مقتطفاااااااااااااااااااا اات

يازمان المغرمه وش ذا الهجاد= طالع الموضوع ماهو في يدي
لو دريت اللي قنص وش عاد صاد= بعد ماروح على الصيد ايعدي
كان قلت السالفه نار ورماد= وياعسى الله للقوانيص ايهدي
طلقة العبورد مع حد الشداد= وزرقة الشلفا بالارواح اتغدي
والبياض الند دايم للسواد = والحقيقه نـور في عالم ردي
والشقي لوكان يُعرف بالمهاد= كان ماعاش الزمان السرمدي
ولا دخل في سوق واسع والمزاد= طول شوف العين مدري جرهدي
والحقيقه كان ودك بالوكاد= وش يفيد انعرف وين المعتدي
العمر يفنا وقافيه الحصاد= ومن يبا الأولى لزومً يبتدي
قلتها وان كان غيري ما استفاد= من فهمها قلت خشمك يابعدي

(((1)))

على كسر خاطر... لو تجمع شتات القوم=مع العلم مايجمع جهل يالله الخيره
تشين السنين العوج ولا تغيب نجوم=حساب الزمن ثابث وكلن وتقديره
ولا قلت ياوقتي علامك كذا مشئوم=لأن العمر يمشي وانا اشوف تغييره
الا ياسنين العمر لحظه ويوم بيوم=يمر الزمن فيني وانا ادري بتأثيره
اسج بزمن قاسي ولالي عن المقسوم=واعرّف الحدث وشلون وابدع بتفسره
ولا دامت افراحي ولادمت وسط هموم=وراضي بحكم الله فيني وتدبيره
لكن الحبيب اللي يجي والعلوم علوم=يشب بربيع القلب واحرق نواويره
عليه الله اكبر كل ماقلت زان النوم=تذكرت ضحكاته وحلفه وتبريره
مشيت ابمشاويري مع ابعد حدود اللوم=وعودت من دونه قبل ماصل الديره
اشوف الحقيقه نور في دمعة المظلوم=مساحات تفكيري تحدد مشاويره
اجمع حساباتي وحدد هدف مرسوم=وعود واحسّبها وحدد هدف غيره
لأن العرب مابين حق وزعل وسلوم=وبعض الخطاء يوجعك كثرت معاذيره

(((2)))

انا اليامني كتبت الشعر واهديته هنا=القصد اشاركم فقط ثم اتشرف بالحضور
اناانا اناانا وعوذ بالله من انا=شاعر وعسف المفرده تريحوا مامن قصور
ياضيق صدري آه ياضيقه ولو قلت دهنا=لآن القوافي ثايره والدم فعروقي يفور
يامعشر الشعار من يكتب بيوته من عنا=لابد نقراء من معانته ولو بين السطور
تفنا الأوادم بس يبقى الشعرعمره مافنا=وبعض القصايد خالده تبقى على مرالعصور
لن الحكيم اللي نضمها من خوى راسه جنا=ماكان في راس البشر جابه احاسيس وشعور
والشاعر اللي طول عمره. فوق راسه مانحنا=يبقى على جوراليالي والزمن دايم صبور
والشاعر اللي في بيوته حس نغمات وغنا=ماقدر الومه صعب ماقدر دام غنا فمعذور
لكنني شاعر وبكتب شعر بأسلوبي انا=حتى ولو ماكتب قصيده غير في عدت شهور
ترابط افكاري اليا من البحر مني دنا=تاخذ من اعماقه مدام السطح متعه للحضور
أي والله ابكتب وابكتب ثم ابكتبها هنا=ان الدهر ياقلب ماهم شان فالدنيا تدور

(((3)))

صح لسانك ياشعارنا المبدع ناصر الحربي
كلمات جميلة واسلوب عذب للغاية
تسلم وتدوم
شكرا لك على هذه الاضافة الجميلة

مشكوووووووووووووووووووووو ووووور

الله الله

درر رائعة

قمة التمكن والإبداع

تقبل إعجابي الا متناهي

ناصر الحربي

أولاً : صح لسانك وسلم راسك وإحساسك وهات خشمك يابعدي

ثانياً : بقد مأسرني هذا الجمال الغارق في محيطك الهادي

بقد ماتمنيت أن تكون هذه الدرر مستقله كل درة ثمينهة في مشاركة مستقله

لأن تناغم الأرواح والشعور لانريد أن يصب جام شوقه وعشقه ومفردته علينا مره واحده ثم يطول الغياب . .

بل نريد جرعات من كل هذا البذخ الشعري كل اسبوعين لا أقل ولا أكثر حتى يتسامى الجمال لنا ولك

وحتى كل مقطوعه تأخذ حقها من القراءة والمتابعة . . والحفظ أيضاً

وأعرف ياعزيزي أن هذا الناصر القادم لديه الكثير . . والكثير

ولكن لانريد أن نصاب بتخمة أو سكته قلبية من جراء مانبتلعه دفعةُ واحدهـ من الشعر والشعور

وشاكر ومقدر لك تميزك وجزالتك

وعلى الخير والمحبة نلتقي دائماً

اخي الكريم الشاعر المبدع
ناصر الحربي
نثرت هذه الكنوز الشعريه دفعة واحدة حتى غرقنا في هذا المحيط الهادر من الجمال
اضم صوتي الى صوت اخي مقبل بأن تكون المشاركه واحده حتى يتمكن المتلقي
من تذوق الجمال الراقي والمعين المتدفق من ناصر الحربي
اشكرك على هذا السمو الشعري والشعوري وحياك الله بين اهلك
لك حبي وتقديري ومودتي

مقتطفات رائعه وهادفه

نعم أنا كتبت في مروري على أحد مشاركات الأخ/ ناصر
أن ناصر ليس بقليل خبره قبل ان أطلع على هذه المشاركه
جبل جبل جبل جبل ينطح جبل
جبل يا ناصر

مقتطفات اكثر من رائعة
صح لسانك اخي الشاعر : ناصر الحربي
فقد ابدعت ونثرت جواهر ودرر ثمينة
تقبل اجمل تحية وباقات من الورد لشخصك الكريم