ياحمود عن بعض السوالف وقفنا ....... للشاعر شريف

الشاعر الكبير شريف بن راكب يسند للشاعر حمود العويني
وبدون مقدمة يقول شريف :-

ياحمود عن بعض السوالف وقفنا=والا المثل يصغي على كل طاروق
والله ماقول ولو يقال اختلفنا=ما احط بالرحبي على الحربي فلوق
مافيه مايوجب سوالف سلفنا=لانهد سور ولا لنا شي مسروق
اللي مضى لكنوزنا ماصرفنا=ولافيه مايوجب عزاوي هل النوق
ما بان رسمٍ لومسميه يفنا=يبقى مثل يطري على كل مخلوق
حنا الرجال اللي عزيزٍ شرفنا=وقفاتنا عدله ونظراتنا فوق
يفهم مدى تقديرنا من عرفنا=ويجهل مدى تاثيرنا ناقص الذوق
عن غيرنا يابعد مركز هدفنا=قمة جبل ماياصله طق ولحوق
عوج السوالف ما تلف بطرفنا=من يوم كنا ملها عندنا سوق
نسكت حيا بعذار ما الله كلفنا=متجاهلينٍ ردت الصاع مطبوق
ما همنا من ذمنا لو وصفنا=بتفه خبر من مصدرٍ غير موثوق
يصحي بنا النايم متى ما انحرفنا=يطير عن عينه كرى النوم ويفوق
لو بالسجلات القديمه كشفنا=نعد بالجاني ثمانين خازوق
نخشى متى ما للبناية نسفنا=نركب خطأ وندان من حرب بحقوق
ويصيبنا حتى العمى لو حذفنا=ويبقى ذرانا قدم الاجناب مفتوق
واليا حصل من لانبي بعد اسفنا=اسرار رحلات الفضاء وسط صندوق

كفو كفو كفو

الشاعر شريف متميز تائما

صح لسانه وسلمت ابو محمد على الجهود التي تخدم الاذواق الرائعة

صح لسان الشاعر
ولاعدمناك يامنصور على حسن الاختيار

نازف الحرف
اشكر لك اهتمامك واطلالتك الغالية
وما تواجدك في اغلب المشاركات
الا دليل اهتمام منك شكرا وبارك الله بجهودك

الهاوي
مشكور اخوي وصح بدنك
دمت لنا متواجدا

الله الله
هذا الجمال الشعري ، وقد اضيف اليه هذا السمو الاخلاقي !!!
هي عادة ابو محمد الترفع وتقدير الامور والنظر الى الاعلى !!!
صح لسانه وادام الله وجوده على الخير والطاعه والصحه
ابو محمد
الاختيار كما اقول دائماً يدل على صفات صاحبه !!!
وانت تختار لنا المعاني الاصيله شكلاً ومضموناً
اشكرك من الاعماق لاهنت
------