هذي أول مشراكة لي في المنتدى وأتمنى أن تحوز على رضاكم وتسمو لذائقتكم
ومضمون القصيدة رد على شخص مس قبيلتي وقال {إحمد ربك ياحربي إني أنا مخاويك}
|
لا تحسبنـي معـك يـا هــوه مـأسـور****** الحـر لامـن ضـاق سـهـل إنطـلاقـه |
ولا تحسبني من تفلسفـك أبـا أخـور ****** العـلـم بــان وسـاطـع ٍ بأنـشـراقـه |
ماني قليّـل عـرف و قصيّـر شبـور ****** أعرف مقام الحق وأعـرف نطاقـه |
بسمّعـك حبكـه بهـا حــق وشـعـور ****** وأسمـع كلامـي وإنتبـه فـي سياقـه |
لـي لابـةٍ مـا تنوصـف غيـر بصقـور ****** تركـي علـى كبـد المعـادي حـراقـه |
حرب ٍ هل الطولات بأزمان وعصور ****** مـا هـو كـلام ٍ مستـجـد و طفـاقـه |
كم واحد ٍ من بطشنـا صـار مقبـور ****** وكـم شيـخ راحـت بالملاقـاء نياقـه |
وكل القبايل مـا بهـا نقـص وقصـور ****** والسـب فـي كـل القبايـل حمـاقـة |
واليوم في حكمة هل الحـق والنـور ****** آل الـسـعــود مـجـوديــنٍ وثــاقــه |
حكام عقل ودين مـن دور فـي دور ****** من عهد أبو تركـي عظيـم العراقـه |
تـوارثـوه اســود وافـهــود ونـمــور ******يمشـون ممشـا العـود نعـم العلاقـه |
حنـا لهـم بالـحـق مــا عـنّـه إنـبـور ****** ولهـم ولاء بالقلـب واســع نطـاقـة |
وعدوهـم لـو جالهـم نـاوي اشـرور ****** يرجع لـداره منكسـر عظـم ساقـه |
وإن كان له رده ترى القبر محفـور ****** يدفـن قبـل يسـمـع نهـايـة شهـاقـه |
حـنـا لحـكـام الـوفـاء درع بـصـدور ****** أقولهـا عـن حـرب فـي كـل طاقـه |
وإلا أنت قولك طعنتٍ داخـل الـزور ****** والقـلـب مـنـهـا زايـــدٍ بأنصـفـاقـه |
دخلتني غرفـه بهـا القفـل مكسـور ****** وفتحـت أنـا للبعـد ملـيـون طـاقـه |
واليـوم جنّـب بينـي وبينـك الـسـور ****** مليت مـن قولـك وعفـت الصداقـه |
وقـد قيـل قبلـي كلمـةٍ كلـهـا نــور ****** الحـر مـا ضـاق الفضـاء بإنطـلاقـه |
|
وسلامتكم
محمد الفريدي
رد: حرب ٍ هل الطولات....... 
العرض العادي
