هذه مشاركتي في حفل ابن حماد

هذي قصيدتي في حفل ابن حماد انا ادري انها جات متأخره لكن صدقوني ان الجهاز كان عطلان الفتره الماضيه

ياهاجسي هات البيوت الجزيله=انخى الحروف وخلها تنخى الاقلام
لو ماتجمل بي مع الربع ليله=وش حاجتي بك عاد في باق الايام
انته لتوصيل المشاعر وسيله=ودورالشعر ماخوذ من دورالاعلام
وانا ان كتبته ماكتبت الهزيله=احكم بيوت الشعر واوزانه احكام
وان جبت بيت يجيك مافيه ميله=اندب بنات الفكر ويجن خدام
واليوم مابار العميل بعميله=قمت اتخير فيه من وحي اللهام
الاوله يااهل الشيم والفضيله=يامرحبا ترحيب وافين وكرام
يامرحبا بشيوخ حرب الاصيله=اللي على الطولات والعز قيام
ترحيب باسم الشيخ هادي نشيله=يبقى مع الايام ويدوم مادام
ترحيب وافي عد وبل المخيله=واعداد طواف(ن) بمكه وقيام
وماداعب الريح الغصون الظليله=وماحام باالجنحان باالجو حوام
في ليلة عن الف ليله وليله=تجمعو فيها رياجيل(ن) حشام
لسم(ن) عزيز وكلنا ننتمي له=نعتز به ماضي وحاضر وقدام
حرب الحرابه حي ابو هاالقبيله=ماتنجب الا كل شهم(ن) ومقدام
واد(ن) على العدوان يضرب بسيله=والا الخوي والجار ماهو بمنظام
يوم الزمن مابين ميله وعيله=وارض الجزيره خوف وشعوبها اقسام
للحرب كلن يسرج عنان خيله=تشريد وشرور وعداوات وخصام
حنا نقف للخصم ماننحني له=وحنا على مانشتهي نرغم اقوام
وحناالجبال النايفات الطويله=وحنا الكرام ان عدو رجال وكرام
وافعالنا عند العرب مستحيله= جزلات وكبار وعظيمات وجسام
من ظمنها لو كان ماهي قليله=ماتنحصر بحروف وتعد باارقام
قصة نويشي يوم زبن دخيله=سته على شان الخوي راحو شمام
والسابع امست به يدينه عليله=انهى الملامه وانخزى كل لوام
وفعل البلالي راح واثر زميله=رده على امه وانجلت عنها الاوهام
رده على امه والبلالي بديله=لالطمت خد(ن) ولا شقت اكمام
لاصارت بجيله ولاقبل جيله=ولاهي بصايرة(ن) على مر الايام
ولا اقول ماللناس قوه وحيله=كلن على حقه شجيع(ن) ليا قام
واليوم بأمن(ن) ماندور بديله=الله رزق شبه الجزيره بحكام
مذللين الصعبه المستحيله=وامطبقين الشرع واحكام الاسلام
أل السعود اللي ولاهم نشيله=بصدورنا عن كل حاقد وسوام

والله وألف نعم بحرب وعيال حرب
قصيدة جزله أتحفتنا بها وصحيح إنك تأخرت علينا بقراءتها ولكن عذرك معك
فعلا قصيده فيها من الفخر والأعتزاز الشىء الكثير والذى نفخر به جميعا
والحمدلله عاداتنا ترفع الراس والشىء بالشىء يذكر
فيه واحد دوسرى يقولى شخصيا أنتم ياحرب حظيظين القبايل سوالفهم واجد لكن قصت نويشى
ماحد سبقكم عليها قلت ودخيل البلالى ماسمعت فيه قال لا قلت هذى أدهى بعد
تدرون وش قال
قال ياحظ جاركم وياحظ خويكم قلت ودخلينا قال مايحتاج أقول انتم حظظا قلت الحمدلله فعلنا يرفع روسنا
عموما أشكرك على هذه القصيده الرائعه
تقبل تحياتي
تحياتي للجميع

عبد العزيز بن سدحان

الشاعر والأخ العزيز صح لسانك وإعتلا شأنك

وماحضورك هنا بهذه الجزاله إلا دليل على الحميا والشهامه

حضورك مشرف دائماً

أشكرك على كل هذا الشعر والشعور

ودمت بخير

مليون صح لسانك ,,,
تسلم من الحر والشر يا ابن سدحان

ابو راشد
قصيدة جمعت كل معاني الحب والوفاء والشهامه والنخوه
لقد كنت حاضراً وانت تصدح بها في تلك الليله المشهوده فأبتهجت
ومع هذا وانا للتو فرغت من قراءتها اشعر انني اراها لاول مره !!!
لان الجزاله والقوه هي اركان هذه الرائعه
اشكرك من الاعماق
لاهنت

قصـة نويشـي يـوم زبـن دخيلـه
سته على شان الخوي راحـو شمـام
والسابع امسـت بـه يدينـه عليلـه
انهى الملامـه وانخـزى كـل لـوام
وفعـل البلالـي راح واثـر زميلـه
رده على امه وانجلت عنها الاوهـام
رده علـى امـه والبلالـي بديـلـه
لالطمت خـد(ن) ولا شقـت اكمـام
لاصـارت بجيلـه ولاقبـل جيـلـه
ولاهي بصايرة(ن) على مـر الايـام
ابن سدحان بيض الله وجهك وصح اللسانك والله قصيدة جميله جداجدا مهما أعدت قاءتها لن تملها الله يدرك يا شيخ

قصيده جزله من رجالن جزل بيض الله وجهك

المشاركة الأصلية كتبت بواسطة مقبل بن نمران

عبد العزيز بن سدحان

الشاعر والأخ العزيز صح لسانك وإعتلا شأنك

وماحضورك هنا بهذه الجزاله إلا دليل على الحميا والشهامه

حضورك مشرف دائماً

أشكرك على كل هذا الشعر والشعور

ودمت بخير

صح لسانك مليون ابو عاصم

وبيض الله وجهك

دائماً حضورك طاغي ومشرف

صح السانك ابوراشـــــــــــد

قصيده جزله من شاعر متمكن وشعر اقدر أسميه


الشعر الأصيل و السهل الممتنع لله درك

نظمت فابدعت ومدح فصدقت حرب حربت الدول

تسلم وصح السانك

اعزائي ابنا العم اشكر كل من عطر هذه الصفحه بمروره
وانا فعلا فخور بكم وبهذا المجلس اللي ينومس ويرفع الراس