بيني وبين العقيد الشاعر!!!

سعادة الاخ والصديق الوفي العقيد/ محمد علي الفريدي
مدير شرطة محافظة مهد الذهب من اكرم الرجال واكثرهم وفاء وحميه ، وكان لي شرف
زيارته قبل شهرين في بيته العامر بطيبة الطيبه اثر دعوة كريمة منه لي ، وكان من كبار
الحضور والدنا الشيخ زيد بن حماد حفظه الله وبعد عودتي للقصيم جاءتني هذه الرساله
منه وقد رفعت رأسي لسببين ، الاول انني اكتشفت ان ابا سلطان شاعر وهذا فخر بحد ذاته
والثاني -وليس بمستغرب-هذا الوفاء الكبير من سعادته لقبيلته ورجالها وحبه اللامتناهي
لهم ، وكل هذا جعلني افتخر بأن اضعها بين ايديكم لانني اشعر انها ملك لكم :
..........................

حييت يا بن العم شيمه ومقدار=يامرحبا يالقرم شيخ الرجالي
عظم العرب لاهنت يامكرم الجار=عند الشدايد عزوتي راس مالي
انته نسل عتاق ما تموت لك نار=كبير قدر وعندنا دوم غالي
ليا مالت الدنيا ودولابها دار=انته سنادي من يمين وشمالي
طبع الفريدي يحمي الضيف والجار=ومن الطناخه ما حسب للتوالي
ويا معاندٍ لعيال راشد لك العار=مالك حصيل الا العنا والضلالي
اليا اعتزوا افعالهم كنها اعصار=تهتز منها شامخات الجبالي
نمشي على الصعبات من يومنا صغار=ونموت دون العرض والراس عالي

ومن فرحتي وفخري كان هذا ردي
......

حي الكلام اللي كما الغيث مدرار=من شاعرٍ دايم صدوق المقالي
تسلم يابو سلطان يانسل الاخيار=يا تاج راسي يا بعد كل غالي
ياعزوتي والله لو يصير ما صار=اني يمينك لا تدور بدالي
انته مقر الطيب كان الردي بار=وانته كبير الجاه ياهملالي
وان ضاعت الافكارمن كثر الاشوار=انته صليب الراي عقل وكمالي
وان جاء نهار فيه وارد وصدار=انته توردها شموخ ومعالي
وانته ولد راشد اليا قيل يا ثار=تهتز من يمناك صم الجبالي
واسلم وتسلم يابعد كل خوار=اللي مع الشده ضعيف احتمالي

وسلامتكم

اذا كنت تفخر بهذه القصيدة والمساجلة فنحن
نفخر بوجودك معنا ابا عبدالعزيز
احسنت واحسن العقيد/ محمد علي الفريدي
فقد لازمتم الثناء على عيال الراشد الذين يرفع
روسهم وجود امثالكم من ابناء الفردة المخلصين
الذين ترتفع هامتهم دائما وابدا لمكارم الاخلاق
فشكرا لك ياعندليب المجالس
على هذه المشاركة الرائعة فعلا .
صح لسان الجميع منكم ودمت لنا فخرا وذخرا
لاهنت يالفريد

العزيز منصور الوسوس
اسمح لي ابا محمد ان اسميك( حصان الرهان) لهذه المجالس العامره
فأنت لاعدمتك سبّاق في كل مجال
في تواجدك
في حبك وصدقك
في تشجيعك
في وفائك وكرمك
في اخلاصك لهذه المجالس وما متابعتك اليوميه الا اكبر دليل
اشكرك من الاعماق على هذه الكلمات التي هي من اوسمتي الغاليه الخالده
لاهنت لاهنت

الفريد صح السان الشاعر والعقيد محمد الفريدي قصيده جزله وفيها من الحماس الشئ

الكثير ويشوش الها الراس بصراحه حماسيه شوي

اما ردك فهوا في غاية الجمال والروعه كعادتك شاعر متمكن

مهندس القافيه الف شكر على اثرا هذا القسم بجديد احييتنا الله يدوم عزك ويعطيك العافيه

ويتم عليك صحته وتبقى نبراس لهاذا المجلس الشامخ بك ومثلك من عيال راشد

ننتظر جديدك بفارغ الصبر

صح لسانك يبو عبدالعزيز
وصح لسان من جاراك على هذه القصيدة الجميلة دا
دائم تضيف البديع والشعر الجميل يالفريد
سلمت لنا دائما بالوجود

ابو عمر
صح بدنك وسلمت يمينك
اشكرك من الاعماق على هذه الكلمات الاخويه
وابشر بالخير سوف ترى مايسرك هنا
دمت لاخيك

ابو يزن
صح لسانك وعلا شانك
ومروك اكثر من رائع لانه جمال يضاف الى جمال
اشكرك واقدر لك وفاءك
لاهنت لاهنت
-------------

صح لسانك يابو عبدالعزيز وصح لسان ابو سلطان

حبيبي نواف الفريدي
صح بدنك يالغالي
مرورك عطر متصفحي وزاده نوراً
اشكرك جزيل الشكر
لاهنت لاهنت

انتظر المزيد يابوسلطان