هذه من الحوليات الغزليه التي لا اكتبها الا في الشتاء
الشعر من شانه استسقيته الليله=تشابكت في خيالي مزنه وسحبه
احيان من ضيقي استسقيه واخيله=واحيان لاجيت ابشرح حاجه اشرحبه
وكان الكتابه عن العشق وتهاويله=ودروبه الضيقه وفجوجه الرحبه
والحب واجواءه اللي مابها حيله=وشعوره اللي بصدري ماقضى نحبه
والشوق وجنونه وباقي غرابيله=والوصل والقرب والغيره من الصحبه
وعتاب الاحباب من ليله ليا ليله=وعذر المحب لحبيبه لا تسلح به
والموقف الشيق بكامل تفاصيله=لا رحت تفرح بتحليله وتسرح به
والشارع اللي وحيف الريح يحكيله=لا هب سر الهوى كنه يصرحبه
يلعب باالاشجار يامرها وتثنيله=والنافذه من وراها عنه منسحبه
والبرد والليل مضوية قناديله=والذكريات الحزينه يوم تصدح به
لابد ماتبدع الكلمه وترويله=احساس متوقف بقلبي ويجمح به
لاحل فصل الشتاء يبدى بتفعيله=باالعاطفه واتمسى واتصبح به
ياجر قلبي عليه وياغرابيله=الموعد اللي جمعني فيه روح به
روح ولا باقي الا اتلى مراسيله=اعرض حروفها قلبي تجرح به
روح وان كل احاسيسي تناديله=معها وفايه ليا ناظر تلوح به
ظروفي المقفيه تمنعني اجيله=وظروفه المقفيه عيت لا تسَمح به
ياناشد(ن) عني تسرك علومي=انا بفضل الله بخير من الله
مقصر ومذنب واصلي واصومي=وازل واستغفر على كل زله
وان مت ماني ميت(ن)قبل يومي=وان عشت ماني عايش العمركله
عبدالعزيز بن راشد بن سدحان
التعديل الأخير تم بواسطة عبدالله بن غنام ; 28-04-08 الساعة 03:16 PM
سبب آخر: على طلب صاحب الموضوع
والشارع اللي وحيف الريح يحكيلـه
لا هب سر الهـوى كنـه يصرحبـه
يلعب باالاشجـار يامرهـا وتثنيلـه
والنافذه من وراها عنـه منسحبـه
عبد العزيز
الاشكاليه لدي هي اذا ماكانت هذه الرائعه محبوسة منذ الشتاء !!!
الم يكن من الانصاف ان لا يمسها هجير الصيف !!!
نثرت هنا ابداعاً لايليق الا بقامة كقامة ابن سدحان
اشكرك على هذا الرقيّ الشعري الادبي !!
وتقبل حبي واعجابي
اخواني مقبل بن بمران
عبدالله الغنام
خلف الفريد
ناصربن راكب
انتم قبل كل شي تستحقون التكريم
وانا اعرف مدى الجهد الذي تقومون به
في سبيل ظهور هذاء المنتدى بهذا الشكل
لكم كل الشكروالتقدير
ودمتم غانمين
ياناشد(ن) عني تسرك علومي=انا بفضل الله بخير من الله
مقصر ومذنب واصلي واصومي=وازل واستغفر على كل زله
وان مت ماني ميت(ن)قبل يومي=وان عشت ماني عايش العمركله
استسقيت الشعر 
العرض العادي
