المال .. يابن حنيف ملعون .. ابو المـال .. ( خلف المشعان )

بسم الله الرحمن الرحيم

السلام عليكم ورحمة الله وبركاته


قصيدة رائعه لـ الشاعر / خلف المشعان .. أتمنى أ، تحوز على رضاكم

إن كنت تنشد يالمسيكـي .. عـن الحـال=مالي علـى .. كتمانهـا عنـك .. حيلـه
الصبر عـن بـوح الاحاسيـس .. قتـال=والبوح فـي بعـض المواقـف ، فشيلـه
لـو كـل مايطـري علـى البـال ينقـال=ماكـان شفـت ان الثقيلـه .... ثقيـلـه
ابطيـت اكافـح ضيقـة البـال بالـبـال=وادفع بـلا .. هاجوسهـا كـل .. ليلـه
ليـن اقبلـت مثـل .. السحابـه بهمـال=تشفـي غليـل اللـي .. تزايـد غليلـه
طاحت ، ولاْوفـق مـن حنايـاك منـزال=وابطلبـك .. يابـدر ( تكمـى ) المخيلـه
ان قيل ترعد .. قلهـم : صـوت زلـزال=وان قيل تبرق .. شف لهـا ادنـاة حيلـه
مابـي .. تناقلهـا هـل القيـل والقـال=وتصير مـن بعـد القصيـره .. طويلـه
يابدر .. ماني عال .. لـو صحتـي عـال=شفنـي مـن الصدمـات نفسـي عليلـه
اشيـل حمـلٍ .. لـو يشيلنـه .. جبـال=الله ، وامانـه .. غيـر تصبـح نثيـلـه
أرمي .. من هموم الزمن .. واسحب أدبال=وانزل عن ( الجوكـر ) وغيـري يشيلـه
من كثر ماشفت بحياتي من انـذال ....!!=بديـت اشـك ان النذالـه ... فضيـلـه
ماطاح من عيني رجل ..!! طاحوا .. رجال=ورجال ( يابـن حنيـف ) ماهـي قليلـه
اقرب من اللي قالهم ضمـن ماقـال ..=راكان بـن حثليـن .. راعـي الجزيلـه
( هذا .. ولد عمٍ ، وهـذا .. ولـد خـال=وهـذا .. رفيـقٍ مالقينـا .. بديـلـه )
سبحان منهـو يابـدر غيّـر الحـال ..!!=وحـط الجفـا بيـن الخليـل .. وخليلـه
هذا الزمـن يبغالـه .. لسـان دلاّل .. !=من يستحـي هالوقـت .. واعزتـي لـه
وقتٍ به ( الراعي ) غدى .. راعـي دلال=كلٍ على طاريـه .. ينفـض شليلـه ..!!
ومن كان ساسه للردى مضـرب امثـال=اليوم .. يحسب مـن كبـار القبيلـه ..!!
المال .. يابن حنيف ملعون .. ابو المـال=ذل العزيز .. وعز .. نـاسٍ ذليلـه .. !!

وسلامتكم

يابدر .. ماني عال .. لـو صحتـي عـال
شفنـي مـن الصدمـات نفسـي عليلـه

متعب النومان

مشكور على نقل الجزل بيض الله وجهك وصح لسان الشاعر

ووجهك ابيض



شاكر لتواجدك ...

ومن كان ساسه للـردى مضـرب امثـال
اليوم .. يحسب مـن كبـار القبيلـه ..!!
الله يعطيك العافيه يا متعب بن نومان قصيده جميله جدا لشاعر جميل

ومن كان ساسه للـردى مضـرب امثـال=اليوم .. يحسب مـن كبـار القبيلـه ..!!
المال .. يابن حنيف ملعون .. ابو المـال=ذل العزيز .. وعز .. نـاسٍ ذليلـه .. !!

صح لسان الشاعر : خلف مشعان ...
لاهنت اخي متعب تتعب على جزل القصيد ...
قصيدة رائعة جدا
لك وافر المحبة على هذا الاختيار
وصح احساسك

الله يعافيك الهاوي

شاكر لـ تواجدكـ الأجمل

لاندمت ابو محمد


شاكر لثنائكـ ووالله وسام



حياك البارئ

متعب بن نومان


صح لسان الشاعر خلف بن مشعان

ولاهنت على هذا الإختيار الرائع


قصيدة تحكي لنا عن واقع الكثير من الناس في هذا الزمان وكيفتغيرت حالة الناس

(( نعيب زماننا والعيب فينا ** وما لزماننا عيب سوانا))

من كثر ماشفت بحياتي من انـذال ....!!
بديـت اشـك ان النذالـه ... فضيـلـه

سلمت وخلف شاعر جزل

سلمت

لاندمت ناصر

صح بدنك ولاهان الشاعر


حياك وشاكر لتواجدك