ياللي اليا صادفتنا تنشد تقول تروح وين للشاعر / عوض ناصر

بدون مقدمة من روائع الشاعر الكبير : عوض بن ناصر

ياللي اليا صادفتنا تنشد تقول تروح وين =اخذ الجواب ان كان عندك شك يوم تسالنا
حنا نسج ندور علوم الرجال الطيبين=ماهي طبايعنا جلوسٍ بالبيوت لحالنا
ان ما نصونا اهل الوفاء نعني لهم والله يعين=نعني وحنا ياوسيع المعرفة يعنى لنا
يعني على ماقالت الامثال تندان وندين=واللي يواصلنا على وصله نشد رحالنا
عرف الرجال اهل الوفاء لاهل الوفء كنزٍ ثمين=اللي منازلهم على القمة مثل منزالنا
اترك ضعوفٍ بالبيوت اللي تسكر جالسين=لعل حال اللي مثل ذولاك ماهو حالنا
اللي على ماقيل لادنيا ولاحفاظ دين=عنهم نقول المن نشدنا قاطعين اوصالنا
اصحابنا دايم رجال المعرفة والغانمين=طبعٍ لنا سابق عليه معلمين عيالنا
فينا شموخ العز من طبع الجدود الاولين=نحشم بقيمتنا وشيمتنا ماهو باموالنا
ومن رافق الانذال طاح وكل مايخفى يبين=الله يثبتنا على الحق ويزيد اعمالنا
واليا توفانا عسانا من صفوف الصالحين=ياساتر الاحوال يوم العرض تستر حالنا

شكر ابومحمد
طرح متميز واختيار موفق
وابوماجد من اعلام الشعر وابياتة صادقة المشاعر

منصور الوسوس

صح لسانك ولسان الشاعر / عوض بن ناصر

وسلمت يمينك على نقل كل ماهو متميز

ودمت بخير

ابو محمد
نقلت الجميل الجزل كعادتك لاهنت
وصح لسان ابو ماجد قال فأجاد

شكرا لك اخي الكريم الاصيل

مقبل النمران
الابداع انت اساسه
شكرا لك على تشريفك وبارك الله فيك
ودمت لنا مبدعا