مصطلحااات نجديه (قصيميه)

السلام عليكـــــــــــــــــــــ ـــــــــــــــــــــــــ ــم،

أحبتي ، أبغاكم تفرفشون شوي مع هالمصطلحات النجدية ، آمل أنها تعجبكم

" مير "

اختلف المترجمون في تفسير هذه الكلمة ، واتفقوا أن هذا المصطلح مال أمه داعي ،
ولا له موقع من الاعراب ، يوضع لتزيين الجملة ،، مثال : الله مير يسلمك ، الله
مير ياخذك

" غديه "

وتعني : كوده ،، وفسر الماء بعد الجهد بالماء

" ومصع " دعوة عند القصمان وتأتي بعدة أوزان : مصع ، يمصع ، ممصوعا ،، مثال : جرّن مير
يمصعن

" ياهملالي"
...منتشرة عند النحوتين والنظولين ، مثال : مزنة : مادريتي نورة توظفت ،،
حصة : ياهملالي عندها واسطة ،،، منقهررررة


" من تلالتنا"
من حمبنا


" واخزياه "
مصطلح ينتشر عند بعض الناس يقالهم مستحين ، وهم وجيه بن فهرة ، " ووجه بن فهرة
هو الوجه المغسول بمرق "


" أويق "
هذه الكلمة تنتشر عند البلوغين أي الملاقيف ، معناها أناظر وأناظر معناها أشوف
،، مثال : حصه : خير وش عندتس رازتن خشتس عند الدريشة " النافذة " ،،
مزنة : أبد ، أويق على اللي يفحطون

" أعبطه " أعجنه واسويبه فطاير



" قوه "
كلمة من أصل إنقليزي " والله محنب سهلين " معناها تخاويني ، مثال : حصة : قوه
معي للسوق ،، مزنة : مشينا ، كلش إلا السوق ، تخاويها وهي مغمضه



" حوّل " وراكم طيرتوا عيونكم بي ، ترى منيب بالنجدة ، بس حوّل يعني : انزل



" شنق "
تعني : جهة



" هماه "
وتجي بمعنى " مب كذا - مو "



" نيم " وتعني : نائم



" تهقى "
تعني : تظن ، والاسم منها " هقوتي " اي أغلب ظني ،، مثال : حصة : تهقين نورة
تجي


"بوه"

أهم مصطلح عند القصمان ويوضع بآخر الكلمة مثال : وشبوه ، جبتوه ، مادريتبوه ،
وينهوبوه، وتقول هالكلمة وانت ماط بوزك شوي

" يهوجس "
سرحان ، يفكر



ملاحظة : حصة ومزنة أبطال المشاهد التصويرية هنا
تسذا:: كذا
طس:: انقلع
بذا:: في ذا
ازهم :: اتصل بواسطة التلفون
اوحيك :: اسمعك
يتسذب:: يكذب
عريش:: مكان سقفه من سعف النخل
عسبان:: سعف النخل
اتغبا :: اختبيء
هج:: انحاش
يقمز:: يقفز
انتسب يافلان :: يضع الأكل المطبوخ في الصحن
هرج:: كلام
دهدرة:: خبلة
بديت:: اصبحت وصرت
اتجهول :: امشي بدون هدى
جحة:: بطيخة
جرو:: شمام
ينجظع:: يستلقي
دروزة:: سمينة وكبيرة
. منقول


وأذا نسيت شي قولوه أختكم :بنت الفريدي