قصيدة موقف .... ومعنى ....

من خلال تجوالي بين المنتديات المختلفه
وجدت هذه القصيده الغنيه بالمعنى والحديثه بالرؤى
وهي للشاعر /
فواز بن صحن ال علي الشمري

هبيت يا حظ الردى وش تبـي بـي = وأنا من كبار البخـوت السناعيـس
أعـوذ بالله مـن ردات النصيـبـي = ومن وقعت ن تفرح بها شلة ابليـس
بقيت أنا والشعـر خـلّ وصحيبـي = يفزع ليا كثـرت علـي الهواجيـس
يا عيال خوذوا لي كلام ن مصيبـي = لأهل العلـوم الخايبـات اللواليـس
دُبّ الدهر ولْـد العفـن مـا يطيبـي = لو طاب ذيل الكلب يبقى ولد هيـس
واللي يجربهـم يشـوف العجيبـي = يلقى رجال مـن المراجـل مفاليـس
درسـت بسكاكـا ولا لـي قريبـي = ألا إله الكـون عـدل المقايـيـس
لقينـا وشفنـا مـا يهيـل اللبيبـي = وبانت علوم اهل الردى والدنافيـس
الهقوة الشينـة بهـم مـا تخيبـي = الله يخزيهـم وجـيـه الابالـيـس
وأخص به ناس ن بهم كـل عيبـي = أهل النفاق وهرجهـا فيـه تدليـس
زيـلان لا تـودي ولا هـي تجيبـي = وصاحيهم اللي فيه مس ن و(تنفيس)
والله لو يفحصهـم أحسـن طبيبـي = يقـول ماعنـدي دوا لعلـة الهيـس
المنبـت الطيـب نتاجـه يطيـبـي = والمنبت الخايس يجي ناتجه خيـس
هذا وانا من( صلب ضيغم) عريبـي = كم واحدن (محتال) باقدامنـا ديـس
وانا احمد الله فارج ن كـل صعيبـي = اللي فرجها لي بـلا عـدن وقيـس
قلتـه والله لـي ضميـن وحسيبـي = يعلـم بحـال الادمـي دون تلبيـس

فهد الهديب

شكرا لك على هذا الاختيار

الله يعطيك العافية

فهد بن هديب


صح لسان الشاعر // فواز الشمري

وقصيدة جزله تحمل الكثير من الحكم والنصائح

ومايجيب الجزل إلا مثلك وشرواك

إبن جدعاء ـــــــــ ( شكراً على مرورك اللطيف )

ناصر بن راكب ـــــ( مشرفنا الغالي عطرت هذه الصفحه بمرورك )

ابن العم صح لسان القائل وسلمت أنامل الناقل ...دمت بخير

جزله وجابها راعي الجزلات

سلمت يمينك يافهد بن هديب


وصح لسان الشاعر فواز الشمري

مشعل الفريدي ـــــــــ لا عدمناك يا الغالي

ذيبان ـــــ أبو راكان ـــ كلماتك تدخل القلب دون استئذان ـــ لا هنت

إبن ردمان ـــ غالي ...... وردودك أغلى وأجمل

ابو مشاري
لاعدمت هذا التواجد الناضج وهذا الجهد الكبير
اختيار جزل لهذه المقطوعه الراقيه
لكن لي تساؤل لاهنت :
يقول الشاعر.... درست بسكاكا
لايكون مابعد هذا البيت سباب وقذف لأهلها ؟؟؟
ارجو التحقق والتأكد
واعذرني على فهمي وعساه خطأ !!!
لك حبي ومودتي.........

صح لسان


الشـــاعر ومشكور

على


النقــــــل