عيد بن مربح الرشيدي

الشاعر عيد بن مربح الرشيدي
شاعر لا يحتاج للتعريف
وهو جاري وزميلي بالشركه والآن زميل تقاعد
سألته قبل كم يوم إيش القصيده القريبه لك
قال

	يالمور خذ نمرت الخامس من اليمنا تحتر تبرد ترا الاخـلاق خربانـه والله لتنـدم وحـنـا ماتفاهمـنـا مـادام ميقـوع ماعقبـت قلبانـه ولاتشكي الظلم حنا الوقت ظالمنـا دليل ظلمي تراك تشـوف برهانـه البارحه مع ثلاث اوجـاب مانمنـا مكينتك تشتغـل والعيـن سهرانـه ان دبرت شدنا يرخـى محازمنـا نروى بدلون يضيّـع مـاه شقانـه وان اقبلت خصمنا يقضي لوازمنـا صداقتة تستحـل بيـوت عدوانـه عـزالله انـا مـن الدنيـا تعلمنـا درسن صعيبن على التلميذ نسيانـه الله يجيب الصديـق اللـي يعلمنـا ابنشده عن غريب وحـال عربانـه لولاه في بيـت جدانـه محطمنـا ياوسع صدري عليه و بيت جدانـه لو قصدنا البعـد مرينـا وسلمنـا مير البلا شوفـت الديـان ديانـه

يالمور خذ نمرت الخامس من اليمنا=تحتر تبرد ترا الاخـلاق خربانـه
والله لتنـدم وحـنـا ماتفاهمـنـا=مـادام ميقـوع ماعقبـت قلبانـه
ولاتشكي الظلم حنا الوقت ظالمنـا=دليل ظلمي تراك تشـوف برهانـه
البارحه مع ثلاث اوجـاب مانمنـا=مكينتك تشتغـل والعيـن سهرانـه
ان دبرت شدنا يرخـى محازمنـا=نروى بدلون يضيّـع مـاه شقانـه
وان اقبلت خصمنا يقضي لوازمنـا=صداقتة تستحـل بيـوت عدوانـه
عـزالله انـا مـن الدنيـا تعلمنـا=درسن صعيبن على التلميذ نسيانـه
الله يجيب الصديـق اللـي يعلمنـا=ابنشده عن غريب وحـال عربانـه
لولاه في بيـت جدانـه محطمنـا=ياوسع صدري عليه و بيت جدانـه
لو قصدنا البعـد مرينـا وسلمنـا=مير البلا شوفـت الديـان ديانه

ابو مشاري
مشكور على النقل
تقبل تحيتي

فهد بن هديب

قصيدة جزله من شاعر مثل ماذكرت غني عن التعريف

وأتمنى أن تتحفنا بماتجد من هذا الشاعر -من جديده وقديمه


مبارك بن هديب

بارك الله فيك على النقل والتنسيق