نخوة حرب- للشاعر/ الحميدي بن كمي

11-03-08, 09:18 PM

يا حرب حنا ما ربينا علـى الهـون =ياعزوتي يا فزعتـي عقـب جـدي
إن قلت يا مسروح ياقف لي الكـون=وإن قلت سالـم كـل الأمـة بيـدي
تكفون يا ربعـي وتكفـون تكفـون=السالفة يا حـرب مـا هـي تجـدي
السالفة ما هـي ببيـرق ومليـون=السالفـة فيهـا عـنـاد وتـحـدي
السالفة موقف شرف كـان تـدرون=وأنتـم رجـال ولا عليكـم تـعـدي
الظاهـري عنـا تقـدم وممـنـون=وحقه علينـا ندعمـه مـا نصـدي
هذا سفير لحـرب وأنتـم تخبـرون=يـوم القبايـل بيـن جـزر ومـدي
مير أفزعوا يـا ربعنـا لا تراخـون=تـرى دمـار الـنـاس ودي وودي
كل القبايل حاضـرة قلـب وعيـون=وكل على مـا قيـل مـدك ومـدي
هذي عصا موسى وهـذاك فرعـون=ما عـاد فيـه إلا هجـوم وتصـدي
ومن لا فزع في ساعة اليسر والهون=مع حرب في وقت القسا مـا يعـدي
يا حرب حنا ما ربينا علـى الهـون=يا عزوتي يا فزعتـي عقـب جـدي