بين الشاعرين الشابين المربوث وبن نونان

هذه مساجلة جميلة لشاعرين قد
يكونان جديدان على المجالس وان كان التقصير منا لعدم متابعة
جديدهم اليكم هذه المساجلة الرائعة جدا بين الشاعرين الشابين
بجاد المربوث وخالد بن فهد بن نونان
لنستمتع بما جادت به قريحت كلٍ منهما ...

قصيدة بجاد بن حريمل المربوث

لولاالحيـا وأدرى مــن الله وأخـافـهلاخـذك وعيـون الخـلايـق تشـوفـي

ماتثـنـي عـزومـي بعـيـد المسـافـهوعن شوفتك مايلحق النفس خوفي

يـاعــود مـــوزٍ لــيــنٍ بانـعـطـافـهومنيـن ماهـب الهـوى لــه يلـوفـي

حلـوٍ كسـى زيـنـه حـيـاه وعفـافـهأسخـيـفٍ قلـبـه عـلـيـه عـطـوفـي

ياسعد عين الي مـن النـاس شافـهلاواهني من شـاف زيـن الوصوفـي

أنـا أشهـد أنـه ســم حـالـي ولافــهحـبٍ سقيتـه مـن شراييـن جـوفـي

يابـوفـهـد بـعــده عـلـيّــه كــلافــهمالـي جـدا ياكـود صفـق الكفوفـي

عقبه يابـن نونـان شفـت الكسافـهليتـه يابـن عـمـي بحـالـي يـروفـي

راع الهـوى يـا خالـد أسـنـد بقـافـهعليـك يشكـي بعـد ريـم الخشوفـي

ياشـاعـرٍ بالشـعـر بــان أحـتـرافـهحكـيـم راي وبالقصـيـد مـعـروفـي

-¤-¤-¤-¤-¤-¤-¤-

( الرد)
من الشاعر / خالد بن فهد بن نونان

يـا مرحبـا باللـي لنـا صـاغ قـافـهراع الوفا والطيب جزل الحروفـي

الشاعـر المبـدع وسـيـع الثقـافـهشعره يشدك ليـن تاقـف وقوفـي

يصـوغ لــه ابـيـات فــن وحـرافـهحتى يجـي قافـه قـوي معسوفـي

نفسي على شعره تخـط أعترافـهمايلحقـه بالقـاف شــك وخـوفـي

وراع الهوى يابجاد سهل أنكشافـهمثل القمر ساعة يجيه الخسوفـي

تلقى على وجهه شحـوب ونحافـهوالوان من ضيم اليـال مخطوفـي

الوقـت وأن بيـن علـيـك أنتكـافـهوصارت على ماقيـل بقعـا تلوفـي

يمكن تزيـن ايـام عقـب الكسافـهعقب الجفا يرجـع وليفـك ويوفـي

مصـيـر الأشــواق تـرخـي كتـافـهويجيـك مـن كيفـه يهـز الـردوفـي

يجيـك ثـم يسقيـك حالـي رهـافـهمشتاق لك بالحيل شفق وشغوفي

وأن كان مـا بالزيـن ليـن ومرافـهوالحظ قصر في جميع الظروفـي

أنـا مـعـك بــأول وتـالـي مطـافـهوالنفـس تامرهـا علـى ماتشوفـي

أشّـــر إذا ودك عـلــي أختـطـافـهلأجيـه لودونـه رهـيـف السيـوفـي

النفـس دونــك ماعليـهـا حسـافـهلجلـك يابونايـف تـهـون الحتـوفـي

¤-¤-¤-¤-¤-¤-¤-¤-¤

صح لسان الشاعرين
بجاد المربوث و خالد بن فهد بن نونان

ولاهنت أبو محمد على هذا الإختيار

صح بدنك اخوي ناصر بن راكب
شاكر لك اطلالتك الغالية
لاهنت

ابو محمد

سلمت يمينك على النقل

وصح لسان الشاعرين / بجاد المربوث و خالد بن نونان

قصائد جميله وجزله عساهم بزود إن شاء الله

وبما إنهم شابين أتمنى دعوتهم ليشاركوا ربعهم في مجالسهم

( لأن الكبار عذرهم معهم ماعندهم معرفه بالنشر والنت )

وبالنسبه للعضو الشاعر مانبي منه إلا قصيده كل إسبوعين

وأعتقد إن إسبوعين وقت مناسب للي عنده شغل

وبالنسبه للردود لايرد إلا إذا جاء يضع قصيدته الأخرى بعد إسبوعين

وفي هذه الحال نحتفي بشعراءنا الأفاضل دون التضييق عليهم في مسألة الوقت

وموضوع وجودها بالخاص وهي مساجلة أبد خذ راحتك يابو محمد

خلهن للوقت اللي تبي وإنقلهن متى مابغيت .

ودمت على الخير والمحبة

صح لسان الشاعرين

الفاضل مقبل النمران لم اكن اريد ان ابوح بذلك ولكن ليس سرا
تم دعوتهم ودعوة مجموعة من الشعراء والايام القادمة سترون
مايسركم من شعراء عيال راشد باذن الله .
اشكر لك اريحيتك وما خطيته بردك سيتم ابلاغهم به واعتقد وجهة
نظر جميلة وما مشاركتهم في مجالس ربعهم الا فخر لهم بالدرجه
الاولى وانعم واكرم برجلٍ يهتم بمنتديات ربعه وهم كذلك .

المشاركة الأصلية كتبت بواسطة منصور الوسوس

الفاضل مقبل النمران لم اكن اريد ان ابوح بذلك ولكن ليس سرا
تم دعوتهم ودعوة مجموعة من الشعراء والايام القادمة سترون
مايسركم من شعراء عيال راشد باذن الله .
اشكر لك اريحيتك وما خطيته بردك سيتم ابلاغهم به واعتقد وجهة
نظر جميلة وما مشاركتهم في مجالس ربعهم الا فخر لهم بالدرجه
الاولى وانعم واكرم برجلٍ يهتم بمنتديات ربعه وهم كذلك .

لا هنت أبو محمد لا هنت

وما هي غريبة عليك

أنت رجل جبلت على الحمية

والصراحة أني أعجبت بالقصائد لأنها تكشف النقاب أولاً ، عن شاعرية وتمكن جيل من الشباب جديد .

أرقى التحايا وأسمى التقدير للشاعرين .

وكل الشكر لبو محمد

حد السيف صح بدنك
لاهنت على الاطلالة الكريمة

منصور الوسوس
تسلم على هذا النقل الرائع
تقبل مروري

فارس الحرف

مساجلة جميله بين شابين موهوبين
صح لسان كل منهما وكان يبون فزعه من العود المشعاب والم والعبارتين
خابره الوسوس ماتلحقه الطيور الطايره ههههههههههههه
عادتك يابو محمد انتقاء الجميل لاهنت
ولاتميّلها واجد يم ابن نمران والا راكزيني فوق عنوان ههههههههههههههه
كما اضم صوتي لصوت ابو ياسر وأأيّده بكل ماقال
شكراً للجميع