المــــــــاس

سر ياقلم وأستاذن الفكر لآذنك=أكتب من اللي في صميمه جزايل
دام المعاني بالفكر محفظة بنك=من موجب التوثيق تلغى الوكايل
ياقاف نبدع باالبدع عقب نازنك=ونعرف عميق امثايلك والهزايل
ونعرف نوجه للهدف راس نشينك=ولا نوثق الكلمة بليا دلايل
قافك بقمة حبكته مايمكنك=إلا ثلاثٍ يشعلن الفتايل
اليا بدعت القاف من شي محزنك=أٌما رثا ولا هموم وهوايل
او صار صدرك من غثا الغيض شابنك=ووجست في وسط الظماير ملايل
والا طرب ماكنه إلا يجننك=وقامت بساتين المشاعر تمايل
ياهاجسي بين لنا من مكامنك=واختر لنا من هالثلاثه.. مثايل
لاصار مانت بعايش عيشتٍ ظنك=ولالك هوا بمناسفات الجدايل
بيِِّن لنا اللي معلن له تظامنك=ومايطرب إحساسك لياصار مايل
قال ..الفريدي لاقسا الوقت مزبنك=وهو محزمك إليا أجهدتك المشايل
أغنم رجالن بالمعزه تثمنك=أعيال راشد عاسفين الأصايل
وياماس لوقالت لك الناس مثمنك=ماصرت درع لمن غزته القبايل
ومالٍ عقب قارون من كان ضامنك=لا بد له من جور الأيام زايل

عبدالعزيز بن سعيد بن عبلان الفريدي

صح لسانك يا ابن عبلان

صح لسانك أخوي

وعلا شانك

مقطوعة رائعة ومتميزة

صـــــح بـــدنك أخـــوي ذيــــبان

صح بدنك أخوي عبدالله
ومشكور على مرورك الجميل

عبد العزيز العبلان

مقطوعه جميلة ودرة تحمل من مسماها الشيء الكثير

صح لسانك

ودامت شجونك في رقي وإعتلا

ودمت على الخير والمحبة

أبــــــــــــو يــــــاســـــر
صــح بـدنـــك
ومشكور على مرورك الجميل و على إطرائك الأجمل
وهاذي أول مشاركة لي كعضو في مجالس ربعي ويستاهلون أكثر
~*¤ô§ô¤*~دمـــت بخـــير يابــن نــمـران~*¤ô§ô¤*~

ابو سعيد صح السانك وعلى شانك
دره من الألماس كما عودتناء دائمأ مبدع

أبــــــــو ســـعــــــود
~*¤ô§ô¤*~صح بدنك~*¤ô§ô¤*~
ومشكور على مرورك

الشاعر عبدالعزيز العبلان
مصافحة اولى جميلة جدا
صح لسانك واعتلى شانك
ودمت لنا شاعرا متواجدا في مجالس ربعك
التي اشرقت بوجودك
تقبل اجمل تحية لشخصك الكريم