وانا فخور بسيرتك يبن نومان .....

الذكر الطيب والسيرة الحسنه من اعظم ما يطلبه كل انسان ومن يوفق
لذلك فهو الموفق ودائما يقال (( شهود الله في رضه )) ابن العم
: الرائد نواف بن خصيوي من الرجال الذين تحصلوا على هذه الصفات
الطيبة حتى اشتهر بذلك وكان له حق علينا نراه واجبا ان نبحث عن
ما قيل فيه من قصائد ....
وكان لي شرف الاتصال بشاعرنا الكبير نايف بن بادي والذي اهدى
للمجالس مجموعة من قصائدة اخترت لكم كمصافحة اولى هذه
القصيدة والتي قالها يثني على ابو بدر نواف بن نومان واليكم
ابياتها حيث يقول :-

سلام يا نواف من قلب ولسان=يا طيب الرفقه بعيد المدالي
قلي عن اللي صار والعلم نيشان=ما قل دل اليا اختصرت المقالي
فياح في وضعه من العام بلشان=وانته فهيم العلم باول وتالي
يبن خصيوي يالوفي جاك تبيان=مني عن اللي حدني واحتدالي
انخاك وانته للمحاويج مزبان=لازلت الشرهات بعض الرجالي
تنصاك يا نواف والصاع مليان=ماتنقصه من طيب جودك يكالي
صاع الوفاء لاهل الوفاء كيله اعلان=يشاهده بالناس مبغض وغالي
وانا فخور بسيرتك يبن نومان=من دون الاقصاء نفتخر بالموالي
ساس الرجل جذاب والفعل برهان=والطيب بين الناس شرق وشمالي
ما هو بمحصورٍ على فلان وفلان=شاسع مداه وفيه جالك مجالي
برهنت في موقفك ماجور ومعان=ومشكور لك بين الرجال احتفالي
من طيب ذاتك يا سلايل كحيلان=جالك على مجناك فعل امتثالي
وطيب الفتى توفيق من عالي الشان=الواحد الوالي عزيز الجلالي
اللي فطر عبده على حق واحسان=وللخير دله عن طريق الضلالي
علاّم ما يخفى على ادراك الانسان=علمه احاط بدقها والجلالي
ما خاب من له لد محرج وشفقان=رب المواهب والعطايا الجزالي
لا راد شي قال له كن ثم كان=عليه قبل الخلق كل اتكالي
بأمره نصيت اللي له بفضله إمكان=طيّب وطاب وللمواجيب نالي
عليه من طيبه تمثلت شرهان=نواف اليا ناديت له وانتخالي
تهون لاكادت على كل جابان=وانال مطلوبي على كل حالي
عساه يسلم من صواديف الازمان=اجاره الله من صدوف الليالي
ذخر لنا بالطيب في كل ميدان=ميدان به للطيبين انفعالي
كلٍ يبرهن عن وجوده ولاهان=نواف بالماجوب ذيب العيالي
وصلاة ربي عد همال الامزان=على نبيٍ لاظلم الشرك زالي

صح لسان الشاعر / نايف بن بادي
جزل كعادته

ويستاهل ابو بدر ماقيل فيه من مدح

وتسلم يابو محمد على النقل الطيب

لاعدمناك يالغالي

يستاهل ابن العم نواف وصح السان الشاعر نايف بن بادي

وتسلم يابومحمد على النقل والجهود المميزه فعلا

يبن خصيوي يالوفي جـاك تبيـان=مني عن اللـي حدنـي واحتدالـي
انخاك وانتـه للمحاويـج مزبـان=لازلت الشرهات بعـض الرجالـي
تنصاك يا نواف والصـاع مليـان=ماتنقصه من طيب جـودك يكالـي

صح لسان الشاعر / نايف بادي

ويستاهل ابن نومان...

والشكر موصول للوسوس تاج راسي

ما يجيب الا الجزلات!!!!

ابو بندر
صح بدناك وتستاهل الخير لاعدمناك

صح بدنك وعاشت ايامك يبن جضعان
مشكور على الاطلالة الراقية

ذيبان
انت عنوان الوفاء
وجودك هنا كالاكسجين لاغنى عنه
اشكر لك مرورك واضائة لهذا الموضوع
ودمت لنا فخر يبو راكان

أبو محمد

صح لسانك ولسان الشاعرالمبدع / نايف بن بادي الفريدي

ويستاهل المدح أبو بدر علمه الغانم على مستوى قبيلة حرب

وبيض الله وجه وأدامه الله سند لربعه

وبيض الله وجهك يابو محمد على صب الوفاء لأهله

وألف شكر ودمت على الخير والمحبة

صح لسان الشاعر الجزل نايف بن بادي
ويستاهل ابو بدر نواف المدح والثناء راع السمعه الحسنه والفزعات
وتسلم يمين ناقل الجمال منصور الوسوس
لاهنتم جميعاً

صح بدنك اخي ابو ياسر
صدقت في وجهت نظرك نواف رجل مواقف
اشكر لك اطلالتك البهية