متى يجود الزمان . .

.

متى يجود الزمان اللي عليه الرهان=في شوفة اللي معذبني هدب عينها
عقب السنين العجاف وقبل هاك الزمان=يجودلي لحظةٍ بمصافح إيدينها
راحت عليه وأنا في قمة العنفوان=قبل الثلاثين تفتح لي ميادينها
وهالحين بالأربعين ويالله المستعان=مازالت الذاكره تحمل عناوينها
قمة صراع التناقض بين إنا وكان=وليت ولعل وعسى خفت موازينها
لاهالزمان الزمان ولا المكان المكان=و الناس لاني إمبريها و لا أدينها
ولوكنت أبطلق لمسجون الكلام العنان=ان كان بينت ماخفيت في حينها
وأعلنت ماخفيت للعالم عيانٍ بيان=وأقول ياناس عذبني هدب عينها

وسلامتكم

أبو فيصل

صح الله لسانك وإعتلا شأنك

قصيده رائعه تتسم بالتساؤل . . المعاناه . . الشوق

أتت حروفها هنا بكل سلاسه فائقه

نشكرك عليها ودام إبداعك

مع صادق الود

ابو فيصل
صح لسانك
قصيدة غاية في الجمال
وهذا ليس غريب على شاعر جزل مثلك
تساؤلات واجابات بين السطور..
كل ذلك باسلوب راقي جميل ...
نتمنى ان تتحفنا بجديدك فمثلك نشتاق لجديده
كل الشكر والتقدير لك على هذه الاضافه ..
وتقبل اجمل تحية واعجاب لشخصك الكريم

صح لسانك يابو فيصل

ابو فيصل
هداك الله لاتفتح الابواب المسكره !!
قال بالاربعين قال !! وش جاب طاري الاعمار هداك الله هههههههههههههههههه
القلوب الخضراء عادة لاتعرف فصل الخريف !!
واسألوا مجرب ::::::::::::::::::::
صحيّت جمره ياغازي ، واختلط العسل والسكر والملح وكل اغراض العزبه ههههههههه
اشكرك على هذه الكهلة الوردية !!!!!!!
وصح لسانك مليون ياشاعر الحب العفيف
لاهنت لاهنت

الله عليك يابوفيصل
متى يجود الزمان اللى عليه الرهان
جدت جروووووووووحٍ قديمه
راحت عليًه وانا فى قمت العنفوان
الله يعوظك خيرا
قلت وكفيت و وفيت لكن لاتبخل علينا ترانا بحاجة الشعر الجزل دون قصور بالجميع
تحياتي للجميع

صح لسانك قصيده جميله

لله درك على هذه المقطوعه التي

تحمل مشاعر الحب الحقيقي

الحب العذري الصادق وين ذكرتنا

الله يسامحك لاونفس العمر كارثه

على العموم قصيده في غاية الجمال

والروعه يسرح بك التفكير معها غصب

تسلم على أطرأنا وننتظر الجديد

[ صح اللسانك يابافيصل
على هذه المقطوعة الأدبية الرائعة ولس غريبا على مثلك الإبداع
ونرجو من ابو فيصل أن لا يبخل علينا بقديمه وجديده قبل الثلاثين وبعد الاربعين

المشاركة الأصلية كتبت بواسطة مقبل بن نمران

أبو فيصل

صح الله لسانك وإعتلا شأنك

قصيده رائعه تتسم بالتساؤل . . المعاناه . . الشوق

أتت حروفها هنا بكل سلاسه فائقه

نشكرك عليها ودام إبداعك

مع صادق الود

شكرا على هذا الأطراء وشهادتك أعتز فيها
لك تحياتي