الشاعر/ عبدالله محمد السياري

أشغل الخفاق ترديد التمني =لين صرّح للعواذل بالخوافي
يا قريني في الشعر وين أنت عنّي =من ثلاث اسنين نور الشِعر طافي
القوافي عقب ما غبت أهجرنّي =واحربني وأنتحن عني مقافي
صارعنّي واجرحنّي واغلبنّي =ما يرافي جرحهن بالقلب رافي
ليه تخلف يا قريني فيك ظني =وأنت أغلى من مشى راكب وحافي
أنت فخري وأنت ذخري وأنت منّي =ما يصير اتصير عقب الجود جافي
والله أني ما نسيتك والله أني =لِك على ما تشتهي باقي ووافي
إن لقيتك يا قريني قمت أغني =واتلقى منك عسرات القوافي
وإن فقدتك ضاع كل الهرج منّي =صرت مثل الطير منتوف الجناحي
كان قصدك بالمودة تمتحني =ما بقلبي من غلا الخفرات كافي
اشترنّي واملكنّي واشغلنّي =وأودعنّ جنبي عن النوم أمتجافي
أسهرنّي واسعدنّي واسمعنّي =من حسينات القوافي كل شافي

اخي ناصر

يعطيك العافية ( المقطوعة رائعة جدا )

فهي لفحل من فحول الشعراء المتقدمين


دمت بصحة وسلامة

يعطيك العافــــــــية
يابن راكب على نقل هذه القصيدة الرائعه
وصح لسان الشاعر

عبدالعزيز بن عبلان



الأصيل


شكرألكم


ودمتم بود