طلحه يعل السيل يسقي جنابه

من قصائد علي بن عبد الله الطهيمي

راكباً من فوق غال المثامين= اسم البريمي بالخليج انتسابه
مزودين امواصفاته بالتحسين=ماكنه الا كاسبينه كسابه
نبي نسير يم دار المسمين=دار الفريدي والاسامي تشابه
دارن حموها ملحقين المخلين=طلحه يعل السيل يسقي جنابه
وعلى عموم بلاد كل المسلمين=مزنن من المنشا يعزل ربابه
ياسامعينن كلمتي قولو امين=منا الدعا والله عليه الاجابه
هل الصخا والطيب ماهم خفيين=دارن لها التاريخ يشهد كتابه
يحمل بصفحاته فعول وبراهين=من لاقراه ينشد الي قرابه
الحق مايزعل ولا يرضي اثنين= والناس مرضاها حديث الصحابه

صح لسانك أبو عبدالله

وآ مين آمين الله يغيث بلاد المسلمين


ويستاهلون الطيب أهل طلحة

وصلتني برسالة جوال فكان هذا الرد من الشاعر / منيف الوسوس
ولايسعني الا ان اشكر الشاعرين واخص شاعر المجالس
علي الطهيمي الذي يتحفنا بكل جديد

هلا هلا يامرحبا فيك وهلين=عد الحروف وعد خط الكتابه
بالصاحب إللي غايبن فوق عامين=وحنا نتمنا شوفته واللقابه
غالي وله حشمه ومن ناس غالين=طيب وفوق الطيب وصل وقرابه
طلحه بمثله تفتخر دوم وتزين=علي الطهيمي ياهلا ومرحبابه
وساوسه نفخر بكل العريبين=اهل المكارم والشرف والمهابه
اللي لهم بالطيب فعل وعناوين=ورد الثنإ واجب وهاذا جوابه

اخوك منيف الوسوس

صح لسانك يابو عبدالله
يستاهلون اهل طلحة اهل طيب وعلومن غانمة
ما يمدح الرياجيل الا اطيبهم

وفاء بوفاء
صح لسان ابو عبد الله على هذه القصيده التي كلها حب ووفاء
وصح لسان ابو راكان ، كان رد الثناء على مستوى الممدوح
ويستاهلون خوالي اهل طلحه محبوبة ابو نواف رحمه الله
.........
عبد الله
اشكرك على هذا النقل الجميل لاهنت

مشكور عبدالله على النقل

وصح لسان الشاعر علي الطهيمي والوفاء طبعه ومن اهله.