في حفل الشيخ / هادي بن حماد واخوانه

هذه القصيدة القيتها في حفل الشيخ /هادي بن محمد بن سلطان بن حماد رئيس مركز
النقره الذي اقامه هو واخوته تكريماً لمشائخ واعيان قبيلة حرب وذلك يوم الخميس
ليلة الجمعه الموافق 26/3/1429هـ وكانت ليلة مشهوده

يومه دعاني منبع الطيب والفيض=ابا اترك الاشغال واقول فاضي
قالوا تريّض قلت ما اصبر ولا اريْض=من عادتي عجلٍ سريع انتفاضي
يوم ان خطو اللاش يحتاج تنهيض=كني احلق فوق سبع الاراضي
ما يردني برد الشتاء ولاهب القيظ=وفي صحةٍ زينه وجسمي رياضي
وقلبي يحرضني على الطيب تحريض=وفي ما قفي دايم تذلّم حياضي
واللي جذبني بارقٍ له تواميض=غطّى على النقره وصبحا العياضي
حفلٍ جمع من حرب روس ومباريض=اللي مواقفهم اكبارٍ اعراضي
اللي لهم بالطيب مشي ومراكيض=اهل الزعامه والسيوف المواضي
واهل الكرم لو الكلايف بواهيض= وزبن الدخيل اللي من الخوف جاضي
واهل الوفاء لاصار فيها نواقيض=واهل الولاء لاصار فيها امتعاضي
مروضين اللي نوا الشر ترويض= وعند الخطا مايعرفون التغاضي
ننهل من بحورٍ للامجاد ما تغيض= وحقوقنا مانردها بالتراضي
الحق ما يوخذ بنقش المعاريض=من يطلبه ياطا مليل الرماضي
يامرحبا وقلوب ربعي نوابيض=عد النجوم وعد نبت الفياضي
انتم لنا ياحرب نون اللواحيظ= ومن حبكم مايعتريها غماضي
يامرحبا واغلّظ الصوت تغليظ=في دار نبعٍ مايعرف الغياضي
الشيخ ابن حماد غيث المناويض=حرّ ٍ على الجزلات فيه انتهاضي
شيخٍ ورث طيبه من العود تفويض= موثّقٍ توثيق ما هو افتراضي
والوجه الابيض مايبي زود تبييض= ومن جرّب الطولات عاف الخفاضي
واليا تحمّسنا ترى فيه ترييض= الحق ما يحتاج تحكيم قاضي
حق القبايل ما يجي فيه تبعيض= اليا قرنّا الحمل جبنا الشضاضي
من غاب منهم مانويناه تعريض=واللي حضر منهم عليه البياضي
والشكر لله في وطنا محاظيظ=بامن وامان ولا علينا حواضي
في ظل حكمٍ ما نبي عنه تعويض= حكمٍ رشيد ولا عليه اعتراضي
وردتهن بيضٍ وصدرتهن بيض= وانا على ما قيل قانع وراضي

وسلامتكم

صح لسانك يا الفريد

صح لسانك

على هالنص المليء بالجزالة

بيض الله وجهك يالجزل

تحياتي لك

وردتهن بيض وصدرتهن بيض=وانا على ماقيل قانع وراضي

وسلامتكم

وانت سالم وغانم
صح لسانك يالفريد وهكذا عودتنا حضور دائم في مناسبات
ربعك تأبى ويأبى طبعك الا ان تجد لك مكانا عليا كما اعتليت
القلوب بالحب والتقدير لشخصك الكريم تعتلي في موقفك ومقامك
لتجود بما يجود به الشعراء ولكن انت تختلف ياعندليب المجالس
لك وافر المحبة والتقدير على هذا الابداع الراقي
دمت لنا مبدعا متواجداً
ويستاهلون المدح حرب ومضيف الكريم هادي بن حماد
الذي تعودنا منه مثل هذه المناسبات التي يجتمع
فيها زحول الرجال ليتناغم الحضور الجميل مع جزل
القصيد امثال هذه المقطوعة الادبية ...
شكرا لك اباعبدالعزيز لاهنت

ابو عبدالعزيز مافيك حيله
الله يبيض وجهك
تحياتي للجميع

الغالين
ابو راكان
صح بدنك وسلمت يمينك لاهنت
................
ابو فيصل
مرور اعتز به ومصافحة يفوح منها العطر الزكي
صح بدنك لاهنت لاهنت
..................
منصور الوسوس
مرورك اضاءة اضيفها الى اضاءاتك الدائمه
كلماتك الصادقه دوماً تلامس الوجدان وتستنطق اللسان
شحنٌ من الحب والغيرة والحميه
لاعدمت هذه العذوبة الاخويه الساميه
لك حبي ومودتي
.................
الشقاوي
وانت بيض الله وجهك ايضاً
تواجدك في متصفحي يجعل عدم حيلتك امامي حلية لي
لاهنت لاهنت

	وردتهن بيضٍ وصدرتهن بيض= وانا على ما قيل قانع وراضي

بيض الله وجهك يالفريد على هذا الابداع المتمثل في قصيده
تفخر بنفسك .. فيفخر فيك القصيد .. تمدح القبيلة فتصدق فيما تقول
تمدح صاحب الدعوة فتصفه بما هو اهل له ومايستحق.
ابداع + صدق + جزالة + تمكن = خلف الفريد
تقبل مروري وتقديري

فارس الحرف

صح لسانك يابوعبدالعزيز..
عز الله انك تبيض الوجه وترفع الراااس..
بمثلك نفتخــــــــر...

اخوي الفاضلين
........
فارس الحرف
ماقمنا به وما نقوم به وما سوف نقوم به ماهو الا واجب تكليف قبل التشريف
هذه هي المواقف التي يكون فيها الوفاء وصدق المحبه
وكلماتك اخي الحبيب ماهي الا من فيض الشعور الصادق وكاني بك تتمنى انك تواجدت
تلك الليله ولكن ثق اخي ان انفاس المحبين امثالك كانت ماثلة هناك !!!!!!!!
كنا نحس بكم ونقدر ظروفكم في نفس الوقت
والاربع المجموعه ونتيجتها = فارس الحرف
دم لاخيك حباً وعبقاً
وشكراً
...............
بندر نغيمش
صح بدنك وطاب معدنك
وانت اخي الكريم ممن يفخر بهم الفخر وما فخري الا بعض فخامتكم
اشكرك على مرورك الاضاءه
لاهنت لاهنت
...............

:

واللي جذبني بـارقٍ لـه تواميـض = غطّى على النقره وصبحا العياضـي
حفلٍ جمع من حرب روس ومباريض =اللـي مواقفهـم اكبـارٍ اعراضـي

الشاعر خلف الفريد صح الله لسانك
قصيدة رائعة تشرفت بسماعها منك في ذلك الحفل الكبير ..
قمة الجزالة والوفاء تجلت في إصرارك على المشاركة
رغم الظروف النفسية التي عشتها قبل وأثناءالحفل
بعد سماعك لخبر وفاة عمك ..
بيض الله وجهك على ذلك .. يا أبو عبدالعزيز
وقبلة على جبينك الأغر
أخوك ابن راشد