عيال جازي يرحم الله جازي ....... للشاعر : سعود السالمي

	هذه القصيدة مهداه للشيخ : نواف الوسوس بمناسبة زواجه من كريمة هابس بن ذاعر بن شطينه من الشاعر سعود بن حمود بن جبر الحربي سلام حيث ان السلام اتحيه=سنه وفي سلم العرب ممشيه على عموم الحاضرين اهديها=لكنها للي دعوا مثنيه عيال جازي يرحم الله جازي=اللي علومه كلها منقيه راعى الكرم والجود شايع صيته=مايختفي قصرٍ يضلل فيه كلٍ يجيله من بعيد ادياره=ياحي ذاك الملتقى ياحيه وكلٍ يعرف اسمه ولو ماشافه=اسمه شهر والوسوس الماريه الله يسقي بالسحايب قبره=سحايبٍ طول السنه مقفيه غادر وهو بقلوبنا ماغادر=لازال ناره في مكانه حيه يدوم ذكره في وجود عياله=مافيهم اللي ما تلبّس زيه بالعرف والحكمه وحسن المنطق=والطيب والخوه وصدق النيه مبروك ثم مبروك يبو نادر=مبروك في ليلٍ تكاشف ضيه ياللي نقيت الخيل من مربطها=بنت الصويتي من رباط عبيه ناسبت ربعٍ عاليٍ منسبهم=على العزاز بيوتهم مبنيه ابن شطينه هابس ابو درزي=انشهد انه رجل يسوى ميه ياقل مثله بالزمان الحاضر=يمناه في بذل العطايا اسخيه وان جاه كفوا وطامعٍ في قربه=يقول في شيمة عرب مهديه هذي حقايق واضحه شاهدها=في نضرة عيوني وسمع اذنيه احمل تحياتي واحر اشواقي =وسلام ربعي محتمين الهيه الله يبارك فيك يبو نادر=ويصلح لك الاحوال والذريه

صح لسان الشاعر والله يرحم الشيخ جازي ويسكنة الجنة


مشكور ابو محمد على الموضوع و الجهود الحثيثة.

فارس الحرف
مشكور ودمت بخير وعافيه يبو محمد
لاهنت على الاطلالة الكريمة والحضور الزاكي

صح لسان الشاعر// سعود السالمي


والله يرحم الشيخ جازي ويسكنة الجنة

وبالتوفيق للشيخ نواف في زواجه

ويعطيك العافيه أبو محمد على هذه الجهود

صـــح لسان الشاعر سعود السالمي
.
على هذه القصيدة الجزله
.
.
ويستاهلون أعيال جازي كل خير
«®°·.¸.•°°·.¸¸.•°°·.¸.•°®» وألف مبروك لبو نادر «®°·.¸.•°°·.¸¸.•°°·.¸.•°®»
.
-- وعســـى افــــراحـــهم دايـــــمه --
.
.
والله يرحم الشيخ جازي رحمة واسعه
.
.
.§¤°~®~°¤§ سلمت يمينك ابو محمد §¤°~®~°¤§

صح لسان


الشـــاعر ومشكور

على


النقــــــل

ناصر بن راكب

عبدالعزيز العبلان

قرناس

شكرا لمروركم وتشريفكم ولا عليكم زود

وكلٍ يعرف اسمه ولو ماشافـه= اسمه شهر والوسوس الماريـه
الله يسقـي بالسحايـب قبـره= سحايبٍ طـول السنـه مقفيـه
غادر وهـو بقلوبنـا ماغـادر= لازال ناره فـي مكانـه حيـه
يدوم ذكره في وجـود عيالـه= مافيهم اللي مـا تلبّـس زيـه

يستاهلون عيال جازي المدح

وصح لسان الشاعر

الله يرحم الشيخ / جازي بن هجاج ويسكنه فسيح جناته وابو نواااف غني عن التعريف ويشهد له التاريخ بالكرم والنخوه والرجوله وعلم من اعلام القبيله وعسى الله يبقى اولاده ويمتعهم بالصحه والعافيه امين يارب العالمين
والتحيه للجميع