إحدى روائع الشاعر/ نـايـف ابن فـيـصل بـن عـرويـل الـعـتـيـبـي

يالله يـالـي فــوق سـبـع الـسـمـاواتتـفـرج لـحـال الــي عصـتـه اللـيـالـي

سايرتهـا بسـكـات بسـكـات بسـكـاتواقـــول بـكــره يـصـلـح الله حـالــي

مـاودي اشكـي عنـد عـاذل وشـمـاتولابـي عـلـي الـنـاس تلـقـى مجـالـي

اقـضـي طــوال اللـيـل نــوح ٍوونــاتوالنـاس ماتـدري عــن الــي جـرالـي

صـبـرت واستبـدلـت قـولـي تـنـهـاتوتسـابـقـن دمـعــات عـيـنـي تـوالــي

عـلـيـك يـاحـلـم ٍاشـوفــه ولا مــــاترغــم الحـضـوض الـنـادرات القـلالـي

لـك الـذي مـا تختـلـف فـيـه هـقـواتماتخـتـلـف هـقــوة رفـيــق ٍعـنـالــي

لا والله اثبـت والحـق الـقـول باثـبـاتوالقـول مـا يثـبـت عــزوم الرجـالـي

لا والله الـى الفعـل والفـعـل بـالـذاتمـحـد ٍيـقـول الـمـر يـانــاس حـالــي

للـطـيـب درب وللـرخـامـه مـتـاهـاتويالـي بغيـت الطيـب اسـمـع مقـالـي

صـــل الـصــلاة واد كـــل الـعـبـاداتواسـجـد لـوجـه الله عـزيـز الجـلالـي

وللوالـديـن حـقـوق ذكــرت بـالايــاتياجـب علـيـك اصـغـاااء ثــم امتثـالـي

ثــم عقبـهـا لاتلـحـق الـنـاس نـمــاتاوزن كـلامـك يرفـعـك فــوق عـالــي

ترى لسان الشخـص للشخـص مرئـاةان اعتـدل عـدلـت وان مـلـت مـالـي

واحرص على وقتك ترى الوقت لافاتتـنـدم عـلـى فـوتــه لـيــال ٍطـوالــي

لاصــار مــا شـيــد شـبـابـك بـنـايـاتلاصـرت شـايـب مــا بنـيـت العـوالـي

شيدلك مـن الطيـب قصـر وعمـاراتتذكربـهـا لاصــرت تـحــت الـرمـالـي

اسمـع كـلام النـاس وانضـر للامـواتواخـتـر لنفـسـك مــا تـريـده يـقـالـي

واحـذر تـرى للنفـس رغبـه وشهـواتان طعتـهـا راحــت علـيـك المـعـالـي

طــرد الـهـوى ذلــه ولافـيـه شـكـاتيـامــا تـنــزل مـــن (سبايـبَـه)عـالـي

ولا تلحقـك مـن قلـة الحـال ضيـقـاتخلـك علـى ماقـال( صـدرك شمالـي)

اضـربـهـا واحـــذر تـطـيـح بـمـغـبـاتولاتنفـتـن نـفـسـك بـطــرد الـريـالـي

واعـرف تـرى غـال الكنـوز القناعـاتمـن فــاز فيـهـا فــاز والـفـوز غـالـي

ولا تـخــوَف مــــن نـهـايــة بــدايــاتخـلـك عـلـى كــل الامــور ارتـجـالـي

الـخـوف يـرمـي صاحـبـه فالهـزيـلاتويثنيـه عـن كسـب الامــور الجـزالـي

المـوت مـره لاكـن ان خفـت مــراتوالله مــا تـمـشـي حـيـاتـك عـدالــي

خالـط جميـع النـاس كــون عـلاقـاتلا تجـلـس لـحـالـك تـصـيـر انـعـزالـي

لاكـن بنفـس الوقـت يـاصـاح هيـهـاتتمشي بهـواك النـاس فـي كـل حالـي

فالنـاس طيـب واكثـر النـاس عـيَـاترافـق هــل الـطـولات خــل الثعـالـي

والـجــار كـثــر جـيـتــه والــزيــاراتسيَـر تــرى الدنـيـى سريـعـة زوالــي

فنجـال بـن وعــود ٍ ازرق وضحـكـاتتشـيـل هــم الـــي هـمـومـه ثـقـالـي

مـافــات فـــات ومـاهــو اتــــي ٍ آتاسـمــع كـلامــي وافـهـمـه للـتـوالـي

رتــب حيـاتـك حــط الـــك اولـويــاتوخطـوط حمـرى واضـحـات ٍ جـلالـي

الديـن لا ترضـى علـى الديـن خمـلاتهــاك الـكـلام الـــي يـهــز الجـبـالـي

والله مـا تـرضـى علـيـك الـولايـاااااتالـيــن تـتـبـع درب ذيــــك الـمـلالــي

جاهـد عــدو الله فــي كــل الاوقــاتبـالـحــال ولا الــمــال ولا الـعـيـالــي

ثــم الـوطـن احـيـان تـاتـيـه حـــزاتتـبــي رجال(ن)يحـمـلـون الـحـمـالـي

وقــف بـعـزة نـفـس قـلـه سـلامـاتيالمعتـدي فالعقـل جــاك اختـلالـي؟؟

ثم اقطـع الرجعـه وقـل جيـت مـواتوالله مـــا تـفــرح بــيــوم احـتـلالــي

هـاذي لأهـل الطيـب مثـل العـلامـاتنضـمـت فيـهـا كــل كـــار ٍ طـرالــي

وللطـيـب درب وللرخـامـه مـتـاهـاتويللـي بغيـت الطيـب طـبـق مقـالـي

مشكور على النقل والذووووووووووووووووق

وصح لسان الشاعر

ضيف الله بن علي


شكراً لك

ودمت بود

مشكور اخوي ناصر على نقل هذه الرائعة

وشهادتي بالشاعر القدير ( الصارم ) مجروحة

شاعر جدير متمكن

شكراً جزيلاً لك أخوي ناصر وصح لسان الشاعر وأتمنى له من صميم الفؤاد مزيداً من التقدم والنجاح

أبوعزام

شكراً لمرورك العطر

لاهنت