روس الاشـنـابلقـسـى الـظـروف حسابـهـم حاسبيـنـه

وقفيت من عنده علـى الغلـب .. غـلاباكــن غـيـض القـلـب .. واجـحـد ونيـنـه

واعلنت ياسي .. وانطوت صفحـة كتـابمـــــن الـبــدايــه لـلـنـهـايـه حـزيــنــه

واقــــول يالله لاتــبـــارك بـالاســبــابالـلــي رمـتـنـي بـيــن حـبــه .. وبـيـنـه

لافي بن حمود الغيداني الحربي

ما شاء الله عليك ابوعزام

مشكوووووووووور

احسنت وابدعت بتوثيق هذه الروائع

لاعدمت تألقك

شاكر مرورك ابو راكان

وثنائك وتشجيعك وسام ولا شك

الفشكر والف تحية

بارك الله فيك أبو راكان


قصائد رائعة من شاعر غني عن التعريف



بيض الله وجهك

سلمت يمينك ياعبدالله بن غنام

وصح لسان الشاعر لافي

لافي بن حمود الغيداني (ابو حنان)
شاعر حرب الكبير
يستحق ان يوضع له ديوان في مجالس ربعه عيال راشد
هو رجل المواقف الكبيره ومن مفاخر القبيله في المحافل العظيمه على
طول الوطن وعرضه
شاعر بارع ورجل عاقل ويحمل كل صفات الطيب والرجوله
صح لسانه وعلا شانه
...
ابو عزام
جهد تشكر عليه بيض الله وجهك
________________

ناصر بن راكب ، محمد بن عبيد الله ، خلف الفريد

الف شكر على مروركم وردودكم الطيبة

وبيض الله وجيهكم

ولا هنتم

بسم الله الرحمن الرحيم
السلام عليكم ورحمة الله وبركاته
يعيطك العافية ابو عزاام
صح لسانك وصح لسان الشعار



اخوكم /طلال بن نواف بن حماد

مشكوووووور والله يعطيك الف عافيه

يعطيك العافيه
ومشكور على النقل